মিঠৈ

অসমীয়া ৱিকিপিডিয়াৰ পৰা
Jump to navigation Jump to search


মিঠৈ (Molasses) হ’ল কুঁহিয়াৰ অথবা sugar beet ৰ পৰা চেনি প্ৰস্তুত কৰণত সৃষ্টি হোৱা এবিধ সান্দ্ৰ পদাৰ্থ। ইংৰাজী শব্দ Molassesটো পৰ্টুগীজ শব্দ melaço ৰ পৰা আহিছে, যাৰ মূল হ’ল লেটিন শব্দ mel যাৰ অৰ্থ মৌ-জোল। মিঠৈৰ গুণমান নিৰ্ভৰ কৰে কুঁহিয়াৰৰ পূৰঠ হোৱাৰ মাত্ৰা, চেনি নিষ্কাষণৰ মাত্ৰা আৰু নিষ্কাষণৰ পদ্ধতিৰ ওপৰত।

কুঁহিয়াৰৰ মিঠৈ[সম্পাদনা কৰক]

কুমলীয়া কুঁহিয়াৰৰ পৰা নিষ্কাষণ কৰা মিঠৈত ছালফাৰ ডাই অক্সাইড দিয়া হয় যি সংৰক্ষকৰ কাম কৰে পূৰঠ কুঁহিয়াৰৰ ক্ষেত্ৰত ইয়াক প্ৰয়োগ কৰাৰ প্ৰয়োজন নহয়। মিঠৈৰ তিনিটা প্ৰকাৰ আছে – কোমল মিঠৈ বা প্ৰাথমিক মিঠৈ, গাঢ় বৰণৰ মিঠৈ বা দ্বিতীয় পৰ্যায়ৰ গুৰ আৰু তৃতীয় পৰ্যায়ৰ মিঠৈ (Blackstrap)।

কুঁহিয়াৰৰ মিঠৈ বনাবৰ বাবে কুঁহিয়াৰৰ ৰস সান্দ্ৰ হোৱা অৱস্থালৈকে উতেলাৱা হয়। প্ৰথেম সান্দ্ৰ হোৱা অংশিখিন কাঢ়ি যি মিঠৈ পোৱা যায় সেয়া হ’ল প্ৰথম পৰ্যায়ৰ মিঠৈ। এই পৰ্যায়ৰ মিঠৈত সবাতোতকৈ বেছি চেনি থাকে। দ্বিতীয় বাৰ উতলাই যিখিনি সান্দ্ৰ অংশ কঢ়া হয় সেয়া দ্বিতীয় পৰ্যায়ৰ মিঠৈ। ইয়াৰ সোৱাদ কিছু পৰিমাণে চোকা।

সবাতোকৈ শেষত থকা অংশৰ পৰা তৃতীয় পৰ্যায়ৰ মিঠৈ প্ৰস্তুত হয়। এই পৰ্যায়ত অধিকাংশ ৰস গাঢ় হৈ যায় যিদও ইয়াৰ চেনিত যথেষ্ট পৰিমাণে কেলৰি থাকে। ইয়াৰ উপৰিও ই হ’ল ভিটামিন, খনিজ দ্ৰব্য কেলছিয়াম, মেগনেছিয়াম, পটেছিয়াম আৰু লৌহ ৰ ভাল উত্স। দৈনিক এক চাহ চামুচ এই পৰ্যায়ৰ মিঠৈে আমাৰ দৈনিক প্ৰয়োজনীয় ২০% পোষণৰ যোগান ধৰিব পাৰে।