হেৰী পটাৰ (চৰিত্ৰ)

অসমীয়া ৱিকিপিডিয়াৰ পৰা
Jump to navigation Jump to search

হ্যাৰি জেমস পটাৰ (ইংৰাজিত: Harry James Potter) বৃটিচ লেখিকা জে. কে. ৰাউলিং ৰচিত হ্যাৰি পটাৰ উপন্যাস চিৰিজৰ প্রধান চৰিত্র। হ্যাৰিক কেন্দ্ৰ কৰিয়ে এই চিৰিজৰ কাহিনী আগবাঢ়িছে। হ্যাৰি ১১ বছৰ বয়সত সর্বপ্রথম জানিবলৈ পায় যে সি এজন যাদুকৰ ।

কাহিনীৰ পটভূমি হৈছে হগওয়ার্টস স্কুল অফ উইচক্র্যাফট অ্যান্ড উইজার্ড্রি। য'ত হ্যাৰি তাৰ ঘনিষ্ঠ দুই বন্ধু ৰন উইজলি ও হাৰমায়োনি গ্রেঞ্জাৰৰ লগত বিভিন্ন অ্যাডভেঞ্চাৰত অংশ লয়। হ্যাৰি ধীৰে ধীৰে আবিষ্কাৰ কৰে যে, সি যাদুকৰ সম্প্রদায়ৰ মাজত অত্যন্ত বিখ্যাত। তাৰ চেহেৰাৰ আটাইতকৈ উল্লেখযোগ্য দিশ হৈছে তাৰ কপালত বিদ্যুৎ চমকৰ দৰে কাটা দাগ, যিটো স্কাৰ নামে পৰিচিত। লর্ড ভোলডেমর্ট যেতিয়া হ্যাৰিক মাৰিবলৈ আভাডা কেডাভ্রা নামক অভিশাপ দিছিল তখন হ্যাৰিৰ কপালৰ এই দাগ সৃষ্টি হৈছিল। ভোলডেমৰ্টে হ্যাৰিৰ পিতৃ মাতৃক হত্যা কৰিছিল। যাদুৰ পৃথিবীত হ্যাৰিই একমাত্র ব্যক্তি যিয়ে আভাডা কেডাভ্রা নামক মৃত্যু অভিশাপৰ পৰা বাচি গৈছে । ইয়াৰ ফলত লর্ড ভোলডেমর্টৰ পতন হৈছে ।

উপন্যাসত হ্যাৰি জেমস ও লিলি পটাৰৰ একমাত্র সন্তান। তাৰ পিতাকৰ নিচিনা হ্যাৰিৰো ক'লা চুলি অপৰিপাটী ভাবে সজোৱা । তাৰ স্বভাব, চৰিত্র, ব্যক্তিত্ব সি পাইছে তাৰ মাকৰ পৰা। মাৰ সেউজীয়া চকুও সি পাইছে। প্রথম উপন্যাসত হ্যাৰিক সৰু আকাৰ আৰু ক্ষীণ শৰীৰৰ কোৱা হ'লেও পঞ্চম কিতাপত তাক ওখ বুলি কোৱা হৈছে । সি গোলাকাৰ ফ্রেমৰ চশমা ব্যৱহাৰ কৰিছিল।