ইছমাইল হোছেইন

অসমীয়া ৱিকিপিডিয়াৰ পৰা
Jump to navigation Jump to search
ইছমাইল হোছেইন
জন্ম ২২ ফেব্ৰুৱাৰী ,১৯৬৫
কয়াকুছি গাওঁ, বৰপেটা জিলা
পেচা অভিযন্তা, সাহিত্যিক
ভাষা অসমীয়া
ৰাষ্ট্ৰীয়তা ভাৰতীয়
নাগৰিকত্ব ভাৰতীয়
মাতৃশিক্ষায়তন অসম অভিযান্ত্ৰিক মহাবিদ্যালয়

ইছমাইল হোছেইন(জন্ম - ২২ ফেব্ৰুৱাৰী ,১৯৬৫) বৰপেটা জিলাৰ কয়াকুছি গাওঁত দৰিদ্ৰ কৃষক পৰিয়ালত হৈছিল। তেখেত আধুনিক অসমীয়া ভাষাৰ একেৰাহে কবি, সমালোচক আৰু গৱেষক।[1] চৰ-চাপৰি বাসী এইজন অসম সন্তানে শংকৰী কলা কৃষ্টিৰ সাধক। অসমৰ চৰ-চাপৰি বাসীৰ ওপৰত গৱেষণা কৰা এও দ্বিতীয়জন ইছমাইল হোছেইন কাৰণে তেখেতক কনিষ্ঠ বুলিও জনা যায়।

শিক্ষা[সম্পাদনা কৰক]

কয়াকুছিৰ পৰা প্ৰাথমিক শিক্ষা সাং কৰি হেলাপাকড়ি হাই মাদ্ৰাছাৰ পৰা প্ৰথম বিভাগত মেট্ৰিক উতীৰ্ণ হৈছিল। পিছত "অণুবিদ্যুৎ আৰু দুৰ-সংযোগ অভিযান্ত্ৰিক" বিষয়ত অসম অভিযান্ত্ৰিক মহাবিদ্যালয়ৰ পৰা স্নাতক ডিগ্ৰী লৈছিল। কিছুদিন অসম অভিযান্ত্ৰিক প্ৰতিষ্ঠানত প্ৰবক্তা হিচাপে কাম কৰিছিল আৰু বৰ্তমানে যোৰহাটৰ প্ৰিন্স ৱেলেছ অভিযান্ত্ৰিক প্ৰতিষ্ঠানত প্ৰবক্তা হিচাপে কৰ্মৰত।

কৰ্মৰাজি[সম্পাদনা কৰক]

তেখেতৰ প্ৰকাশিত উল্লেখযোগ্য গ্ৰন্থ সমূহ হল;

১. জীৱন আৰু মানুহ

২. হিন্দু মুছলমান প্ৰশ্ন : সমন্বয় আৰু সংঘাত

৩. সাম্প্ৰদায়িকতা বিৰোধী কবিতা

৪. অসমীয়া জাতীয় জীবন আৰু অভিভাসী মুছলমান

৫. সংহতিৰ সন্ধানত

৬. চাপৰিৰ সূৰ্য

৭. চৰ চাপৰিৰ সমাজ সমীক্ষা

৮. নৈপৰীয়া

৯. অসমত মৌলনা ভাসানী

১০. চৰ চাপৰিৰ লোক সাহিত্য

১১. ফাটবিহুৰ ইতিহাস আৰু ঐতিহ্য[2]

১২. ৰঙালী বিহুৰ ঐতিহ্য বিচাৰ

১৩. সত্ৰাধিকাৰ পীতাম্বৰদেব গোস্বামীৰ জীৱন দৰ্শন

১৪. শ্ৰীমন্ত শঙ্কৰদেৱ আৰু সমন্বয়ৰ ঐতিহ্য

১৫. শঙ্কৰদেৱ বিশ্ব শ্ৰেষ্ঠ নহব কিয়

১৬. আজান পীৰ আৰু জিকিৰ

১৭. শ্ৰীমন্ত শঙ্কৰদেৱ আৰু চান্দসাই

১৮. শঙ্কৰী ঐতিহ্যৰ বিচাৰ

১৯. ইছলামৰ দৃষ্টিত শ্ৰীমন্ত শঙ্কৰদেৱ

২০. আমাৰ শঙ্কৰদেৱ অভিযান

২১. বাৰেচহৰীয়া ভাওনা আৰু গজেন বৰুৱা

২২. শৰণীয়া কছাৰী সমাজ

২৩. আমি কিদৰে অসমীয়া হ'লো

২৪. শঙ্কৰদেৱ বিভ্ৰাটৰ প্ৰত্যুত্তৰ

২৫. বিজ্ঞাপন (কবিতা পুথি )

তেখেতৰ দ্বাৰা ৰচিত " শ্ৰীমন্ত শঙ্কৰদেৱৰ ইছলাম ধৰ্মী শিষ্য চান্দসাই" ৰ অনুপ্ৰেননাত আৰু তেখেত পৃষ্ঠপোষকাত "চান্দসাই ভাওনা দল" কেৱল মুছলমান সদস্যৰে গঠিত হৈছিল। এতিয়ালৈ তেখেতে ৮০ খন অসমীয়া গ্ৰন্থ ৰচনা কৰিছে। অসম সাহিত্য সভাৰ সভাপতিৰ বাবেও বিভিন্ন মহলৰ পৰা ইতিমধ্যে দাবী উত্থাপন হৈ আছে। [1]

তথ্য সংগ্ৰহ[সম্পাদনা কৰক]

  1. "Where religion rests backstage - Muslim troupe comes forward to perform Vaishnavite drama form". The Telegraph. https://m.telegraphindia.com/states/north-east/where-religion-rests-backstage-muslim-troupe-comes-forward-to-perform-vaishnavite-drama-form/cid/587163। আহৰণ কৰা হৈছে: 28 June 2019. 
  2. Ismail.Hossain. Phatobihurit Ihash Aru Oitijya. https://www.scientiabooks.in/product/phatobihuritihash-aru-oitijya/.