ডেংগি ৰোগ

অসমীয়া ৱিকিপিডিয়াৰ পৰা

ডেংগি ৰোগ এই ৰোগৰ প্ৰধান সক্ষম বাহক এডিছ ইজিপ্তিয়াই(Ae.Aegypti) আৰু এডিছ এলব'পিক্টাছ(Ae.albopictus)৷সাধাৰণতে এডিছ ইজিপ্টিয়াই মহবিধ ঘৰুৱা পাৰিপাৰ্শ্বিক অৱস্থাত পোৱা যায়৷ এই মহৰ বংশবৃদ্ধি হোৱাত তাপমাত্ৰা ২৫° চেণ্টিগ্ৰেডৰ ওপৰত আৰু আৰ্দ্ৰতা ৮৮ শতাংশতকৈ অধিক প্ৰয়োজন হয়৷ ডেংগি ৰোগৰ মহে দিনতহে কামোৰে৷ [1]

বংশবৃদ্ধিৰ স্থান[সম্পাদনা কৰক]

  1. পৰিত্যক্ত নাৰিকলৰ খোলা,অলপ পানী জমা থাকিব পৰা কোনো পাত্ৰ৷
  2. ফুল আদি সজোৱা পাত্ৰ,য'ত সঘনে পানী ঢলা হয় আৰু শুকাই নাযায়৷
  3. পৰিত্যক্ত গাড়ীৰ চকাৰ দ'ম আৰু পানী জমা হৈ থকা কিছুমান পাত্ৰ৷
  4. শীত-তাপ নিয়ন্ত্ৰিত যন্ত্ৰত অথবা ৰেফ্ৰিজাৰেটৰত জমা হৈ গোট খোৱা পানী৷

এনেবোৰক বিজ্ঞানীসকলে Container index বুলি চিহ্নিত কৰিছে৷[1]

ডেংগি ৰোগৰ লক্ষণ[সম্পাদনা কৰক]

  1. হঠাৎ জ্বৰ উঠা,লগতে মূৰৰ সন্মুখৰ ফালে বিষ অনুভৱ কৰা৷
  2. শৰীৰৰ মাংসপেশী আৰু গাঁঠিৰ বিষ অনুভৱ কৰা৷
  3. বিশেষকৈ পিঠি আৰু শৰীৰৰ বাহিৰৰ অংশ ৰঙচুৱা হোৱা৷[1]

DHF\DSS হ'লে

  1. শৰীৰৰ পৰা তেজ নিৰ্গত হোৱা
  2. ধমনীত তেজৰ প্ৰবাহ কমি যোৱা
  3. পেটৰ বিষত ৰোগী ক্ৰমান্বয়ে অস্থিৰ হৈ পৰা
  4. প্ৰস্ৰাব কমি অহা,তেজৰ অনুচক্ৰিকা/প্লেটিলেট কমি অহা
  5. নাক আৰু দাঁতৰ পাৰিৰ পৰা তেজ নিৰ্গত হোৱা আদি প্ৰধান লক্ষণ৷

উত্তৰ - পূৰ্বাঞ্চলত ডেংগি ৰোগৰ প্ৰভাৱ[সম্পাদনা কৰক]

উত্তৰ-পূৰ্বাঞ্চলত ডেংগি ৰোগৰ প্ৰভাৱ ১৯৯২ চনৰ পৰা হোৱা পৰিলক্ষিত হৈছে৷[1]

বিশ্বত ডেংগি ৰোগৰ প্ৰভাৱ[সম্পাদনা কৰক]

চাইনিজ মেডিকেল এনচাইক্ল'পেডিয়াত বিশ্বত সৰ্বপ্ৰথম সন্দেহজনক ডেংগিৰ বিষয়ে জিন সাম্ৰাজ্যৰ সময়ত(২৫৫-৪২০ খ্ৰীষ্টাব্দ) এই ৰোগক "পানী বিহ" বুলি অভিহিত কৰিছে৷ ১৭৭৯ চনত ডেংগি নামকৰণৰ পিছৰে পৰা মহামাৰী ৰূপত এচিয়া,আফ্ৰিকা আৰু উত্তৰ আমেৰিকাত ১৭৮০ চনত সমসাময়িকভাৱে বিস্তাৰিত হৈছিল৷ গাঁঠি আৰু মাংসপেশীৰ বিষ অনুভৱ কৰালৈ লক্ষ্য কৰি এনে ৰোগক বিজ্ঞানী বেঞ্জামিন ৰুচে"বেকব'ন ফিভাৰ" বুলি নামাংকন কৰিছিল৷ ১৯৫৫-৭০ৰ সময়ছোৱাত গোটেই বিশ্বত মাত্ৰ ৯খন দেশহে আক্ৰান্ত হৈছিল,কিন্তু ১৯৭০ ৰ পৰা ১৯৯৩ চনলৈ এই ৰোগ বিশ্বৰ ৩৭ খন দেশলৈ বিস্তাৰিত হয়৷[1]

নিৰাময়ৰ উপায়[সম্পাদনা কৰক]

পানী জমা হোৱা উৎসবোৰ,য'ত এনেবোৰ মহে বংশবৃদ্ধি কৰাৰ সম্ভাৱনা অধিক,তেনেবোৰ উৎস ততালিকে নাইকিয়া কৰিব পাৰিলে ,এই মহৰ বংশবৃদ্ধিত বাধা দিব পাৰি৷


তথ্য সংগ্ৰহ[সম্পাদনা কৰক]

  1. 1.0 1.1 1.2 1.3 1.4 ডা° হিতেন্দ্ৰ চন্দ্ৰ বৰুৱা (বৃহস্পতিবাৰ (৫ ছেপ্টেম্বৰ ২০১৩ )). ডেংগি ৰোগ আৰু কিছু তথ্য.