হেল'ই

হেল'ই
নাৰী প্ৰকৃতিৰ আত্মা
এজন যুৱকৰ ফালে উকি মাৰি থকা অৱস্থাত সাতগৰাকী হেল’ই
অন্য নাম	* হেল'ই লাম লেইমা
সম্পৰ্ক	মেইটেই পৌৰাণিক কাহিনী (মণিপুৰী পৌৰাণিক কাহিনী) আৰু মেইটেই ধৰ্ম (সনামাহীবাদ)
নিবাস	অৰণ্য, হ্ৰদ, পৰ্বত, স্বৰ্গ
সংখ্যা	সাত
পাঠ্য	পুয়াচ
গ্ৰীক সমাৰ্থক	নিম্পফচ, ছাইৰেনচ
অঞ্চল	প্ৰাচীন কাংগলেইপাক (প্ৰাৰম্ভিক মণিপুৰ)

হেল'ই বা হেল'ই হৈছে মেইটেই পৌৰাণিক কাহিনী, লোককথা আৰু ধৰ্মৰ নাৰী প্ৰকৃতিৰ আত্মা। হেল'ইক প্ৰায়ে ধুনীয়া যুৱতীৰ ৰূপত চিত্ৰিত কৰা হয়। তেওঁলোক প্ৰায়ে পুৰুষৰ প্ৰলোভনৰ সৈতে সম্পৰ্কিত। তেওঁলোক নাৰী আত্মাৰ মাজত আটাইতকৈ শক্তিশালী। এই আত্মাবোৰৰ ৰোগ সৃষ্টি কৰিব পৰা ক্ষমতা আছে। হেল'ই প্ৰায়ে ইয়াৰ মনোমোহা সৌন্দৰ্য, পৰিৱেশগত ভাৰসাম্য আৰু পুৰুষক প্ৰলোভিত কৰিব পৰা গুণৰ বাবে জনাজাত। কেতিয়াবা সুন্দৰী কুমাৰীৰ ৰূপত অশুভ আত্মাক হেল'ই হিচাপে দেখা যায়।

হেল'ই টাৰেট (মেইটেই 'সাত হেল'ই') হৈছে সাতগৰাকী ভগ্নী। তেওঁলোক ডাঠ জোপোহা বা আন্ধাৰ আৰু ঘন অৰণ্যত থাকে। এই হেল'ইবোৰ নদী আৰু ঘাঁহনিৰ দৰে আন প্ৰান্তৰ ঠাইবোৰতো বাস কৰে।

মেইটেই পৌৰাণিক কাহিনীত

হেল'ই হৈছে মেইটেই পৌৰাণিক কাহিনী আৰু লোককথাত বিশ্বাস কৰা সচৰাচৰ নাৰী আত্মা। মাইবাসকলৰ মতে (মেইটেই ‘পুৰোহিত’) হেল’ইবোৰ হৈছে আটাইতকৈ শক্তিশালী নাৰী আত্মা। এই আত্মাবোৰে বিশেষকৈ যৌন সংক্ৰমণ বিয়পাব পাৰে। হেল’ইবোৰে সাধাৰণতে পুৰুষক আক্ৰমণ কৰি মনৰ বিকাৰৰ সৃষ্টি কৰে। পুৰুষৰ পৰা মহিলালৈকে সকলোকে এই আত্মাবোৰে যৌন অংগত সংক্ৰমণ ঘটাই অসুস্থ কৰিব পাৰে। বিশ্বাস অনুসৰি মাৰ্চ আৰু এপ্ৰিল মাহত এনে আক্ৰমণৰ হাৰ সৰ্বাধিক হয়। এইয়া বসন্তৰ উৎসৱ ইয়াওছাং উদযাপনৰ সময়। একে সময়তে পুৰুষ আৰু মহিলা উভয়েই থাবল চংবা অনুষ্ঠান পৰিৱেশন কৰে।

