খোজকাঢ়ি যোৱা মাছ
খোজকাঢ়ি যোৱা মাছ(ইংৰাজী: Walking fish), এনে এবিধ মাছ, যি দীৰ্ঘসময় ধৰি স্থলপথেৰে যাত্ৰা কৰিবলৈ সক্ষম। আন কিছুমান নন-ষ্টেণ্ডাৰ্ড মাছৰ গতিবিধিৰ ভিতৰত সাগৰৰ তলত "খোজ" কঢ়া মাছ, যেনে, হেণ্ডফিছ বা ফ্ৰগফিছত দেখা যায়।
ধৰণ
[সম্পাদনা কৰক]সাধাৰণতে খোজকাঢ়ি যোৱা মাছবোৰ উভচৰ মাছ। পানীৰ বাহিৰত অধিক সময় কটাব পৰা এই মাছবোৰে গতিবিধিৰ কেইবাটাও উপায় ব্যৱহাৰ কৰিব পাৰে, যেনে হঠাৎ জঁপিওৱা, সাপৰ দৰে অকাই-পকাই যোৱা,আৰু ভেকুলীৰ দৰে জঁপিয়াই যোৱা। মাডস্কিপাৰ সম্ভৱতঃ সমসাময়িক মাছৰ ভিতৰত সৰ্বোত্তমভাৱে ভূমিভাগত খাপ খোৱা আৰু পানীৰ বাহিৰত ঘূৰি ফুৰি দিন কটাব পাৰে আৰু আনকি মাত্ৰ সামান্য উচ্চতাত মেংগ্ৰোভতো ই বগাব পাৰে।[1] বগাই যোৱা গৌৰামী মাছক প্ৰায়ে বিশেষভাৱে "খোজ কাঢ়ি যোৱা মাছ" বুলি কোৱা হয়, যদিও ই প্ৰকৃততে "খোজ কাঢ়ি যোৱা" নহয়, বৰঞ্চ ইয়াৰ গিল প্লেটৰ বৰ্ধিত প্ৰান্তত নিজকে থিয় কৰি আৰু নিজৰ পাখি আৰু ঠেঙৰ দ্বাৰা ঠেলি দি জোকাৰণিৰ দৰে গতি কৰে। কিছুমান প্ৰতিবেদনে এয়া ইংগিতো দিয়ে যে, ই গছত উঠিব পাৰে।[2]
ইপ'লেট চাৰ্কৰ (Hemiscyllium ocellatum) অগভীৰ পানীত বাস কৰাৰ প্ৰৱণতা থাকে, য'ত সাঁতোৰা কঠিন হয় আৰু ইয়াৰ পেশীবহুল পেক্টৰেল পাখি ব্যৱহাৰ কৰি প্ৰায়ে শিল আৰু বালিৰ ওপৰেৰে খোজ কাঢ়ি থকা দেখা যায়।[3] ই পানীৰ গভীৰতাৰ বহু তাৰতম্য থকা অঞ্চলত বাস কৰে, সাধাৰণতে য’ত জোৱাৰ নিজৰ অৱস্থানৰ তলত পৰে। যদি ই নিজকে পানীৰ পৰা আঁতৰি যায়, তেন্তে ই কেইবা ঘণ্টা ধৰি জীয়াই থাকিব পাৰে আৰু পানীৰ ওচৰলৈ যাবলৈ মাটিৰ ওপৰেৰে খোজ কাঢ়ি যাব পাৰে। অৰ্থাৎ ইয়াৰ প্ৰাকৃতিক পৰিসৰত বিচ্ছুৰিত লোকসকলে ইয়াক সহজেই পৰ্যবেক্ষণ কৰে।
সঁচা অৰ্থত খোজ কঢ়াত কম পাকৈত কেইবাটাও মাছ আছে, যেনে খোজকাঢ়ি যোৱা কেটফিছ। "স্থলভাগত খোজ কঢ়া"ৰ বাবে পৰিচিত হোৱাৰ পিছতো এই মাছটোৱে সাধাৰণতে কুটিল আৰু ইয়াৰ গতিবিধি সহায় কৰিবলৈ ইয়াৰ পেক্টৰেল পাখি ব্যৱহাৰ কৰিব পাৰে। খোজকাঢ়ি যোৱা কেটফিছৰ শ্বাস-প্ৰশ্বাসৰ তন্ত্ৰ থাকে, যাৰ সহায়ত কেইবাদিনো পানীৰ বাহিৰত জীয়াই থাকিবলৈ সক্ষম হয়। কিছুমান আক্ৰমণাত্মক প্ৰজাতি আছে, উদাহৰণস্বৰূপে, আমেৰিকাত থকা নৰ্দাৰ্ন স্নেক হেড।[4] পলিপ্টেৰিডৰ হাওঁফাওঁ আদিম আৰু ই স্থলভাগতো যথেষ্ট সাধাৰণভাৱে ঘূৰি ফুৰিব পাৰে। মেংগ্ৰোভ ৰিভুলাছ পানীৰ বাহিৰত মাহৰ পিছত মাহ ধৰি জীয়াই থাকিব পাৰে আৰু বন্ধ গাঁতৰ দৰে ঠাইলৈ যাব পাৰে।[5][6][7]
কিছুমান প্ৰজাতিৰ মাছে সাগৰৰ তলত “খোজ কাঢ়িব’’ পাৰে, কিন্তু স্থলভাগত নোৱাৰে। তেনে এটা প্ৰাণী হ’ল, উৰন্ত গুৰনাৰ্ড (ই প্ৰকৃততে উৰি নাযায়, আৰু উৰন্ত মাছৰ লগত বিভ্ৰান্ত হ’ব নালাগে)। Ogcocephalidae পৰিয়ালৰ বেটফিছ (Ephippidae ৰ বেটফিছৰ সৈতে বিভ্ৰান্ত নহ’ব)ও সাগৰৰ তলত খোজ কাঢ়িব পাৰে। বেথিপটেৰ'ইছ গ্ৰেলেটৰ, যাক "ট্ৰাইপডফিছ" বুলিও কোৱা হয়, সাগৰৰ তলত তিনিটা পাখিত থিয় হৈ খাদ্যৰ বাবে চিকাৰ কৰে।[8] আফ্ৰিকান হাওঁফাওঁৰ মাছ (P. annectens)-এ নিজৰ টেংকৰ তলৰ ফালে "খোজ" কৰিবলৈ নিজৰ পাখি ব্যৱহাৰ কৰিব পাৰে, যিদৰে উভচৰ আৰু স্থলভাগৰ মেৰুদণ্ডী প্ৰাণীয়ে স্থলভাগত নিজৰ অংগ-প্ৰত্যংগ ব্যৱহাৰ কৰে।[9][10]
