ভেম্পায়াৰ বাদুলী

ভেম্পায়াৰ বাদুলি Vampire bats
ভেম্পায়াৰ বাদুলি , Desmodus rotundus
জীৱবৈজ্ঞানিক শ্ৰেণীবিভাজন
ৰাজ্য:	Animalia
পৰ্ব:	Chordata
শ্ৰেণী:	Mammalia
বৰ্গ:	Chiroptera
পৰিয়াল:	Phyllostomidae
উপপৰিয়াল:	Desmodontinae Bonaparte, 1845
Species
Desmodus rotundus Diphylla ecaudata Diaemus youngi

ভেম্পায়াৰ (ইংৰাজী: Vampire) এক শ্ৰেণী বাদুলিৰ প্ৰজাতি। স্তন্যপায়ী এইবিধ প্ৰাণী মধ্য আৰু দক্ষিণ আমেৰিকাত পোৱা যায়। ইহঁতৰ প্ৰধান খাদ্য চৰাই আৰু অন্য স্তন্যপায়ী প্ৰাণীৰ দেহৰ তেজ। ভেম্পায়াৰে সৰু সৰু অথচ অত্যন্ত চোকা দাঁত বহুৱাই অন্য প্ৰাণীৰ দেহৰ পৰা তেজ উলিয়াই আৰু সেই তেজ চুহি চুহি খায়। কিন্ত্ত তেজ শুহা প্ৰাণীটোৱে সেই সময়ত গম নাপায়েই বুলিব পাৰি। ভেম্পায়াৰ বাদুলিয়ে কামুৰিলে ৰেবিজ বা জলাতংক ৰোগ হ’ব পাৰে। বৈচিত্ৰময় এইবিধ প্ৰাণী মানুহৰ পৰম বিস্ময় আৰু আতংকৰ উৎস। ভেম্পায়াৰক আধাৰ হিচাপে লৈ ইতিমধ্যে যথেষ্ট সংখ্যক বোলছবিও নিৰ্মাণ কৰা হৈছে।