ৱিকিপিডিয়া:About the Sandbox

অসমীয়া ৱিকিপিডিয়াৰ পৰা
Jump to navigation Jump to search

মটক জনগোষ্ঠীৰ এক চমু আলোচনা (হৰিকান্ত দুৱৰা)

        মটক অসমৰ এটা অতি পুৰণি জাতি । অসমৰ আদিমবাসী কছাৰী আৰু চুতীয়াবিলাকৰ লগত সান-মিহলি হ'লেও মটকবিলাকৰ গুৰি-গোষ্ঠী আহোম, খামতি আৰু নৰাবিলাকৰ লগত একে আৰু তেওঁলোক সকলোৱে একে 'টাই' জাতিৰ মানুহ । মটকবিলাক আহোম, খামতি আৰু নৰাবিলাকতকৈ আগতে অসমলৈ আহে আৰু ঠিক কোন সময়ত তেওঁলোক অসমলৈ আহে সেইটো বুৰঞ্জীত পোৱা নাযায় । অনেকে 'মটক' এটা ধৰ্মীয় সম্প্ৰদায় বুলি ক'ব খোজে বা ধাৰণা কৰে । তেওঁলোকৰ সেই ধাৰণা ভুল । মটকবিলাক কছাৰী, আহোম, খামতি আদিৰ দৰে এটা জাতি বা tribe । এই কথা বুৰঞ্জীয়ে ভালকৈ প্ৰমাণ কৰে ।
         অসমত বসবাস কৰা মটক জনগোষ্ঠীৰ ঐতিহ্য থকাৰ বাবেই ১৭৮৮ চনত স্বৰ্গদেউ সৰ্বানন্দ সিংহই বেংমৰাত বৰ্তমান তিনিচুকীয়াত মটক ৰাজ্য প্ৰতিষ্ঠা কৰিছিল আৰু বেংমৰা মটক ৰাজ্যখন আহোম স্বৰ্গদেউসকলে স্বীকৃতি দিছিল । ১৮২৬ খৃঃত ইয়াণ্ডাবু সন্ধিৰ যোগে অসমৰ শাসন ভাৰ বৃটিছসকলে লোৱাৰ পিছতো বেংমৰা মটক ৰাজ্যখন বৃটিছসকলে অধিকাৰ নকৰি কৰতলীয়া ৰাজ্য হিচাপে স্বীকৃতি দিছিল । বুৰঞ্জীৰ তথ্যমতে ব্ৰিটিছৰ বিষয়া Mr. White য়ে বেংমৰা মটক ৰাজ্যৰ শাসনকৰ্ত্তা বৰসেনাপতিৰ মৃত্যু নোহোৱা পৰ্যন্ত বৃটিছসকলে মটক ৰাজ্যৰ ওপৰত হাত নিদিবলৈ পৰামৰ্শ দিছিল । বৃটিছ চৰকাৰেও Mr. White ৰ পৰামৰ্শ মানি লৈছিল । ১৮৩৮ খৃঃত মটিবৰ বৰসেনাপতিৰ মৃত্যু হোৱাৰ পিছত বৰসেনাপতিৰ মাজু পুত্ৰ ভগীৰথ (মাজু গোহাঁই)ক বেংমৰা মটক ৰাজ্যৰ শাসনকৰ্ত্তা নিযুক্তি দিছিল । বৰপুত্ৰক ব্ৰিটিছে এজন বিষয়া হিচাপে নিযুক্তি দিছিল ।১৮৪২ খৃঃত ইষ্ট-ইণ্ডিয়া কোম্পানীত মটক ৰাজ্যখন চামিল কৰি মটক জনগোষ্ঠীৰ স্বাধীনতা হৰণ কৰিলে ।
         মটক জনগোষ্ঠীৰ ঐতিহাসিক সংজ্ঞা সম্পৰ্কত চমু পৰিচয় দিব বিচাৰিছো । অসমত বসবাস কৰা মটক জনগোষ্ঠীৰ সম্পৰ্কত ড. বাণীকান্ত কাকতিদেৱে উল্লেখ কৰিছে, "In the northeast frontier of Assam is not a very considerable river name Dikrang . Dressed up in Sanaskrit garb as Dikhara vasini , it is frequently mentioned in the Kalika Purana and Yogini Tantra as the eastern most boundary of ancient Kamrupa . Naraka cleared out the aboriginal Kirata from his kingdom up to this point . In tantric literature the region wherethrough this river flows was knows ad saumara . Just now this portion of land falls within the north eastern frontier tract , a kind of no man's land where verious tribal groups , the Abors , the Miris , the Mishimis , the Khamtis and the Mataks dwells . (The Drend Goddess Tamreswaris (Ekaraj) The Mother Goddess Kamakhya P. 55-56)
       ৬৫০ খৃঃত চীনদেশৰ পৰিব্ৰাজক হিউৱেন চাঙৰ কামৰূপ ৰাজ্য ভ্ৰমণ টোকাত উল্লেখ কৰা মতে কামৰূপ ৰাজ্যৰ পূৱ সীমাত চীন দেশৰ 'সু' নামে এজাতি লোক বাস কৰিছিল । এই ঠাইলৈ যোৱা বাট বৰ দুৰ্গম, প্ৰায় দুমাহ লাগে । এই 'সু' নামৰ চীনা প্ৰজাতি লোকৰ সম্পৰ্কে চীন দেশৰ Huiku Huang নামৰ এজন গৱেষক পণ্ডিতে তেখেতৰ Siam Dai kingdom ৰ সম্পৰ্কত ১৯৯০ চনৰ চতুৰ্থ আন্তঃৰাষ্ট্ৰীয় বুৰঞ্জী সন্মিলনত প্ৰকাশ কৰিছিল, "The Muttacks the branch of original 'yue' tribe and they came to Brahmaputra Valley before Christian era ."

