বিশ্ব গাখীৰ দিৱস
| বিশ্ব দুগ্ধ দিৱস | |
|---|---|
 ১ জুন, ২০১৭ তাৰিখে পশুপালন আৰু মীনপালন বিভাগৰ দ্বাৰা নতুন দিল্লীত উদ্যাপিত বিশ্ব দুগ্ধ দিৱসৰ এটি অনুষ্ঠান | |
| প্ৰকাৰ | আন্তঃৰাষ্ট্ৰীয় |
| মহত্ব | গোলকীয় খাদ্য ৰূপে গাখীৰৰ মহত্ব উপলব্ধি কৰা |
| তাৰিখ | ১ জুন |
| আৰম্ভ হয় | খাদ্য আৰু কৃষি সংস্থা |
| পৰৱৰ্তী তাৰিখ | বছৰৰ একেটা দিন |
| সংঘটন | বাৰ্ষিক |
বিশ্ব গাখীৰ দিৱস বা বিশ্ব দুগ্ধ দিৱস (ইংৰাজী: World Milk Day) হৈছে গোলকীয় খাদ্য হিচাপে গাখীৰৰ গুৰুত্ব উপলব্ধি কৰিবলৈ ৰাষ্ট্ৰসংঘৰ খাদ্য আৰু কৃষি সংস্থা (এফ.এ.অ’.)ৰ দ্বাৰা প্ৰতিষ্ঠাপিত এক আন্তৰ্জাতিক দিৱস।[1] ২০০১ চনৰ ১ জুন তাৰিখে খাদ্য আৰু কৃষি সংস্থা (FAO)ৰ দ্বাৰা প্ৰথম বিশ্ব গাখীৰ দিৱস পালন কৰা হৈছিল।[2] তেতিয়াৰ পৰাই, প্ৰতি বছৰে ১ জুন তাৰিখে ইয়াক পালন কৰা হয়।[2] দুগ্ধ খণ্ডৰ সৈতে সংযুক্ত কাম সমূহৰ প্ৰতি মনোযোগ বঢ়াবলৈ এটি সুযোগ দিয়াই হৈছে এই দিনটো উদযাপন কৰাৰ প্ৰকৃত উদ্দেশ্য।[2]
তথ্য মতে, বিশ্বৰ এক বিলিয়নতকৈও অধিক লোকৰ জীৱিকা দুগ্ধ খণ্ডৰ সৈতে জড়িত আৰু ছয় বিলিয়নতকৈও অধিক লোকে দুগ্ধজাত সামগ্ৰী ব্যৱহাৰ কৰে।[3] এই তথ্য এফ.এ.অ’ই সমৰ্থন কৰিছে আৰু প্ৰতিবছৰে ১ জুন তাৰিখটো ‘বিশ্ব দুগ্ধ দিৱস’ ৰূপে পালন কৰিবলৈ মনোনীত কৰিছে, কাৰণ বিশ্বৰ অধিকাংশ দেশেই ইতিমধ্যে বছৰৰ এইখিনি সময়তে দুগ্ধ দিৱস উদযাপন কৰি আহিছে।[4]বিশ্বৰ অধিক সংখ্যক দেশে একেটা দিনতে এই দিৱস উদযাপন কৰিলে, দিৱসটোৰ গুৰত্ব অধিক বাঢ়িব আৰু ই দুগ্ধক্ষেত্ৰক অধিক সম্প্ৰসাৰিত কৰিব বুলি ভবা হৈছিল।
প্ৰতি বছৰে এই দিনটো উদযাপন কৰা দেশৰ সংখ্যা বাঢ়িছে। বিশ্ব দুগ্ধ দিৱস সংস্থাৰ প্ৰতিবেদন মতে, ২০১৬ চনত ৪০ খন[5] দেশে ভাগ লোৱা এই অনুষ্ঠানটো ২০২১/২২ চনত বিশ্বৰ প্ৰায় ১০০খন দেশে পালন কৰিছিল। ২০২২ চনত, মে' মাহৰ ২৯ তাৰিখে ‘এনজয় ডেইৰি ৰেলী’ শীৰ্ষক এটি দুগ্ধ যাত্ৰাৰে উদযাপন আৰম্ভণি হৈ ১ জুন তাৰিখে ‘বিশ্ব দুগ্ধ দিৱস’ পালনেৰে দুগ্ধ দিৱস উদযাপনৰ সমাপ্তি ঘটিছিল।[6]
তথ্য সংগ্ৰহ[সম্পাদনা কৰক]
- ↑ "Today is World Milk Day". Archived from the original on 4 February 2016. https://web.archive.org/web/20160204002112/http://www.news.lk/news/sri-lanka/item/7960-today-is-world-milk-day। আহৰণ কৰা হৈছে: 2 June 2015.
- ↑ 2.0 2.1 2.2 "World Milk Day: 1 June 2015". http://www.fao.org/economic/est/est-commodities/dairy/school-milk/15th-world-milk-day/en/। আহৰণ কৰা হৈছে: 2 June 2015.
- ↑ "The Dairy Declaration of Rotterdam". www.fao.org. http://www.fao.org/ag/againfo/home/en/news_archive/2016_The_Dairy_Declaration_of_Rotterdam.html। আহৰণ কৰা হৈছে: 2018-08-21.
- ↑ "The Dairy Declaration of Rotterdam". www.fao.org. http://www.fao.org/ag/againfo/home/en/news_archive/2016_The_Dairy_Declaration_of_Rotterdam.html। আহৰণ কৰা হৈছে: 2018-08-21.
- ↑ "World Milk Day". Food and Agriculture Organisation. April 13, 2017. http://www.fao.org/economic/est/est-commodities/dairy/school-milk/15th-world-milk-day/en/.
- ↑ https://worldmilkday.org/