যকৃৎ

যকৃৎ
মানুহৰ যকৃৎ
সবিশেষ
প্ৰিকাৰ্ছৰ	Foregut
তন্ত্ৰ	পাচন তন্ত্ৰ
ধমনী	হেপাটিক সিৰা
সিৰা	হেপাটিক ধমনী আৰু হেপাটিক পৰ্টেল ধমনী
স্নায়ু	চিলিয়াক গেংগলিয়া আৰু ভেগাছ স্নায়ু
চিনাক্তকাৰক
লেটিন	Jecur, iecur
গ্ৰীক	হেপাৰ (ἧπαρ) মূল হেপাত- (ἡπατ-)
MeSH	D008099
TA98	A05.8.01.001
TA2	3023
FMA	7197
দেহতাত্ত্বিক পৰিভাষা

যকৃৎ (ইংৰাজী: liver) হৈছে মেৰুদণ্ডী আৰু অন্য কিছু প্ৰাণীৰ এটা অত্যাৱশ্যকীয় অংগ। মানুহৰ ক্ষেত্ৰত ই মধ্যচ্ছদাৰ তলফালে পেটৰ সোঁকাষৰ ওপৰ অংশত থাকে। যকৃতৰ বহু কাৰ্য আছে, বহু দেহজ ক্ৰিয়াৰ বিষ প্ৰশমন, প্ৰ'টিন সংশ্লেষণ, পাচনৰ বাবে প্ৰয়োজনীয় জৈৱৰসায়নৰ উৎপাদন কৰে।

প্ৰকৃততে যকৃৎ এটা গ্ৰন্থি, ই গ্লাইক'জেন সংৰক্ষণ নিয়ন্ত্ৰণ, লোহিত ৰক্ত কোষৰ পচন, প্লাজমা প্ৰ'টিনৰ সংশ্লেষণ, হৰম'ন উৎপাদন, আৰু বিষক্ৰিয়া প্ৰশমনকে ধৰি অসংখ্য কাৰ্যৰ দ্বাৰা মানৱ শৰীৰৰ মেটাবলিজিমত গুৰুত্বপূৰ্ণ ভূমিকা পালন কৰে। ই এটা সহকাৰী পাচন গ্ৰন্থি আৰু ই লিপিডৰ বিভংগন ঘটাই পাচন কাৰ্যত সহায় কৰা এক প্ৰকাৰৰ ক্ষাৰকীয় যৌগ, পাচক ৰসৰ উৎপাদন কৰে। যকৃতৰ থিক তলতেই থকা এটা ক্ষুদ্ৰ থলী পিত্তস্থলীত, যকৃতত প্ৰস্তুত হোৱা ৰস সংৰক্ষিত হৈ থাকে। অধিকতৰ হেপাট'চাইটেৰে গঠিত যকৃতৰ বিশেষ কলাই, গৰিষ্টসংখ্যক সাধাৰণ জৈৱিক কাৰ্যৰ বাবে প্ৰয়োজনীয় বৃহৎ আকাৰৰ জৈৱৰাসায়নিক বিক্ৰিয়াবোৰ, ক্ষুদ্ৰ আৰু জটিল কণাবোৰৰ সংশ্লেষণ আৰু বিভংগন নিয়ন্ত্ৰণ কৰে। অংগটোৰ মুঠ কাৰ্যৰ ভিন্নতা পৰিলক্ষিত হয়, কিন্তু পাঠ্যপুথিৰ মতে ই প্ৰায় ৫০০টা মান ভিন্ন কাৰ্য কৰে।

যকৃতৰ লগত জড়িক পৰিভাষাত গ্ৰীক শব্দ হেপাৰৰ আৰ্হিত হেপাৰ- বা হেপাট- ৰে আৰম্ভ হোৱা শব্দ ব্যৱহাৰ কৰা হয়।

বৰ্তমান যকৃতৰ অবিহনে কাৰ্য কৰিব পৰা কোনো দীৰ্ঘ ম্যাদী ব্যৱস্থা নাই, কিন্তু লিভাৰ ডাইলাইছিছ নামৰ প্ৰদ্ধতি ব্যৱহাৰ কৰি কিছু দিনলৈ সকাহ পাব পাৰি। যকৃৎ বিকল হ'লে কেৱল আৰু একমাত্ৰ উপায়টো হৈছে যকৃৎ প্ৰতিষ্ঠাপন।