শিক্ষা অধিকাৰ আইন, ২০০৯

অসমীয়া ৱিকিপিডিয়াৰ পৰা
Jump to navigation Jump to search

২০০৯ চনত ভাৰতবৰ্ষৰ কেন্দ্ৰীয় চৰকাৰে শিক্ষা অধিকাৰ আইন পাচ কৰে। শিক্ষাৰ অধিকাৰ আইনখনক শিশুৰ বিনামূলীয়া আৰু বাধ্যতামূলক শিক্ষা আইন বুলিও কোৱা হয়। ৬ৰ পৰা ১৪ বছৰ বয়সৰ শিশুসকলক সামৰি এই আইন বলৱৎ কৰা হৈছে। এই আইনখন কাৰ্যকৰীকৰণ কৰা হৈছিল ২০১০চনৰ এক এপ্ৰিল তাৰিখে।

মূল পৰামৰ্শসমূহ[সম্পাদনা কৰক]

এই আইনৰ মূল পৰামৰ্শ সমূহ:

  1. দেশৰ ৬ৰ পৰা ১৪ বছৰীয়া সকলো শিশুক বিনামূলীয়া আৰু বাধ্যতামূলক প্ৰাথমিক শিক্ষা গ্ৰহণ কৰাটো নিশ্চিত কৰিব লাগিব।
  2. এই ৬ৰ পৰা ১৪ বছৰৰ সকলো শিশুকে ৮ বছৰীয়া শিশুৱে নামভৰ্তি নকৰিলে তেনে শিশুক নামভৰ্তিৰ সুযোগ দিব লাগিব।
  3. প্ৰাথমিক শিক্ষা গ্ৰহণৰ সময়ত মাচুল ল'ব নোৱাৰিব।
  4. প্ৰাথমিক শিক্ষা গ্ৰহণৰ ক্ষেত্ৰত শিশুৰ পিতৃ-মাতৃৰ বাচনি পৰীক্ষা ল`ব নোৱাৰিব।
  5. বিদ্যালয়ৰ নামভৰ্তি সময়ত জন্মৰ প্ৰমাণ পত্ৰ বাধা হ`ব নোৱাৰিব।
  6. কোনো শিশুক প্ৰাথমিক শিক্ষা গ্ৰহণ কৰি থকা সময়ত বা সমাপ্ত নকৰাকৈ বহিষ্কাৰ কৰিব নোৱাৰিব।
  7. অবিৰত সামগ্ৰী মূল্যায়নৰ ব্যৱস্থা থাকিব লাগিব।
  8. শিক্ষক-শিক্ষয়িত্ৰী আৰু ছাত্ৰ-ছাত্ৰী সকলোৰে নিয়মীয়া উপস্থিতি থাকিব লাগিব।
  9. বিদ্যালয়ত ৰাইজৰ উপস্থিতি বা অংশগ্ৰহণ নিশ্চিত কৰিবলৈ প্ৰতি বিদ্যালয়ত একোখনকৈ বিদ্যালয় পৰিচালনা সমিতি থাকিব লাগিব আৰু এই সমিতি ৩/৪ % অভিভাৱক তথা ৫০% মহিলা সদস্যা থাকিব লাগিব।
  10. দূৰ্বল শ্ৰেণী শিশুৰ বিনামূলীয়া প্ৰাথমিক শিক্ষাৰ বাবে ২৫% আসন সংৰক্ষণ কৰিব লাগিব।
  11. প্ৰাথমিক শিক্ষাৰ, প্ৰথম শ্ৰেণীৰ পৰা পঞ্চম শ্ৰেণীলৈকে নিম্নতম কৰ্মদিন ২০০ আৰু ষষ্ঠ শ্ৰেণীৰ পৰা অষ্ঠম শ্ৰেণীলৈকে ২২০ দিন কৰ্মদিন কৰিব লাগিব।
  12. প্ৰতিজন শিক্ষকে সপ্তাহত ৪৫ ঘন্টা, দিনে ৭ ঘন্টা ৩০ টা ক্লাচ বিদ্যালয়ত হ'ব লাগিব।
  13. দৈনিক সময় তালিকাৰ বাহিৰেও অতিৰিক্ত সময়খিনি শিক্ষণীয় দিশৰ প্ৰস্ত্ততি বা পিছৰ দিনৰ বাবে পাঠ পৰিকল্পনা কৰিব লাগিব।
  14. শিশুসকলক কোনো ধৰণৰ দৈহিক বা মানসিক শাস্তি দিব নোৱাৰিব।
  15. অনুউপস্থিত শিশুক অভিভাৱকৰ লগত যোগাযোগ (ফোন) কৰিব।
  16. বিদ্যালয়ৰ উন্নয়ণ পৰিকল্পনাৰ কাৰ্যসূচী ঠিক কৰা, শৈক্ষিক দিশত সমানে আগবাঢ়ি নোৱাৰাৰ কাৰণে বিশেষ ব্যৱস্থা গ্ৰহণ কৰিব আদি।