খৰিকাত দিয়া

অসমীয়া ৱিকিপিডিয়াৰ পৰা
নেভিগেশ্যনলৈ যাওক সন্ধানলৈ যাওক
খৰিকাত দিয়া

খৰিকাত দিয়া(ইংৰাজী: Skewered grilled food) হৈছে এবিধ ৰন্ধন প্ৰণালী য’ত এডাল শলাত খাদ্য দ্ৰব্যবোৰৰ টুকুৰাবোৰ খুচি লৈ শলাডালত ভৰাই জুই বা গৰম কয়লাত পুৰি তৈয়াৰ কৰা হয় । খৰিকা হৈছে এডাল বাহ, কাঠ বা লোহাৰ ক্ষীণ কাঠি বা শলা, য’ত মাংস, মাছ, ফল বা পাচলিৰ টুকুৰাবোৰ একেলগে ধৰি ৰাখিব পাৰি ।[1]

খৰিকাত দিয়া মাছ আৰু গাহৰি মাংস

ইতিহাস[সম্পাদনা কৰক]

প্ৰাগ ঐতিহাসিক যুগত শলাত মাংস পুৰি বা সেকি খোৱাটো, নিম্ন প্ৰেলেওলিথিক যুগৰ পৰা চলি আহিছে বুলি জাৰ্মানীৰ ছোনিনজেনত পোৱা ৩০০,০০০ বছৰৰ পুৰণি তথ্যৰ পৰা প্ৰমাণিত হৈছে । এই স্থানত পোৰা আগটোৰে এডাল শলা উদ্ধাৰ হোৱা তথ্যই ইয়াকে প্ৰমাণ কৰে যে আদিম মানৱসকলে জুইত মাংস বা মাছ কাঠি বা শলাত লগাই পুৰি খাইছিল । [2]

প্ৰণালী[সম্পাদনা কৰক]

অসমীয়া প্ৰণালীৰে খৰিকাত দিয়া কুকুৰাৰ মাংস[সম্পাদনা কৰক]

  • ১/২ কিলো হাড় নথকা কুকুৰাৰ মাংস
  • এটুকুৰা আদা
  • ৬ টা নহৰু
  • ১ টা নেমুটেঙা
  • ২ চামুচ মিঠাতেল
  • এক চিকুট নিমখ
  • ১/২ চামুচ জালুক

প্ৰথমে মাংস খিনি শলাত ভৰাব পৰাকৈ সৰু টুকুৰাকৈ কাটি মিঠাতেল, নিমখ, জালুক আৰু নেমু টেঙাৰ ৰস দি এক ঘন্টামান ঢাকি থব লাগে । বাহ বা কাঠৰ খৰিকা হলে আগতীয়াকৈ পানীত তিয়াই থব লাগে । প্ৰথমে খৰিকা কেইডাল আগতিয়াকৈ হাতেৰে অলপ মিঠাতেলেৰে মোহাৰি লব লাগে যাতে মাংসখিনি তৈয়াৰ হোৱাৰ পাছত কোনো অসুবিধা নোহোৱাকৈ টানি উলিয়াব পাৰি। এক ঘণ্টা পাছত মাংসৰ টুকুৰাবোৰ শলা কেইডালত ভৰাই লৈ গৰম জুই বা অঙঠাৰ ওপৰত দি ভালদৰে পুৰি লব লাগে। চাৰিওফালৰ পৰা ভালদৰে সিজিলে খৰিকা কেইডাল জুইৰ পৰা আঁতৰাই এখন থালত মাংসৰ টুকুৰাবোৰ থৈ বা খৰিকাৰ পৰাই খাব পাৰি। গাহৰিৰ মাংসও একে পদ্ধতিৰে ৰান্ধি খাব পাৰি।[3]

অসমীয়া প্ৰণালীৰে খৰিকাত দিয়া গৰৈ মাছ[সম্পাদনা কৰক]

খৰিকাত দিয়া গৰৈ মাছ ৰান্ধিবৰ বাবে ৩টা গৰৈ মাছ, ১/৪ চামুচ মান নিমখ আৰু হালধিৰ দৰকাৰ হয়। প্ৰথমে মাছৰ পেটু আৰু মূৰকেইটা আঁতৰাই ভালদৰে মাছকেইটা ধুই নিমখ আৰু হালধি খিনি মাছকেইটাত ভালদৰে লগাই লব লাগে, তাৰপাছত খৰিকা বা শলা কেইডালত মাছ কেইটাৰ মুখৰ পৰা নেজলৈকে সুমুৱাই জুইত বা অঙঠাত দি পুৰি সিজাব লাগে ।[4]


দেশ অনুসৰি বিভিন্ন নামসমূহ[সম্পাদনা কৰক]

খৰিকাত দিয়া ৰন্ধন প্ৰণালীটো বিভিন্ন দেশত বিভিন্ন নামেৰে জনা যায় । ইয়াক ভূমধ্যসাগৰীয় বা আৰব দেশসমূহত কাবাব বুলিও জনা যায় ।[5]কিন্ত সকলো কাবাব খৰিকাত দি ৰন্ধা নহয় । যেনে চেপলী কাবাবটো পিঠাৰ দৰেহে বনায়। কেক'ছি হৈছে এবিধ শলা বা খৰিকাত দি পুৰি খোৱা কোৰিয়ান খাদ্য। কোৰিয়ান ভাষাত কেক'ছি মানে শলা বা খৰিকা। ফিলিপাইনত খৰিকাত দিয়াটো ইনহাঊ বুলি কোৱা হয় । [6]

চিত্ৰ বিথিকা[সম্পাদনা কৰক]

তথ্য সংগ্ৰহ[সম্পাদনা কৰক]

  1. "skewer". Oxford English Dictionary (2nd ed.). Oxford University Press. 1989.
  2. Gaudzinski-Windheuser, Sabine (2015-08-07). Metheny, Karen Bescherer; Beaudry, Mary C. (eds.). Archaeology of food : an encyclopedia. Lanham. section Paleolithic Diet. ISBN 9780759123663. OCLC 898158291.
  3. https://www.rumicooks.com/2018/12/assamese-style-smoked-pork-sticks.html
  4. https://www.youtube.com/watch?v=qV0F3lHfDwk
  5. Zubaida, Sami (2010). "Vocabularies of Middle Eastern Food". In Hosking, Richard (ed.). Food and Language: Proceedings of the Oxford Symposium on Food and Cooking 2009. Oxford Symposium on Food and Cookery. Prospect Books. p. 386. ISBN 978-1-903018-79-8 – via Google Books
  6. https://en.wikipedia.org/wiki/Inihaw#:~:text=Inihaw%20(pronounced%20%5B%C9%AA%CB%88ni%3Aha%CA%8A,sauce%20and%20vinegar%2Dbased%20dip.