মেইটেই ধৰ্মত

মেইটেই লোককথাত অলৌকিক সত্তাৰ সৈতে সাক্ষাৎ কৰাৰ অন্যতম সাধাৰণ পৰিঘটনা হ’ল হেল’ই অকনাবা (মেইটেইৰ অৰ্থ ‘হেল’ইৰ সৈতে মুখামুখি’)। হেল’ইসকলৰ প্ৰতি প্ৰত্যাহ্বান বা সংঘাতে‌ প্ৰায়ে মানুহৰ জীৱন অসুখী কৰি তোলে। এনে ক্ষেত্ৰত কোনোবা অসুস্থতা, মানসিক ভাৰসাম্যহীনতা আৰু সাময়িক উন্মাদনাত ভুগিব পাৰে। এনে লোকৰ যদি মাইবা বা মাইবীৰ দ্বাৰা সঠিক চিকিৎসা কৰা নহয়, তেন্তে লক্ষণসমূহ দীৰ্ঘদিন ধৰি দেখা যাব পাৰে। ইয়াৰ ফলত স্থায়ী উন্মাদনা (মানসিক অক্ষমতা) হ’ব পাৰে। যিয়ে হেল'ইক লগ পায় তেওঁ প্ৰায়ে অস্বাভাৱিক আৰু মানসিকভাৱে প্ৰত্যাহ্বানৰ সন্মুখীন হৈ কাম কৰে। উদাহৰণস্বৰূপে, ভুক্তভোগীসকলে তেওঁৰ পৰিয়ালৰ সদস্য আৰু বন্ধুবৰ্গক চিনাক্ত কৰিব নোৱাৰিব পাৰে। অৱশ্যে, ভুক্তভোগীসকলে তেনে অৱস্থাতো হেল'ইৰ সৈতে যোগাযোগ ৰাখে। এনে আত্মাই সহজে ভুক্তভোগীৰ সংগ এৰি নাযায়। বিনিময়ত তেওঁ ভুক্তভোগীৰ সংগ এৰিবলৈ কিবা এটা দাবী কৰিব। আৰু এনেদৰেই হেল'ই মানুহক মোহিত কৰি নিজৰ প্ৰয়োজনীয়তা পূৰণ কৰে।

মাইবাসকলে হেল'ইৰ দ্বাৰা পুৰুষৰ ওপৰত আকৰ্ষণ আৰু আক্ৰমণ প্ৰতিহত কৰিবলৈ বিভিন্ন নিয়ম আৰু ৰীতি-নীতি পালন কৰে। তেওঁলোকে আত্মাক জন্তুৰ মল আৰু কিছুমান বিশেষভাৱে প্ৰস্তুত কৰা ৰীতি-নীতিৰ খাদ্য প্ৰদান কৰে।

হেল’ইছ আৰু হিংচাবিছ

মেইটেই পৌৰাণিক কাহিনী আৰু লোককথাত হেল'ইছ আৰু হিংচাবিছ হৈছে নাৰী আত্মাৰ দুটা জনপ্ৰিয় ৰূপ। কিন্তু এই পৌৰাণিক সত্তা দুটাৰ প্ৰায় মিল নাই। হেল'ই হৈছে বিচৰণকাৰী আত্মা। আনহাতে, হিংচাবিসকলে কিছুমান মহিলাৰ ভিতৰতে বাস কৰে। তেওঁলোকে নিজৰ অলৌকিক শক্তি ভুক্তভোগীৰ শৰীৰৰ সংস্পৰ্শলৈ আনে। ইয়াৰ ফলত ভুক্তভোগীসকলৰ অসুস্থতা, মানসিক দুখ, দুৰ্ভাগ্য আৰু কেতিয়াবা মৃত্যুও হয়।

জনপ্ৰিয় সংস্কৃতিত

১. লাইৰেম্বিগী এছেই (নিম্ফৰ গান) - ৰতন থিয়ামৰ দ্বাৰা পৰিচালিত এখন মেইটেই ভাষাৰ নাটক

২. হেল'ই - সচেতন আৰু উপ-চেতনাৰ মাজত - জি নাৰায়ণ শৰ্মাৰ দ্বাৰা পৰিচালিত এখন মেইটেই ভাষাৰ চলচ্চিত্ৰ

৩. ড° হেমোগি হেল'ই (ড° হেমোগী হেল'ই) - হোমেন ডি' ৱাইৰ দ্বাৰা পৰিচালিত,২০১৩ চনৰ মেইটেই ভাষাৰ ছবি, য'ত এজন হেল'ইৰ (হেল'ই) "ডাঃ হেমো" নামৰ এজন মানুহৰ সৈতে প্ৰেমৰ সম্পৰ্ক থকা দেখা যায়