কাঠৰ জোখ মাপ

অসমীয়া ৱিকিপিডিয়াৰ পৰা
Jump to navigation Jump to search

কাঠৰ জোখ মাপৰ একক (ইউনিট) হ'ল কেবি (KB)। কাঠ এডাল ত্ৰিমাত্ৰিক (three dimension) । সেই তিনিটা অংশ হ'ল- কাঠডালৰ দৈৰ্ঘ্য (length), কাঠডালৰ প্ৰস্থ (breadth) আৰু কাঠডালৰ উচ্চতা (height) । প্ৰস্থ আৰু উচ্চতা বেছিভাগ ইঞ্চিত থাকে আৰু দৈৰ্ঘ্য সাধাৰণতে ফুটত ধৰা হয়। প্ৰস্থ আৰু উচ্চতাক ফুটত লিখিলে বহুত সৰু মান পোৱা যায় আৰু ই গণনাৰ বাবে সুবিধাজনক। ইয়াৰ পৰিৱৰ্তে দৈৰ্ঘ্যক ইঞ্চিত লিখিলে ডাঙৰ মান এটা পোৱা যায়। কাঠৰ জোখ কেবি উলিওৱা পদ্ধতি:

যদি কাঠডালৰ দৈৰ্ঘ্য, প্ৰস্থ আৰু উচ্চতা পূৰণ কৰিলে 144 পোৱা যায় তেতিয়া হ’লে কাঠডাল 1 কেবিৰ হ’ব।[1] অৰ্থাৎ

1 কেবি = দৈৰ্ঘ্য (ফুট) × প্ৰস্থ(ইঞ্চি) × উচ্চতা (ইঞ্চি) = 144

144 তকৈ বেচি হোৱা মানে 1 কেবিতকৈ বেচি, কম মানে 1 কেবিতকৈ কম।

উদাহৰণস্বৰূপে: 2 ইঞ্চি প্ৰস্থ, 3 ইঞ্চি উচ্চতা (2 by 3) আৰু 24 ফুট দৈৰ্ঘ্যৰ কাঠ এডাল 1 কেবিৰ হ'ব। (কাৰণ, 2×3×24=144)। তেনেকুৱা 20 ডাল কাঠৰ জোখ 20 কেবি হ'ব।

তেনেকৈ 4 ইঞ্চি প্ৰস্থ, 4 ইঞ্চি উচ্চতা (4 by 4) আৰু 9 ফুটৰ কাঠ এডালো 1 কেবিৰ হ'ব। ( কাৰণ, 4×4×9=144)।

ঠিক একেদৰে আমি যদি তক্তা এখন লওঁ যিখনৰ  12 ইঞ্চি প্ৰস্থ, 2 ইঞ্চি উচ্চতা আৰু 6 ফুট দৈৰ্ঘ্য (যি কাঠৰ প্ৰস্থ বেছি, উচ্চতা কম তাকেই আমি তক্তা বোলো)। তেতিয়া তক্তাখনও 1 কেবিৰ হ'ব। ( কাৰণ, 12×2×6=144)।

আমি কৈছোঁ যে কাঠডালৰ দৈৰ্ঘ্য ফুটত থাকে। আমি ফুটক ইঞ্চিলৈ নিওঁ হিচাপটো কৰিব পাৰোঁ। আমি জানো যে-

1 ফুট = 12 ইঞ্চি

12 ফুট = 144 ইঞ্চি

গতিকে, 1 কেবি = 12 × 144 = 1728 ইঞ্চি।

1 কেবি কাঠ হ'বলৈ 1728 (ইঞ্চি×ইঞ্চি×ইঞ্চি) হ’বই লাগিব। দৈৰ্ঘ্য, প্ৰস্থ আৰু উচ্চতা যিকোনো হ’ব পাৰে, কিন্তু তিনিওটা পূৰণ কৰিলে 1728 হ’বই লাগিব।

উদাহৰণস্বৰূপে: 2 ইঞ্চি প্ৰস্থ, 3 ইঞ্চি উচ্চতা (2 by 3) আৰু 24 ফুট (বা 24×12=288 ইঞ্চি) দৈৰ্ঘ্যৰ কাঠ এডাল 1 কেবিৰ হ'ব। (কাৰণ, 2×3×288=1728 ইঞ্চি×ইঞ্চি×ইঞ্চি)।

এক কেবি শাল কাঠৰ দাম প্ৰায় 1500 টকা। চেগুনৰ দাম প্ৰায় 1000 টকা। যদি আমাক 50 কেবি চেগুন কাঠ লাগে 50 ৰে 1000 ক পূৰণ কৰিব লাগিব।


  1. "Meaning of KB in wood/wooden furniture/forestry. What is the exact quantity of wood meant by KB of wood?". Financehubnepal.com. 3 April 2020. https://www.financehubnepal.com/2020/04/meaning-of-kb-in-woodwooden.html?m=1। আহৰণ কৰা হৈছে: 16 June 2020.