বিদুৰভাই (চলচ্চিত্ৰ)

বিদুৰভাই
পৰিচালক	সুব্ৰত কাকতি
ৰচনা	সুব্ৰত কাকতি জ্যোতিষ্মান চেতিয়া
প্ৰযোজক	মনোজ বৰাইক আচুৰ্য বৰপাত্ৰ দীক্ষু শৰ্মা অৰ্ণৱ হাজৰিকা ভাৰ্গৱ খাউণ্ড
অভিনয়ত	চুমকি কছাৰী ত্ৰৈলোক্য বৰুৱা বলিন বৰা উদ্দীপনা বৰা হীৰক জ্যোতি বৰদলৈ শৰ্মিষ্ঠা দাস পংকজ মহন্ত
চিত্ৰগ্ৰহণকাৰী	বিতুল দাস আৰু উত্তম কলিতা (সহকাৰী চিনেমেটোগ্ৰাফাৰ)
সম্পাদনা	সুব্ৰত কাকতি
সংগীত পৰিচালক	প্ৰণয় দত্ত
মুক্তি	১৯ জুলাই, ২০২৪
দৈৰ্ঘ্য	১৪৮ মিনিট
দেশ	ভাৰত
ভাষা	অসমীয়া
সৰ্বমুঠ আয়	৫.১০ কোটি (৩১ জুলাই, ২০২৪ পৰ্যন্ত)

বিদুৰভাই (ইংৰাজী: Bidurbhai) হৈছে ২০২৪ চনত মুক্তি লাভ কৰা সুব্ৰত কাকতিৰ দ্বাৰা পৰিচালিত এখন কমেডি-ড্ৰামা প্ৰকাৰৰ অসমীয়া চলচ্চিত্ৰ। ছবিখনত চুমকি কছাৰী, ত্ৰৈলোক্য বৰুৱা, বলিন বৰা, উদ্দীপনা বৰা, হীৰক জ্যোতি বৰদলৈ, শৰ্মিষ্ঠা দাস, পংকজ মহন্তকে ধৰি ভালেসংখ্যক অভিনয়-শিল্পীয়ে অভিনয় কৰিছে ৷ ছবিখনত ২০২১ চনত মুক্তিলাভ কৰা একেনামৰ ৱেব ছিৰিজৰেই পৰিৱৰ্ধিত এক নতুন কাহিনীৰ চিনেমেটিক উপস্থাপন বুলি বিবেচনা কৰিব পাৰি ৷ ছবিখনে মুক্তিৰ মাত্ৰ কেইটামান দিনৰ ভিতৰতে ৫ কোটিতকৈ অধিক ব্যৱসায় কৰে ৷

কাহিনী

'বিদুৰভাই'ৰ চলচ্চিত্ৰৰ কাহিনীয়ে ২০২১ চনত মুক্তিলাভ কৰা একে নামৰ ৱেব ছিৰিজৰ পৰৱৰ্তী পৰ্যায়ৰ কাহিনীটোকে অনুসৰণ কৰে৷ সাঁচি গছ বিক্ৰী কৰি সহজলভ্য ধন ঘটা চাৰিজন বন্ধু ক্ৰমে দীপ, বলিন, নিতু আৰু উজ্জ্বলৰ পৰৱৰ্তী সময়ৰ জীৱনক কাহিনীটোত দেখুওৱা হৈছে৷ সঠিক জীৱিকাৰ সন্ধান আৰু পৰ্যাপ্ত পৰিমাণৰ ধন আহৰণ-এই দুটা উদ্দেশ্য লৈয়েই চাৰিওজন বন্ধুৱে তেওঁলোকৰ পৰৱৰ্তী পৰিকল্পনা এটা প্ৰস্তুত কৰে৷ এই পৰিকল্পনাৰ ফলস্বৰূপে তেওঁলোকে স্থানীয় বিধায়কৰ কাষ চাপে৷ কাহিনীয়ে এক নতুন মোৰ লয় আৰু তেওঁলোকৰ পৰিকল্পনাও সলাবলগীয়া হয়৷ কাহিনীটোৱে চৰকাৰী স্বাস্থ্য-খণ্ডকে সাঙুৰি একাধিক খণ্ডৰ দুৰ্বল দিশ উন্মোচন কৰিবলৈ চেষ্টা কৰে৷

