সহায়:ছবি কেনেকৈ ব্যৱহাৰ কৰিব

অসমীয়া ৱিকিপিডিয়াৰ পৰা
এই প্ৰবন্ধটো ৱিকিপিডিয়াৰ পৃষ্ঠাত চিত্ৰ সংযোগ কৰাৰ পদ্ধতিৰ বিষয়ে। চিত্ৰ সংযোগ কৰাৰ আগতে অনুগ্ৰহ কৰি চিত্ৰ ব্যৱহাৰ নীতি চাওক।
উদাহৰণ:[[চিত্ৰ:Example.jpg|thumb|400px|উদাহৰণ]]

ৱিকিপিডিয়াত "চিত্ৰ" বা "Image" টেগ্‌ ব্যৱহাৰ কৰি কোনো পৃষ্ঠাত ছবি সংযোগ কৰিব পাৰি। এই টেগ্‌টোত ছবিখনৰ নামৰ উপৰিও ছবিখনৰ স্থানৰ বাবে কিছুমান সাংকেতিক শব্দ থাকে।

চিত্ৰ টেগ[সম্পাদনা কৰক]

[[চিত্ৰ:ছবিৰ নাম.jpg | ফ্ৰেমৰ প্ৰকাৰ | স্থান | আকাৰpx | শিৰোনামা ]]

সাংকেতিক শব্দসমূহ[সম্পাদনা কৰক]

চিত্ৰ টেগে বুজি পোৱা কিছুমান শব্দ (কীৱৰ্ড) আছে। চিত্ৰখনৰ ব্যৱহাৰ সম্পৰ্কে এই শব্দবোৰে সংকেত বহন কৰে। টেগ্‌টোৱে বুজি নোপোৱা শব্দবোৰ ছবিখনৰ শিৰোনামা হিছাপে ব্যৱহাৰ হয়। শব্দবোৰ case-sensitive। সেইবোৰ সৰুফলা আখৰত টাইপ কৰিব লাগে।

  • স্থান: left, center, right
  • ফ্ৰেম প্ৰকাৰ: frame, thumb
  • আকাৰ: ইংৰাজী সংখ্যা এটা আৰু px লিখিব লাগে (যেনে- 200px)
  • শিৰোনামা: সাংকেতিক শব্দ নোহোৱা যিকোনো শব্দ শিৰোনামা হিচাপে ব্যৱহাৰ হয়।

স্থান[সম্পাদনা কৰক]

  • ব্যৱহাৰ কৰিব পৰা শব্দ: left, center, right
  • কোনো স্থান নিৰ্দিষ্ট নকৰিলে ছবিখন পৃষ্ঠাৰ সোঁফালে থাকিব।

left বা right ব্যৱহাৰ কৰিলে পৃষ্ঠাখনৰ শব্দবোৰ ছবিখনৰ চাৰিওফালে আহিব। center টেগ্‌ ব্যৱহাৰ কৰিলে শব্দবোৰ ছবিখনৰ তলফালে আহিব। বেছিভাগ প্ৰবন্ধতে মাজৰ স্থান ব্যৱহাৰ কৰিব নালাগে।

স্থানৰ উদাহৰণ
বাওঁফাল
বাওঁকাষে থকা ছবি

এয়া ছবি এখন পৃষ্ঠাৰ বাওঁফালে ৰখাৰ উদাহৰণ।
এনে কৰাৰ বাবে টেগ্‌ হ'ল: [[Image:Wikipedia-logo-v2-as.svg|left|বাওঁকাষে থকা ছবি]]
চিত্ৰখনৰ নাম Wikipedia-logo-v2-as.svg। স্থান হৈছে left আৰু শিৰোনামা হৈছে বাওঁকাষে থকা ছবি

  • কম্পিউটাৰ মাউছটো ছবিখনৰ ওপৰলৈ আনিলেহে শিৰোনামাটো দেখা যায়।
সোঁফাল
সোঁফালে থকা ছবি