টাই আহোম ভাষাত 'মটক' শব্দই 'জ্ঞানী' 'পৰাক্ৰমী' লোকক বুজায় । আহোম শব্দ ম = পণ্ডিত, জ্ঞানী, ক্ষমতাশালী + টক = জোখা, পৰীক্ষিত । 'হেমকোষ' অভিধানে 'মটক' শব্দৰ অৰ্থ অসম দেশৰ এজাতি হিন্দু ধৰ্ম লোৱা আদিমবাসী মানুহ আৰু এই শব্দই বৰ নিষ্ঠুৰ মানুহক বুজাই বুলি উল্লেখ কৰিছে । 'চন্দ্ৰকান্ত' অভিধানে মটক সকল আহোম আগমনৰ পূৰ্বৰে পৰা বসবাস কৰি থকা উজনি অসমৰ একাংশ 'অধিবাসী' বুলি ব্যাখ্যা কৰিছে । (চন্দ্ৰকান্ত অভিধান, পৃঃ ৮১৭, ১৯৩২ চনৰ সংস্কৰণ) ।

       'আহোম বুৰঞ্জী'ত The Matak descended from Phukhau family ( a family originated from seeds sewn) বুলি উল্লেখ থকাৰ উপৰিও মটকসকল টাই আহোম সকলৰ অসম আগমনৰ পূৰ্বেই যে এই খণ্ডলৈ অহা সেই সম্পৰ্কে উমান দিয়া ভালেমান গুৰুত্বপূৰ্ণ তথ্যৰ সম্ভেদ পোৱা যায় ।
       উপৰৰ তথ্য বিলাকৰ পৰা ক'ব বিচাৰো যে মটক এটা জনগোষ্ঠী, ই সম্প্ৰদায় নহয় । মটক জনগোষ্ঠীৰ নিজস্ব স্বকীয় বৈশিষ্ট্য আছে, নিজস্ব ভাষা-সংস্কৃতি, জনগোষ্ঠীয় জতুঁৱা ঠাচ আছে, ধৰ্ম আছে । কিন্ত্ত মোৱামৰীয়া বৈষ্ণৱ ধৰ্মৰ শিষ্য-প্ৰশিষ্য হোৱাৰ বাবে ই আৰ্যীকৰণৰ নামত ই অসমীয়া জাতিৰ সৰ্বসাধাৰণ শ্ৰেণী লোকৰ এটা অংগ হৈ পৰিল ।

(সমাপ্ত)