সীতা কুণ্ড

পুনৌৰা ধাম, জানকী মন্দিৰ
স্থান
ৰাজ্য	বিহাৰ
জিলা	সীতামড়ী জিলা
স্থান	পুনৌৰা, সীতামড়ী
স্থাপত্য আৰু সংস্কৃতি
স্থাপত্য শৈলী	বাস্তু শাস্ত্ৰ
ইতিহাস
প্ৰতিস্থাপক	প্ৰগতি গৌৰৱ

সীতা কুণ্ড হ’ল দেৱী সীতাৰ জন্মস্থানক পৱিত্ৰ জ্ঞান কৰা হিন্দুসকলৰ এক তীৰ্থস্থান৷ বিহাৰৰ সীতামড়ী জিলাৰ পুনৌৰা ধামৰ এক প্ৰাচীন হিন্দু মন্দিৰ হৈছে, জানকী মন্দিৰ। ই সীতামড়ী চহৰৰ পৰা ৫ কিলোমিটাৰ পশ্চিমে অৱস্থিত আৰু দৰ্শনাৰ্থীৰ আকৰ্ষণৰ কেন্দ্ৰবিন্দু।

পুনৌৰা ধাম জানকী মন্দিৰ ভাৰতৰ বিহাৰৰ সীতামড়ীত অৱস্থিত সীতা দেৱীৰ প্ৰতি উৎসৰ্গিত অন্যতম পৱিত্ৰ হিন্দু মন্দিৰ। প্ৰতি বছৰে লাখ লাখ তীৰ্থযাত্ৰী এই মন্দিৰলৈ যায় আৰু বেছিভাগেই উত্তৰ ভাৰতৰ এই পৱিত্ৰ স্থানসমূহলৈ যায়।

সীতামড়ীৰ পৰা প্ৰায় ৫ কিলোমিটাৰ পশ্চিমে পুনৌৰা ধাম। ইয়াত সন্ত পুণ্ড্ৰিকৰ আশ্ৰম আছিল।

মহাবীৰ মন্দিৰ ট্ৰাষ্টৰ "শ্ৰীমহাবীৰ স্থান ন্যাস সমিতি"য়ে সীতামড়ী জিলাৰ বাহিৰৰ পৰা মন্দিৰলৈ অহা তীৰ্থযাত্ৰীসকলৰ বাবে ২৭ জানুৱাৰী ২০১৯ তাৰিখৰ পৰা পুনৌৰা ধামত "সীতা ৰসোই" আৰম্ভ কৰে।

পুনৌৰা ধামৰ পৰা নেপালৰ হলেশ্বৰ স্থান, পন্থপাকাৰ আৰু জনকপুৰ মন্দিৰলৈ পুৱা মহাবীৰ মন্দিৰ ট্ৰাষ্টে দৈনিক বাছ সেৱা চলায়; ই সন্ধিয়া পুনৌৰা ধামলৈ উভতি আহে৷

গৰম পানীৰ উঁহ

সীতা কুণ্ড গৰম পানীৰ উঁহৰ বাবে জনাজাত। কিংবদন্তি অনুসৰি সীতাই, অগ্নি পৰীক্ষা দিব লগা হৈছিল৷ অগ্নিপৰীক্ষাত তেওঁৰ শৰীৰে জুই শোষণ কৰিছিল যদিও তেওঁৰ কোনো ক্ষতি হোৱা নাছিল। তাৰ পিছত তেওঁ অভ্যন্তৰৰ তাপ পানীৰ উঁহলৈ স্থানান্তৰিত কৰিলে। মাঘৰ প্ৰতিটো পূৰ্ণিমাৰ দিনা তীৰ্থযাত্ৰীসকলে উষ্ণ জলধাৰাসমূহ পৰিভ্ৰমণ কৰে।

যোগাযোগ

পাটনা বিমানবন্দৰ, বাছ ষ্টেচন আৰু পাটনা ৰেল ষ্টেচনৰ পৰা এই ঠাইলৈ সহজে যাব পাৰি। এই মন্দিৰটো পাটনা ৰেলৱে ষ্টেচনৰ পৰা প্ৰায় ১৫০ কিলোমিটাৰ দূৰত অৱস্থিত। পাটনা, গুলজাৰবাগ, পাটলিপুত্ৰ আৰু পাটনা চহৰৰ ৰেলৱে ষ্টেচনত ইয়ালৈ যাবলৈ বাছ আৰু টেক্সি পোৱা যায়।

কাষৰীয়া জিলাখনৰ মুজাফ্ফৰপুৰ, দৰভংগা, মধুবনী আৰু পূৱ চম্পাৰাণৰ পৰাও এই ঠাইলৈ সহজে যাব পাৰি।

মুজাফ্ফৰপুৰ ৰেলৱে ষ্টেচন/ বাছ ষ্টেচন, দৰভংগা জংচন ৰেলৱে ষ্টেচন/ বাছ ষ্টেচন, মধুবনী ৰেলৱে ষ্টেচন/ বাছ ষ্টেচন আৰু মতিহাৰী ৰেলৱে ষ্টেচন/ বাছ ষ্টেচনৰ পৰা মন্দিৰটোৰ দূৰত্ব মাত্ৰ ৭০ –৮০ কিলোমিটাৰ। ​

চিত্ৰশালা

• 
  জানকী কুণ্ড
• 
  বাগাহী মঠ, সীতামড়ী
• 
  জনকপুৰ
• 
  দামামিচ