এয়া ছবি এখন পৃষ্ঠাৰ বাওঁফালে ৰখাৰ উদাহৰণ।
এনে কৰাৰ বাবে টেগ্‌ হ'ল: [[Image:Wikipedia-logo-v2-as.svg|right|সোঁকাষে থকা ছবি]]
চিত্ৰখনৰ নাম Wikipedia-logo-v2-as.svg। স্থান হৈছে right আৰু শিৰোনামা হৈছে সোঁকাষে থকা ছবি

  • কম্পিউটাৰ মাউছটো ছবিখনৰ ওপৰলৈ আনিলেহে শিৰোনামাটো দেখা যায়।
মাজত
মাজত থকা ছবি

এয়া ছবি এখন পৃষ্ঠাৰ মাজত ৰখাৰ উদাহৰণ।
এনে কৰাৰ বাবে টেগ্‌ হ'ল: [[Image:Wikipedia-logo-v2-as.svg|center|মাজত থকা ছবি]]
চিত্ৰখনৰ নাম Wikipedia-logo-v2-as.svg। স্থান হৈছে center আৰু শিৰোনামা হৈছে মাজত থকা ছবি

  • কম্পিউটাৰ মাউছটো ছবিখনৰ ওপৰলৈ আনিলেহে শিৰোনামাটো দেখা যায়।

ফ্ৰেম প্ৰকাৰ[সম্পাদনা কৰক]

  • ব্যৱহৃত প্ৰকাৰ: frame, thumb
  • ফ্ৰেমৰ প্ৰকাৰ বাচনি নকৰিলে কোনো ফ্ৰেম ব্যৱহাৰ নহয়।
  • ফ্ৰেম বাচনি কৰিলে ছবিখনৰ তলত শিৰোনামা দেখা যায়।
ফ্ৰেমৰ প্ৰকাৰৰ উদাহৰণ
frame
ফ্ৰেমযুক্ত ছবি

এইখন এখন ফ্ৰেমযুক্ত ছবিৰ উদাহৰণ।
এনে কৰাৰ বাবে টেগ্‌ হ'ল: [[Image:Wikipedia-logo-v2-as.svg|frame|ফ্ৰেমযুক্ত ছবি]]

  • এনে কৰিলে ছবিখনৰ চাৰিওফালে এটা ফ্ৰেম থাকে আৰু শিৰোনামাটো তলত দৃশ্যমান হয়।
  • ছবিখন সৰ্বোচ্চ আকাৰত ওলায়। আকাৰ বেলেগকৈ ধৰি দিলে ফ্ৰেম ব্যৱহাৰ নহয়।
  • ফ্ৰেমযুক্ত ছবি স্বয়ংক্ৰিয়ভাৱে পৃষ্ঠাৰ সোঁফালে ওলায়। left বা center টেগেৰে স্থান সলাব পাৰি।
thumb
থাম্বনেইল ছবি

এইখন এখন থাম্বনেইল ছবি বা ক্ষুদ্ৰ প্ৰতিকৃতি।
এনে কৰাৰ বাবে টেগ্‌ হ'ল: [[Image:Wikipedia-logo-v2-as.svg|thumb|থাম্বনেইল ছবি]]

  • এনে কৰিলে ছবিখনৰ চাৰিওফালে এটা ফ্ৰেম থাকে আৰু শিৰোনামাটো তলত দৃশ্যমান হয়।
  • থাম্বনেইল ছবিৰ সৰ্বোচ্চ আকাৰ হৈছে 200px। ছবিখন 200pxতকৈ সৰু আকাৰৰ হ'লে ই সৰ্বোচ্চ আকাৰত দৃশ্যমান হ'ব। যদি তাতকৈ বেছি আকাৰ ধৰি দিয়া থাকে, তেন্তে ছবিখন সেইটো আকাৰতহে ওলাব।
  • থাম্বনেইল ছবি স্বয়ংক্ৰিয়ভাৱে পৃষ্ঠাৰ সোঁফালে ওলায়। left বা center টেগেৰে স্থান সলাব পাৰি।

আকাৰ[সম্পাদনা কৰক]

চিত্ৰ টেগত পিক্সেল উল্লেখ কৰি ছবিখনৰ আকাৰ সলাব পাৰি। এনে কৰাৰ বাবে ইংৰাজী সংখ্যাটোৰ পিছত px লিখিব লাগে। যেনে- 150px। ৱিকিপিডিয়াত বেছিভাগ ছবিৰে আকাৰ 200 পিক্সেল (200px)।

