চাইকেল

অসমীয়া ৱিকিপিডিয়াৰ পৰা
Jump to navigation Jump to search
চীনদেশীয় উৰন্ত পাৰ (Flying Pigeon) হৈছে সবাতোকৈ জনপ্ৰিয় চাইকেলৰ আৰ্হি আৰু পৃথিৱীত থকা যি-কোনো ধৰণৰ বাহনৰ ভিতৰতে সবাতোকৈ জনপ্ৰিয় বাহন। এতিয়ালৈকে ৫০ কোটিখন নিৰ্মাণ কৰা হৈছে।[1]
বাইচাইকেলৰ পৰিচিত টিলিঙাৰ শব্দ

চাইকেল (cycle) অথবা বাইচাইকেল (bicycle) অথবা বাইক (bike) হৈছে মানুহৰ দ্বাৰা চালিত নাইবা মটৰচালিত, পেডেল-নিয়ন্ত্ৰিত বাহন। ইয়াৰ ফ্ৰেমৰ লগত দুটা চকা অগা-পিছাকৈ সংযুক্ত হৈ আছে। চাইকেল চলোৱা মানুহজনক চাইকেল-চালক, চাইক্লিষ্ট অথবা বাইচাইক্লিষ্ট বুলি কোৱা হয়।

১৯ শতিকাত ইউৰোপৰ ফালে পোনপ্ৰথমবাৰৰ বাবে চাইকেল দেখিবলৈ পোৱা গৈছিল; আৰু ২১ শতিকাৰ প্ৰাৰম্ভত ১০০ কোটিতকৈও অধিক চাইকেল দৃশ্যমান হ'ল।[1][2][3] পৃথিৱীৰ বহু ঠাইতেই চাইকেল হৈছে যাতায়াতৰ অন্যতম মাধ্যম। চাইকেলক আমোদ-প্ৰমোদ, অথবা শিশুৰ খেলনা-সামগ্ৰী, শাৰীৰিক ব্যায়াম, সামৰিক সেৱাত, কুৰিয়াৰ সেৱা, চাইকেল-চালনা প্ৰতিযোগিতা আৰু চাইকেলৰ দুঃসাহসিক ক্ৰীড়াতো ব্যৱহাৰ কৰা হয়।[4]

শব্দতত্ত্ব[সম্পাদনা কৰক]

বাইচাইকেল শীৰ্ষক শব্দটো সৰ্বপ্ৰথমে লিপিবদ্ধ হৈছিল ১৮৬৮ চনত; দ্য ডেইলি নিউজৰ ইংৰাজী কাকতত৷ শব্দটো উল্লেখ কৰিবলগীয়া হৈছিল "চেম্পছ্ ইলিছিছ এণ্ড বয়ছ ডি বাগনি"ত "বাইচাইকেলছ্ এণ্ড ট্ৰাইচাইকেলছ্"ক বুজাবৰ বাবে।[5] শব্দটো পোনপ্ৰথমবাৰ ব্যৱহাৰ কৰা হৈছিল ১৮৪৭ চনত এখন ফৰাচী প্ৰকাশনত; এক অচিন দুচকীয়া বাহন (বোধহয় চকাযুক্ত সামগ্ৰী কঢ়িয়াই নিয়া বাহন)-ক বুজাবