কথা বৰেণ্য ১০০
| কথা বৰেণ্য ১০০ | |
|---|---|
| লেখক | শোণিত বিজয় দাস, মুনীন বায়ন (সম্পাদক) |
| দেশ | ভাৰত |
| ভাষা | অসমীয়া |
| প্ৰকাৰ | জীৱনালেখ্য সংকলন |
| প্ৰকাশক | কথা পাব্লিকেশ্যনছ, গুৱাহাটী |
| প্ৰকাশ | ২੦੦৬ |
| পৃষ্ঠা সংখ্যা | ৩৫২ |
| আই.এচ.বি.এন. | 81-89148-14-1 |
কথা বৰেণ্য ১০০ এখন গ্ৰন্থ। গ্ৰন্থখনৰ সম্পাদক শোণিত বিজয় দাস আৰু মুনীন বায়ন। কথা প্ৰকাশনৰ দ্বাৰা প্ৰকাশিত ঊনবিংশ আৰু বিংশ শতিকাৰ ১০০ গৰাকী অসমীয়া সাহিত্যিক-শিল্পীৰ জীৱনালেখ্যৰ সংকলন। গ্ৰন্থখন প্ৰথম প্ৰকাশ হৈছিল ২০০৬ চনত। গ্ৰন্থখনৰ আইএছবিএন হ’ল-৮১-৮৯১৪৮-১৪-১।
গ্ৰন্থ বিৱৰণ
[সম্পাদনা কৰক]এই সংকলনত কোনো প্ৰথাগত প্ৰসংগ-কোষৰ অন্তৰ্ভুক্ত নোহোৱা অসমৰ বৌদ্ধিক সাংস্কৃতিক জীৱনৰ কাণ্ডাৰীস্বৰূপ ব্যক্তিসকলৰ জীৱন আৰু কৃতিৰ বিতং তথ্যৰ লগতে বিংশ শতিকাৰ অসমীয়া সাহিত্য-সংস্কৃতি তথা জাতীয় জীৱনক অনুধাৱন কৰিবৰ সমল তথ্য সন্নিৱিষ্ট কৰা হৈছে।[1]
গ্ৰন্থখনত বৰেণ্য ব্যক্তিসকলক দুটা থূলত সজোৱা হৈছে৷ প্ৰথম থূলত সন্নিৱিষ্ট হৈছে এনে পঁচিশগৰাকী ব্যক্তি, যাৰ জন্ম ঊনবিংশ শতিকাত আৰু কৰ্মজীৱন বিংশ শতিকালৈকো বিস্তাৰিত৷ এইটো থূলত অন্তৰ্ভুক্ত হোৱা সকলৰ ভিতৰত লক্ষ্মীনাথ বেজবৰুৱা, পদ্মনাথ গোহাঞিবৰুৱা, ৰজনীকান্ত বৰদলৈ, অম্বিকাগিৰী ৰায়চৌধুৰী, বাণীকান্ত কাকতি, কৃষ্ণকান্ত সন্দিকৈ, নলিনীবালা দেৱী অন্যতম৷ দ্বিতীয়টো থূলত বিংশ শতিকাত জন্ম লাভ কৰা পঁইসত্তৰগৰাকী বৰেণ্য অসমীয়াৰ জীৱন আলেখ্য সন্নিৱিষ্ট হৈছে৷ দ্বিতীয়টো থূলত দুটা খণ্ড ৰখা হৈছে৷ প্ৰথম খণ্ডত শতিকাটোৰ আটাইতকৈ প্ৰভাৱশালী বুলি গণ্য কৰা দহগৰাকী বৰেণ্য অসমীয়াক অন্তৰ্ভুক্ত কৰা হৈছে৷ তেওঁলোক হ’ল:
- জ্যোতিপ্ৰসাদ আগৰৱালা,
- বিষ্ণুপ্ৰসাদ ৰাভা,
- মহেশ্বৰ নেওগ,
- বীৰেন্দ্ৰকুমাৰ ভট্টাচাৰ্য,
- ভূপেন হাজৰিকা,
- নৱকান্ত বৰুৱা,
- চন্দ্ৰপ্ৰসাদ শইকীয়া,
- ভবেন্দ্ৰ নাথ শইকীয়া,
- হোমেন বৰগোহাঞি আৰু
- হীৰেন গোহাঁই৷
দ্বিতীয়টো থূলৰ দ্বিতীয় খণ্ডত অতুলচন্দ্ৰ হাজৰিকাৰপৰা আৰম্ভ কৰি জাহ্নু বৰুৱালৈ পঁইষষ্ঠিগৰাকী বৰেণ্য অসমীয়াৰ জীৱন আলেখ্য সন্নিৱিষ্ট হৈছে৷ ভিন ভিন লেখকে বৰেণ্য ব্যক্তিসকলৰ জীৱন আলেখ্য আকৰ্ষণীয় ভাষাত লিখিছে৷ গ্ৰন্থখনৰ শেষৰ ফালে প্ৰতিগৰাকী বৰেণ্য ব্যক্তিৰ তথ্যপূৰ্ণ জীৱনপঞ্জী সন্নিৱিষ্ট হৈছে৷[2] গ্ৰন্থখনত উক্ত এশগৰাকী বৰেণ্য ব্যক্তিৰ উপৰি অসমৰ সাহিত্য আৰু সংস্কৃতি জগতৰ অন্য দুই শতাধিক মান ব্যক্তিৰ চমু জীৱন পৰিচয়ো সন্নিৱিষ্ট হৈছে৷[2] গ্ৰন্থখনৰ পাতনিতে হীৰেন গোহাঁইৰ ‘আধুনিকতা: অসমত তাৰ গতিপথ’ শীৰ্ষক এটা লেখা সন্নিৱিষ্ট হৈছে৷[2]