  • ফ্ৰেমযুক্ত ছবি আকাৰ ধৰি দিলেও সলনি নহয়: সেইবোৰ সদায় সৰ্বোচ্চ আকাৰত ওলায়।
  • আকাৰ নিৰ্দিষ্ট কৰি নিদিলে থাম্বনেইল ছবি 200px হিচাপে বা সম্পূৰ্ণ আকাৰত ওলাব (যিটোৱেই সৰু)।
  • আকাৰ নিৰ্দিষ্ট কৰি নিদিলে কোনো ফ্ৰেম প্ৰকাৰ নথকা ছবি সাৰ্বোচ্চ আকাৰত ওলাব।
আকাৰৰ উদাহৰণ
100px
200px
250px
[[Image:Wikipedia-logo-v2-as.svg|100px|Image: 100 pixels]] [[Image:Wikipedia-logo-v2-as.svg|200px|Image: 200 pixels]] [[Image:Wikipedia-logo-v2-as.svg|250px|Image: 250 pixels]]

শিৰোনামা[সম্পাদনা কৰক]

সাংকেতিক শব্দ নোহোৱা যিকোনো শব্দ ছবিখনৰ শিৰোনামা হিচাপে ব্যৱহাৰ হয়। কোনো ফ্ৰেম প্ৰকাৰ থকা ছবিৰহে শিৰোনামা ওলায়। ফ্ৰেম ব্যৱহাৰ কৰক বা নকৰক্, কম্পিউটাৰ মাউছটো ছবিখনৰ ওপৰলৈ আনিলেও শিৰোনামাটো দেখা যায়। সাংকেতিক শব্দবোৰ case-sensitive হোৱা বাবে rightৰ বিকল্প Right নহয়। right টো এটা সাংকেতিক শব্দ, Right লিখিলে সেয়া শিৰোনামাহে হ'ব।

সালসলনি: আপল'ড কৰোঁতে লিখা শিৰোনামা ভুল হ'লেও সেয়া সলনি কৰিব পৰা তথ্য বৰ্তমান ৱিকিপিডিয়াত উপলব্ধ নহয়।

সংযোজিত সাংকেতিক শব্দ[সম্পাদনা কৰক]

frame আৰু আকাৰ (px) কী-ৱৰ্ডৰ বাহিৰে আন সাংকেতিক শব্দবোৰ ছবিখনত একেলগে থাকিব পাৰে। যদি কোনো দুটা সাংকেতিক শব্দই একেটা কাম কৰিব বিচাৰিছে, তেন্তে টেগত থকা শেষৰটো ব্যৱহাৰ হ'ব। যেনে- যদি টেগটোত left আৰু right দুয়োটা শব্দ থাকে, তেন্তে যিটো শেষত লিখা আছে সেইমতেহে ছবিখনৰ স্থান নিৰ্ধাৰণ হ'ব।

যেনে

[[Image:Wikipedia-logo-v2-as.svg|50px|এটা শিৰোনামা|left|frame|right|Left|চিত্ৰ: 50 pixels]]

ছবিখন সৰ্বোচ্চ আকাৰত, ফ্ৰেমযুক্ত হিচাপে, পৃষ্ঠাৰ সোঁফালে "চিত্ৰ: 50 pixels" শিৰোনামেৰে ওলাব।

  • "frame সংকেত ব্যৱহাৰ হোৱা বাবে 50px সংকেতটো ব্যৱহাৰ নহয়।
  • চিত্ৰ: 50 pixelsটো শিৰোনামাৰূপে ব্যৱহাৰ হৈছে কাৰণ টেগৰ এই শেষ অংশটো কোনো সংকেত নহয়।
  • ছবিখন পৃষ্ঠাৰ সোঁফালে থাকিব কাৰণ right শব্দটো টেগ্‌টোৰ শেষ স্থান সংকেত। Left শব্দটো কোনো সংকেত নহয় কাৰণ প্ৰথম আখৰটো বৰফলাত লিখা হৈছে।

অতিৰিক্ত তথ্য[সম্পাদনা কৰক]