এনিছকিলেন

অসমীয়া ৱিকিপিডিয়াৰ পৰা
Jump to navigation Jump to search

এনিছকিলেন (Enniskillen, /ˌɛn[unsupported input]sˈkɪlən/) উত্তৰ আয়াৰলেণ্ডত অৱস্থিত এখন নগৰ৷ এই নগৰখন ফাৰমানা কাউন্টি (County Fermanagh) ৰ আৰ্ণ হ্ৰদৰ (লখ আৰ্ণ, Lough Erne) ৰ উজনি আৰু নামনি অংশৰ ঠিক সোঁমাজতে অৱস্থিত৷ ২০১১ চনৰ লোকপিয়ল অনুসৰি এই নগৰৰ জনসংখ্যা ১৩,৮২৩ জন৷ এই কাউন্টিৰ ভিতৰত এনিছকিলেন সৰ্ববৃহৎ নগৰ৷

ইতিহাস[সম্পাদনা কৰক]

এই নগৰখনৰ নাম আইৰিছ: Inis Ceithleann ৰ পৰা আহিছে৷ এই শব্দ Cethlenn নামৰ এগৰাকী আইৰিছ দেৱীৰ নাম বুজায়৷ লোককথা অনুসৰি এই দেৱীগৰাকী এবাৰ যুদ্ধক্ষেত্ৰত কাড়েৰে আঘাতপ্ৰাপ্ত হয় আৰু আৰ্ণ নদীৰে সাঁতুৰি পলায়ন কৰিবলৈ চেষ্টা কৰে৷ তেওঁ পাৰ হ’বলৈ সক্ষম নহ’ল আৰু এই ঘটনাকে সুঁৱৰি আৰ্ণ নদীয়ে আগুৰি থকা দ্বীপটোৰ নাম এনিছকিলেন ৰখা হ’ল৷ [1]

এনিছকিলেন নগৰৰ আটাইতকৈ পুৰণি অট্টালিকাটো হৈছে এনিছকিলেন দূৰ্গ (Enniskillen Castle)৷ এই দূৰ্গটো ১৪২৮ চনত মৃত্যু হোৱা হিউ মেগুৱায়াৰ (Hugh Maguire)-এ নিৰ্মান কৰিছিল৷ [2] ঐতিহাসিকভাৱে দূৰ্গটো মেগুৱায়াৰ পৰিয়ালৰ মূলখুঁটি আছিল৷.[3][4]

Enniskillen Registry Office

জনগাঁথনি[সম্পাদনা কৰক]

এনিছকিলেন চহৰখনক উত্তৰ আয়াৰলেণ্ড পৰিসংখ্যা আৰু গৱেষণা প্ৰতিষ্ঠান (Northern Ireland Statistics and Research Agency (NISRA)) মধ্যমীয়া আকাৰৰ চহৰ বুলি তালিকাভুক্ত কৰিছে৷ [5]:11

২০১১ চনৰ লোকপিয়ল অনুসৰি এই নগৰৰ মুঠ জনসংখ্যা ১৩,৮২৩ জন (৫,৭৩৩ টা পৰিয়াল)৷ এই জনসংখ্যা উত্তৰ আয়ালেণ্ডৰ মুঠ জনসংখ্যাৰ ০.৭৬% [6] ইয়াৰে ১৯.৭৬% ১৬ বছৰৰ অনুৰ্ধৰ আৰু ১৫.৫৯% ৬৫ বছৰৰ উৰ্দ্ধৰ লোক৷ মুঠ জনসংখ্যাৰ ৫১.৮০% লোক মহিলা, ৪৮.২০% পুৰুষ৷ লগতে এই জনসংখ্যাৰ ৬১.৬২% লোক কেথলিক ধৰ্মাৱলম্বী আৰু ৩৩.৭৭% লোক প্ৰটেষ্টান্ট বা অন্য খ্ৰীষ্টান ধৰ্মাৱলম্বী৷ জনসংখ্যাৰ গড় আয়ুস ৩৯ বছৰ৷