লগতে চাওক
[সম্পাদনা কৰক]চিত্ৰশালা
[সম্পাদনা কৰক]-
Alticus arnoldorum climbing up a vertical piece of Plexiglas
-
An epaulette shark clambering over the sand on a beach -
তথ্য সূত্ৰ
[সম্পাদনা কৰক]- ↑ "Tourism". Cairns Museum. http://www.cairnsmuseum.org.au/tourism.htm। আহৰণ কৰা হৈছে: 17 July 2011.
- ↑ "Climbing Fish". MSN Encarta. Archived from the original on 29 August 2009. Retrieved 16 July 2009. Unknown parameter
|url-status=ignored (help) - ↑ "Why Do Sharks Expose their Dorsal Fins?". elasmo-research.org. http://elasmo-research.org/education/topics/b_dorsal_out.htm.
- ↑ "Maryland Suffers Setback in War on Invasive Walking Fish", National Geographic News July 12, 2002
- ↑ Taylor, Anna-Louise (8 January 2012). "Shells, trees and bottoms: Strange places fish live". BBC Nature. http://www.bbc.co.uk/nature/16251726। আহৰণ কৰা হৈছে: 12 January 2012.
- ↑ "Tropical fish can live for months out of water". Reuters. 15 November 2007. https://www.reuters.com/article/us-fish-idUSN1522299020071115?pageNumber=1.
- ↑ Mehta, Aalok (6 November 2007). "Fish Lives in Logs, Breathing Air, for Months at a Time". nationalgeographic.com. https://www.nationalgeographic.com/animals/2007/11/fish-lives-inside-logs-breathing-air-for-months/.
- ↑ Jones, Anthony T; Sulak, Kenneth J (1990). "First Central Pacific Plate and Hawaiian Record of the Deep-sea Tripod Fish Bathypterois grallator (Pisces: Chlorophthalmidae)". Pacific Science খণ্ড 44 (3): 254–257.
- ↑ "Fish uses fins to walk and bound". 13 December 2011. https://www.bbc.co.uk/nature/16157835.
- ↑ King, H. M.; Shubin, N. H.; Coates, M. I.; Hale, M. E. (27 December 2011). "Behavioral evidence for the evolution of walking and bounding before terrestriality in sarcopterygian fishes". Proceedings of the National Academy of Sciences খণ্ড 108 (52): 21146–21151. doi:10.1073/pnas.1118669109. PMID 22160688.
- "A small step for lungfish, a big step for the evolution of walking" (Press release). December 13, 2011. https://www.sciencedaily.com/releases/2011/12/111212153117.htm.