কলম
কলম (ইংৰাজী: Pen) হ’ল এক লিখন সজুলি ৷ ইয়াক কোনো লিখন পৃষ্ঠ যেনে কাগজ আদিত চিঞাহীৰ প্ৰয়োগ কৰি লিখিব বা অংকণ কৰিবলৈ ব্যৱহাৰ কৰা হয়৷[1] প্ৰথমাৱস্থাত কলমবোৰ, যেনে ৰিড পেন, কুইল কলম, ডিপ পেন আৰু ৰুলিং পেন আদিৰ ওপৰত “নিব’’ত অলপ চিয়াঁহী ধৰি ৰখা হৈছিল আৰু সময়ে সময়ে কলমৰ ডগাটো চিঞাহী দোৱাতত ডুবাই পুনৰ সতেজ কৰিবলগীয়া হৈছিল।[2][3] আজিকালি এনে কলমৰ বিশেষ ব্যৱহাৰ কম সংখ্যকহে পোৱা যায়, যেনে, “চিত্ৰ অংকন’’ আৰু কেলিগ্ৰাফীত লিখাৰ বাবে ব্যৱহাৰ কৰা হয়৷ ৰিড পেন, কুইল পেন আৰু ডিপ পেনৰ ঠাইত “বলপইণ্ট পেন’’, “ৰোলাৰবল পেন’’, ফাউণ্টেইন পেন আৰু মাৰ্কাৰ পেন বা “পোৰাছ পইণ্ট পেন’’ ব্যৱহাৰ হোৱা দেখা গৈছে৷[4] নানা ধৰণৰ “কাৰিকৰী অংকন’’ আৰু “মানচিত্ৰ অংকন’’ৰ বাবে ব্যৱহাৰ কৰা ৰুলিং কলমসমূহৰ ঠাইত কাৰিকৰী কলম যেনে ৰেডিঅ’গ্ৰাফ ব্যৱহাৰ কৰা হৈছে।[5] এই সকলোবোৰ আধুনিক কলমৰ অভ্যন্তৰত চিয়াঁহীৰ নলী থাকে, যাতে লিখাৰ সময়ত নিবটো বা ডগাটো বাৰে বাৰে চিয়াঁহীত ডুবাই থকাৰ প্ৰয়োজন নহয়।[6]
প্ৰকাৰ[সম্পাদনা কৰক]
কলমৰ বিভিন্ন প্ৰকাৰ আছে৷ প্ৰাচীন কালত ব্যৱহৃত কলমবোৰ যেনে, চিঞাহী কলম, পাখি কলম, নিব কলম, বাঁহৰ কলম আদিৰ ঠাইত আধুনিক যুগত,
- বলপইণ্ট কলম
- ফাউন্টেইন কলম
- মাৰ্কাৰ কলম
- ৰ'লাৰবল কলম আদিৰ প্ৰয়োগ হৈ থকা দেখা যায়৷
ইতিহাস[সম্পাদনা কৰক]
প্ৰাচীন কালত ইজিপ্তিয়ানসকলে লিখন সজুলি হিচাপে কলমৰ উদ্ভাৱন কৰিছিল৷[7] ৩০০০ খ্ৰীষ্টপূৰ্বত বাঁহৰ কলমৰ ব্যৱহাৰৰ প্ৰমাণ পোৱা গৈছে৷ ১৮৮৪ চনত লুইচ ৱাটাৰমেন নামৰ এজন অভিযন্তাই কলমৰ উদ্ভাৱন কৰে, যিটো ধৰণৰ কলম আজিকালিৰ দিনত আমি ব্যৱহাৰ কৰি আছোঁ। অৱশ্যে তেওঁ চিয়াঁহী ভৰাব পৰা fountain pen ৰ উদ্ভাৱন কৰিছিল, যিটোৰ আগত এটা নিব থাকে। ৱাটাৰ্মেনৰ আৱিষ্কাৰে আজিৰ আমাৰ লিখন অতি সহজ কৰি তুলিছে। তেওঁৰ উদ্ভাৱনৰ ওপৰতেই ভিত্তি কৰি আজিকালিৰ কলম তৈয়াৰ কৰা হৈছে, যি অতি সহজলভ্য।
তথ্য সূত্ৰ[সম্পাদনা কৰক]
- ↑ Pen. Merriam-Webster Dictionary
- ↑ Johannessen, Christian Mosbæk; Leeuwen, Theo van (2017-09-18) (en ভাষাত). The Materiality of Writing: A Trace Making Perspective. Routledge. ISBN 978-1-134-98646-0. https://books.google.com/books?id=L8orDwAAQBAJ&dq=Early+pens+such+as+reed+pens,+quill+pens,+dip+pens+and+ruling+pens+held+a+small+amount+of+ink&pg=PT145.
- ↑ Greetham, David C. (2015-10-28) (en ভাষাত). Textual Scholarship: An Introduction. Routledge. ISBN 978-1-136-75579-8. https://books.google.com/books?id=RDJ4nTA_3Z8C&dq=Early+pens+such+as+reed+pens,+quill+pens,+dip+pens+and+ruling+pens+held+a+small+amount+of+ink&pg=PA65.
- ↑ "pen." Word Histories and Mysteries. Boston: Houghton Mifflin, 2004. Credo Reference. Web. 13 September 2007.
- ↑ Emmons, Paul (2019-04-01) (en ভাষাত). Drawing Imagining Building: Embodiment in Architectural Design Practices. Routledge. ISBN 978-1-317-17952-8. https://books.google.com/books?id=DwaQDwAAQBAJ&dq=ruling+pens+replaced+by+technical+pen&pg=PT148.
- ↑ Silva, Patricia; Pauli, Erika (2009) (en ভাষাত). Modern Times. Marshall Cavendish. ISBN 978-0-7614-4322-3. https://books.google.com/books?id=mqWnV8jI2vEC&dq=modern+pens+contain+internal+ink+reservoirs,&pg=PA11.
- ↑ https://www.bl.uk/history-of-writing/articles/a-brief-history-of-writing-materials-and-technologies#:~:text=The%20earliest%20material%20used%20to,draw