মুঠ জনসংখ্যাৰ ১৩.০৩% লোকৰ আইৰিছ (গেলিক) ভাষা আৰু ৩.৬৫% লোকৰ আল্ষ্টাৰ-স্কট (Ulster-Scots) ভাষাৰ জ্ঞান আছে৷

জলবায়ু[সম্পাদনা কৰক]

ব্ৰিটেইন আৰু আয়াৰলেণ্ডৰ দৰেই এনিছকিলেন নগৰৰ জলবায়ু সাগৰীয় (maritime climate)৷ বছৰৰ গ্ৰীষ্মকাল শীতল আৰু শীতকাল মধ্যমীয়া (mild)৷

এই চহৰত বৰ্তমানলৈকে হোৱা উচ্চতম তাপমাত্ৰা হৈছে ২৯.৮°C, যিটো ২০০৬ চনৰ জুলাই মাহত পোৱা গৈছিল৷ [7] গড়ে বছৰৰ সৰ্বাধিক তাপমাত্ৰা ২৫.৫°C[8]

এই নগৰত বৰষুণৰ পৰিমান অধিক, গড়ে প্ৰায় ১৫০০ মিমি৷ বছৰৰ ২১২ টা দিনেই নগৰৰখনত সৰ্বনিম্ন ১ মিমি অধক্ষেপ (precipitation) পোৱা যায়৷

আকৰ্ষণীয় ঠাই[সম্পাদনা কৰক]

Cole's Monument
  • কেছ’ল কুল (Castle Coole)
  • কুলৰ কীৰ্তিচিহ্ন (Cole's Monument)
  • এনিছকিলেন দূৰ্গ (Enniskillen Castle)
  • পৰ্ট’ৰা দূৰ্গ (Portora Castle)
  • চেইন্ট মেককাৰ্টিনৰ কেথেড্ৰেল (St. Macartin's Cathedral)
  • ক্লিন্টন চেন্টাৰ (The Clinton Centre)
  • ৰেজিমেন্টেল সংগ্ৰহালয় ( The Regimental Museum of the Inniskilling Regiment)
  • মাৰ্বল আৰ্চ গুহাশ্ৰেণী (The Marble Arch Caves)
  • কুলকা পাহাৰ আৰু জিঅ’ পাৰ্ক ( Cuilcagh Mountain Global Geo-Park)
  • ম’নিয়া দূৰ্গ (Monea Castle)
  • লখ নেভাৰ (Lough Navar) আৰু মাঘ’ৰ গ'ৰা (Cliffs of Magho)
  • লখ আৰ্ণ (Lough Erne)

যাতায়ত[সম্পাদনা কৰক]

ৰে’লপথ[সম্পাদনা কৰক]

ঐতিহাসিকভাৱে এনিছকিলেন নগৰত ৰে’লপথ আছিল৷ ১৮৫৪ চনত এনিছকিলেন ৰে’লৱে ষ্টেচনৰ পৰা লণ্ডন ডেৰীলৈ, ১৮৬১ চনত দাণ্ডাক (Dundalk), ১৮৬৮ চনৰ বুণ্ডৰান (Bundoran) আৰু ১৮৮২ চনত শ্লাইগ’ (Sligo) ৰে’লসেৱা আছিল৷[9] ১৮৮৩ চনত গ্ৰেট নৰ্থান ৰে’লৱে, আয়াৰলেণ্ডে (Great Northern Railway (Ireland)) এই ৰে’লসেৱা সমূহৰ পৰিচালনাৰ দায়িত্ব লয় কিন্তু ১৯৫৭ চনৰ অক্টোবৰত আয়াৰলেণ্ড চৰকাৰে গ্ৰেট নৰ্থান ৰে’লৱে বন্ধ কৰি দিয়ে৷ ফলত ইয়াৰ দ্বাৰা পৰিচালিত ৰে’লসেৱা সমূহো বন্ধ হৈ যায়৷ [10]

