অসম আন্দোলনৰ তথ্যকোষ

অসমীয়া ৱিকিপিডিয়াৰ পৰা
নেভিগেশ্যনলৈ যাওক সন্ধানলৈ যাওক
অসম আন্দোলনৰ তথ্যকোষ  
অসম আন্দোলনৰ তথ্যকোষ.jpg
দেশ ভাৰতভাৰত
ভাষা অসমীয়া
প্ৰকাৰ কোষ
মিডিয়া প্ৰকাৰ মুদ্ৰণ

অসম আন্দোলনৰ তথ্যকোষ অসম চুক্তি ৰূপায়ণ বিভাগ আৰু অসম চৰকাৰৰ দ্বাৰা প্ৰকাশিত দিগন্ত ওজাৰ দ্বাৰা সম্পাদিত এখন তথ্যকোষ৷[1] এই গ্ৰন্থখন ৬টা খণ্ডত প্ৰকাশিত৷ এই গ্ৰন্থৰ জৰিয়তে অসম আন্দোলনৰ সামগ্ৰিক খতিয়ান তুলি ধৰাৰ প্ৰয়াস কৰা হৈছে৷ প্ৰাক্তন মুখ্যমন্ত্ৰী সৰ্বানন্দ সোনোৱালৰ আগ্ৰহ আৰু অসম চুক্তি ৰূপায়ণ বিভাগ, অসম চৰকাৰৰ উদ্যোগত ২০২০ চনৰ শেষভাগৰ পৰা গ্ৰন্থখনৰ কাম আৰম্ভ কৰা হয়৷[2] ২০২০ বৰ্ষৰ ১০ ডিচেম্বৰত গ্ৰন্থখনৰ প্ৰথম খণ্ড ‘অসম আন্দোলনৰ তথ্যকোষ : উকমুকনিৰ পৰা উদ্গীৰণলৈ’ (১৯৭৮-১৯৮০) উন্মোচিত হয়৷ মুখ্যমন্ত্ৰী সৰ্বানন্দ সোনোৱালে ৮২৪ পৃষ্ঠাৰ এই বৃহৎ কলেৱৰৰ কিতাপখন উন্মোচন কৰিছিল৷ প্ৰথমতে প্ৰকল্পিত তথ্যকোষ চাৰিটা খণ্ডত সামৰাৰ কথা আছিল যদিও পাছলৈ প্ৰাপ্ত তথ্যৰ আধাৰত ৬টি খণ্ডলৈ বিস্তাৰৰ সিদ্ধান্ত লোৱা হয়৷ [3]

খণ্ড সমূহ[সম্পাদনা কৰক]

  • অসম আন্দোলনৰ তথ্যকোষ : উকমুকনিৰ পৰা উদ্গীৰণলৈ (১৯৭৮-১৯৮০)
  • অসম আন্দোলনৰ তথ্যকোষ : প্ৰত্যাশা, আলোচনা (১৯৮০-৮১)
  • অসম আন্দোলনৰ তথ্যকোষ : আলোচনা, আন্দোলন, আলোড়ন (জুলাই ১৯৮১- অক্টোবৰ, ১৯৮২)
  • অসম আন্দোলনৰ তথ্যকোষ : শীৰ্ষ বিন্দু : 'জুয়ে পোৰা তিৰাশী' (নবেম্বৰ ১৯৮২- জুন, ১৯৮৩)
  • অসম আন্দোলনৰ তথ্যকোষ : ধাৰাবাহিকতা আৰু চুক্তি
  • অসম আন্দোলনৰ তথ্যকোষ : পৰিপূৰক সংযোজন

বিষয়বস্তু[সম্পাদনা কৰক]

৬টা খণ্ডত প্ৰকাশ হ’বলগীয়া গ্ৰন্থখনৰ বিষয়বস্তুসমূহ এনেধৰণৰ–[4]

  • নিৰ্ধাৰিত সময়ছোৱাত ৰাজ্যৰ অগ্ৰণী দৈনিক কাকতত প্ৰকাশিত আন্দোলনৰ প্ৰাপ্ত প্ৰায় সকলো বাতৰিৰ টোকা৷ এই বাতৰিসমূহ নিৰ্বাচন কৰোঁতে আন্দোলনৰ লগত জড়িত ৰাজনৈতিক ঘটনাক্ৰমসমূহ সামৰা হ’ব৷
  • উক্ত সময়ছোৱাত আন্দোলনৰ বিষয়ে ৰাষ্টীয় কাকতত পৰিৱেশিত প্ৰতিবেদন আৰু বাতৰি প্ৰয়োজনত যথাযথভাৱে, বা উক্ত বাতৰিৰ প্ৰতিবেদনৰ টোকা৷
  • আন্দোলনৰ বেজ, গোহাৰি-পত্ৰ, প্ৰচাৰ-পত্ৰ৷
  • আন্দোলনকাৰী আৰু কেন্দ্ৰীয় চৰকাৰৰ মাজত আদান-প্ৰদান হোৱা পত্ৰ, স্মাৰক-পত্ৰ৷
  • তদানীন্তন সময়ছোৱাত ৰাজ্যৰ বিভিন্ন ঠাইৰ পৰা প্ৰকাশিত বিভিন্ন আলোচনী, বাতৰি কাকত, কিতাপ, পুস্তিকা৷
  • নিৰ্ধাৰিত সময়ছোৱাৰ আৰক্ষীৰ দৈনিক প্ৰতিবেদন৷
  • আন্দোলনৰ সময়ৰ বিভিন্ন আলোকচিত্ৰ৷
  • আন্দোলনৰ আধাৰত প্ৰকাশিত কিতাপ৷
  • আন্দোলনকাৰীৰ সৈতে কেন্দ্ৰীয় চৰকাৰৰ আলোচনাৰ তথ্য৷
  • আন্দোলনৰ বিষয়ে হোৱা গৱেষণা-পত্ৰ আদি৷ [1]

তথ্যসূত্ৰ[সম্পাদনা কৰক]