স্বালোকচিত্ৰ

অসমীয়া ৱিকিপিডিয়াৰ পৰা
Jump to navigation Jump to search

স্বালোকচিত্ৰ (ইংৰাজীSelfie) নিজে নিজকে বা নিজদিশে তোলা এখন আলোকচিত্ৰ যিখন সাধাৰণতে আৰু সহজতে আজিকালি উপলব্ধ অঙ্কীয় কেমেৰা (ইংৰাজীdigital camera) বা কেমেৰা থকা চলভাষ যন্ত্ৰৰে তুলিব পাৰি।[1]

ইংৰাজীত ছেলফি বুলি পৰিগণিত হোৱা এনে স্বালোকচিত্ৰ সমূহৰ বাবে ছেলফি শব্দটি পোনপ্ৰথমে অষ্ট্ৰেলিয়া মহাদেশত নাথান হ'প বোলা লোকজনে ব্যৱহাৰ কৰিছিল বুলি জনা যায়।[2][3]

বিপৰীতমুখী কেমেৰা (ইংৰাজীfront-facing camera) থকা চলভাষ যন্ত্ৰসমূহৰ প্ৰচলনৰ লগে লগে স্বালোকচিত্ৰ তোলা অতি সহজ হৈ পৰিল যাৰ ফলত মানুহৰ মাজত ফেচবুক আৰু অন্যান্য ৰাজহুৱা স্বপ্ৰচাৰ-মাধ্যমৰ জৰিয়তে নিজৰ অস্তিত্ব-জাহিৰ কৰাৰ এক মানসিক সুৰসুৰণি ব্যাপক ভাৱে বৃদ্ধি পাব ধৰে আৰু মূলতঃ সেই মাধ্যমসমূহতে মন্তব্যৰ উপৰিও স্বালোকচিত্ৰ সমূহো ব্যাপক ভাৱে প্ৰকাশ পাবলৈ ধৰিলে। চিত্ৰপট-পৰিসৰ বঢ়াবৰ বাবে স্বালোকচিত্ৰ-বাৰি (ইংৰাজীselfie stick) এডালৰ এমূৰত কেমেৰাটো লগাই বাৰিডালৰ আনমূৰ বাহুমেলি ধৰি কেমেৰাটো মুখৰ পৰা দূৰলৈ দাঙি ধৰাৰ ব্যৱস্থাও আহিছে যি কেবাজনো লোক একেলগ হৈ দল-স্বালোকচিত্ৰ লোৱাত সহায়ক হৈছে।

স্বালোকচিত্ৰৰ প্ৰয়োভৰ এতিয়া বাঢ়িছে যদিও চন্দ্ৰাৰোহন কৰা সৰ্বপ্ৰথম মহাকাশচাৰী এডুইন এলড্ৰিনে ১৯৬৬ চনতে মহাকাশতো এখন স্বালোকচিত্ৰ তুলিছিল যেন দেখা যায়।

এডুইন এলড্ৰিনে ১৯৬৬ চনতে মহাকাশতো এখন স্বালোকচিত্ৰ তুলিছিল যেন দেখা যায়

কিছুমান মানুহে নিজকে বিপদসঙ্কুল অবস্থাত ৰাখি স্বালোকচিত্ৰ তোলাৰ চেষ্টা চলোৱাৰ সময়ত দুৰ্ঘটনা সংঘটিত হোৱাৰ ঘটনাই কোনো কোনো প্ৰশাসনক এনে বিপজ্জনক ঠাই সমূহ স্বালোকচিত্ৰ-নিষেধ এলেকা হিচাপে ঘোষণা কৰিবলৈ বাধ্য কৰিছে।[4]

তথ্য সংগ্ৰহ[সম্পাদনা কৰক]

  1. "selfie noun - Pronunciation - Oxford Advanced Learner's Dictionary at OxfordLearnersDictionaries.com". oxfordlearnersdictionaries.com. http://www.oxfordlearnersdictionaries.com/pronunciation/english/selfie. 
  2. "A brief history of the selfie". ABC Science blog. ABC Online. http://www.abc.net.au/science/articles/2014/08/12/4065062.htm। আহৰণ কৰা হৈছে: 30 June 2015. 
  3. "Oxford Dictionaries Word of the Year 2013 is...". OxfordWords blog. Oxford Dictionaries. http://blog.oxforddictionaries.com/2013/11/word-of-the-year-2013-winner/। আহৰণ কৰা হৈছে: 30 November 2013. 
  4. http://www.hindustantimes.com/india/mumbai-police-identify-16-no-selfie-zones-after-drowning/story-p24CsQRfNfh5RdEI0FevWO.html