এনিছকিলেন নগৰৰ ৰা বৰ্তমান নিকটতম ৰে’লৱে ষ্টেচনটো হ’ল শ্লাইগ’ ষ্টেচন ( Sligo station)৷

বাছ[সম্পাদনা কৰক]

এনিছকিলেনৰ বাছসেৱা মূলত: আলষ্টাৰবাছ (Ulsterbus) আৰু বাছ এইৰিন (Bus Éireann) ৰ দ্বাৰা পৰিচালিত৷[11]

উৰাজাহাজ[সম্পাদনা কৰক]

এনিছকিলেনত দ্বিতীয় বিশ্বযুদ্ধৰ সময়ৰ এটা বিমানবন্দৰ আছে৷ পূৰ্বে ইয়াৰ পৰা যাত্ৰীবাহী উৰাজাহাজ চলিছিল যদিও বৰ্তমান মাথোঁ ব্যক্তিগত উৰাজাহজৰ সেৱাহে আগবঢ়ায়৷

ঘাইপথ[সম্পাদনা কৰক]

এনিছকিলেনৰ মূল ঘাইপথ A4/N16 ৰ যোগেদি অঞ্চলটো বেলফাষ্ট আৰু শ্লাইগ’ৰ লগত আৰু N3/A46/A509 ৰ যোগেদি ডাবলিনৰ লগত সংযুক্ত৷


তথ্যউৎস[সম্পাদনা কৰক]

  1. "Bunachar Logainmneacha na hÉireann". http://www.logainm.ie/?text=enniskillen&placeID=1167106. 
  2. Mary Rogers (1982). Prospect of Fermanagh. Watergate Press, Enniskillen. 
  3. "The Maguires of Fermanagh". http://www.libraryireland.com/articles/MaguiresDuffysHibernian2-10/index.php. 
  4. Witherow, Thomas. "The Defence of Enniskillen". Derry and Enniskillen in the Year 1689. Library Ireland. Retrieved 24 May 2012.
  5. "Statistical Classification and Delineation of Settlements" (PDF). NI Statistics and Research Agency (NISRA). February 2005. Table 3 / Band C - Large Town. http://www.ninis2.nisra.gov.uk/public/documents/ur_report.pdf। আহৰণ কৰা হৈছে: 26 September 2018. 
  6. উদ্ধৃতি ত্ৰুটি: অবৈধ <ref> টেগ; Census2011 নামৰ refৰ বাবে কোনো পাঠ্য প্ৰদান কৰা হোৱা নাই
  7. "2006 Maximum". http://eca.knmi.nl/utils/monitordetail.php?seasonid=13&year=2006&indexid=TXx&stationid=1822। আহৰণ কৰা হৈছে: 20 September 2011. 
  8. "71-00 Mean Warmest Day". http://eca.knmi.nl/utils/calcdetail.php?seasonid=0&periodid=1971-2000&indexid=TXx&stationid=1822। আহৰণ কৰা হৈছে: 20 September 2011. 
  9. Hajducki, S. Maxwell (1974). A Railway Atlas of Ireland. প্ৰকাশক Newton Abbott: David & Charles. maps 6, 7, 12. ISBN 0-7153-5167-2. 
  10. Sprinks, N.W. (1970). Sligo, Leitrim and Northern Counties Railway. প্ৰকাশক Billericay: Irish Railway Record Society (London Area). 
  11. Leydons Coaches. Leydons Coaches (11 February 2013). Retrieved on 23 July 2013.

বাহ্যিক সংযোগ[সম্পাদনা কৰক]

Wikivoyage-Logo-v3-icon.svg এনিছকিলেন ভ্ৰমণ নিৰ্দেশিকা, ৱিকিভয়াজৰ পৰা