কলা-কুশলী

অভিনয়ত

• চুমকি কছাৰী (কুসুম)
• ত্ৰৈলোক্য বৰুৱা (দীপ)
• বলিন বৰা (বলিন)
• উদ্দীপনা বৰা (পূৰ্ণিমাৰ চৰিত্ৰত)
• হীৰক জ্যোতি বৰদলৈ(ডায়মণ্ড চলিহাৰ চৰিত্ৰত)
• শৰ্মিষ্ঠা দাস (মিনতিৰ চৰিত্ৰত)
• নিতু খনিকৰ (নিতুৰ চৰিত্ৰত)
• পংকজ মহন্ত (পৱন বৰদলৈৰ চৰিত্ৰত)
• স্নিগ্ধা ফুকন (গীতালিৰ চৰিত্ৰত)
• উজ্জ্বল ৰাজখোৱা (উজ্জ্বলৰ চৰিত্ৰত)

আন কুশলীসকল

• কলা-নিৰ্দেশনা : মণ্টু গোঁহাই
• সাজ-সজ্জা ; জুৰি কলিতা
• ৰূপসজ্জা : ৰূপজ্যোতি দত্ত আৰু বিজিয়েতা পাটগিৰি
• ভিজুৱেল এফেক্টছ : মুকথাং মাছাহাৰী

মুক্তি

'বিদুৰভাই' ছবিখনে ২০২৪ চনৰ ১৯ জুলাই তাৰিখে অসমৰ অধিকাংশ ছবিগৃহতে মুক্তি লাভ কৰে আৰু মুক্তিৰ প্ৰথম দিনটোত মুঠ ১৭৯ টা দৰ্শনী (Show) লাভ কৰে ৷ প্ৰথম তিনিটা দিনত ছবিখনে ১.২৪ কোটি টকা উপাৰ্জন কৰিবলৈ সক্ষম হয় ৷ পৰৱৰ্তী সময়ত ছবিখনে বৰ্হিৰাজ্যৰ বেংগালুৰুকে ধৰি কেইখনমান চহৰত মুক্তি লাভ কৰে আৰু ইয়াৰ ফলত ছবিখনে দেশৰ ২৪৯ টা দৰ্শনী (Show) লাভ কৰে ৷

সংগীত

ছবিখনৰ সংগীত পৰিচালক আৰু সুৰকাৰ হৈছে প্ৰণয় দত্ত ৷ গীতসমূহ গাইছে আচুৰ্য বৰপাত্ৰ আৰু দীক্ষুৱে ৷

গীতৰ শীৰ্ষ
নং	শিৰোনাম	গীতিকাৰ	কণ্ঠশিল্পী	দৈৰ্ঘ্য
1.	"দে ভগৱান"	সুব্ৰত কাকতি	দীক্ষু	০৩:৪৫
2.	"পে পে পে পে"	সুব্ৰত কাকতি	আচুৰ্য বৰপাত্ৰ	৪:০৭
3.	"কণমানি পৃথিৱী"	সমীৰ শেখৰ	প্ৰণয় দত্ত

বিতৰ্ক

চলচ্চিত্ৰখনৰ কিছু সংলাপৰ বিৰুদ্ধে ৰাজ্যিক ট্ৰান্সজেণ্ডাৰ কল্যাণ ব’ৰ্ড, অসমৰ সহযোগী উপাধ্যক্ষই আপত্তি দৰ্শায়।

বাহ্যিক সংযোগ

• বিদুৰভাই (চলচ্চিত্ৰ) সম্পৰ্কে ইণ্টাৰনেট মুভি ডাটাবেছত থকা তথ্য।
• বিদুৰভাইৰ আনুষ্ঠানিক ট্ৰেইলাৰ