অসমৰ সংস্কৃতিত অন্ধবিশ্বাস
 |
পানী কটা[1]
[সম্পাদনা কৰক]- "সোমে শণি, পূৱত ৰাশ"- সোমবাৰ আৰু শণিবাৰে পুৱ দিশে যাত্ৰা কৰিব নাপায়। কোনো বিশেষ উদ্দেশ্য লৈ এই দুইদিনত পূৱ দিশত যাত্ৰা কৰিলে উদ্দেশ্য সিদ্ধি নহয় আৰু বিফল মনোৰথে ঘূৰিব লগা হয়।
- "পিছবাৰীত তেতেলী, আগবাৰীত ঔ, সেইঘৰৰ ভেটি গ'লনে নৌ"- ঘৰৰ পিছফালৰ বাৰীত তেতেলী গছ আৰু আগফালৰ বাৰীত ঔ-টেঙাৰ গছ ৰাখিব নাপায়। অন্যথা সেইখন ঘৰৰ ভেটি উচন হোৱাৰ সম্ভাৱনা থাকে।
- শণি আৰু মঙ্গলবাৰে, আৰু নিশা নখ-চুলি কটাব নাপায়।
- ফেঁচাই নিউ নিউ কৰিলে মৃত্যু
- ফেচাই উৰুলি দিলে বিয়া
- ফেউৰাই ৰাউ দিলে অমংগল
- যোৰ সাপ দেখিলে অমংগল
- গৰুৰ নেজ ঠেঙত পাঁক খালে অমংগল
- মেকুৰীয়ে বাট কাটিলে যাত্ৰা বিফল
- কুকুৰে আগচোতালত চুঁচৰিলে আকাল
- সাপক 'সাপ' বুলি ক'লে আসৈ পায়, সেয়ে 'দীঘলীয়া' বুলি ক'ব লাগে।
- আহাৰ গ্ৰহণ কৰি থকা অৱস্থাত কোনো লুতুৰা ব্যক্তিয়ে দেখিলে মুখ লাগে, আৰু তেতিয়া বিহলঙনীৰে মুখলগা ভাঙিব লাগে।
- কোনোবাই কাৰোবাক যাদু-মন্ত্ৰ কৰিলে "পানী-কটা" পানীৰে গা ধুলে নিবাৰণ হয়।
- ভাতত কোনোবাই আহুদি কৰিব খুজিলে খাবলৈ বহাৰ আগতে পীৰাখন ভৰিৰ বুঢ়া আঙুলিৰে থেলি ল'ব লাগে।
- ঋতুস্ৰাৱ হৈ থকা মহিলাই ৩ দিনলৈকে ঘৰৰ আন আচ-বাব ইত্যাদি চুব নালাগে।
- সপোনত দাঁত সৰা দেখিব নাপায়। ওপৰৰ পাৰিৰ দাঁত সৰা দেখিলে নিজতকৈ বয়সত সৰু, আৰু তলৰ পাৰিৰ দাঁত সৰা দেখিলে নিজতকৈ বয়সত ডাঙৰ কাৰোবাৰ মৃত্যু হয়।
- সপোনত পুঠিৰ দৰে বগা পিঠিৰ মাছ দেখিলে ভাল, আৰু কাৱৈৰ দৰে ক'লা পিঠিৰ মাছ দেখিলে বেয়া।
- সপোনত সাঁকো, দলং ইত্যাদি পাৰ হোৱা দেখিলে পৰীক্ষা ইত্যাদিত উত্তীৰ্ণ হয়।
- ঘৰৰ চোতালত শালিকাই হাই-উৰুমি কৰিলে ঘৰতো হাই-কাজিয়াৰ সৃষ্টি হয়।
- আউসী আৰু একাদশীৰ দুদিনত হাল বাব নাপায়।
- কানিমুনি সময়ত কোনো কামত হাত দিব নাপায়।
- ভাত খাওঁতে গালত বা কপালত হাতৰ ভেজা দিব নাপায়।
তথ্যসূত্ৰ
[সম্পাদনা কৰক]- ↑ Benudhar Rajkhowa (1973). Assamese Popular Superstitions and Assamese Demonology. Department of Folklore Research, Gauhati University.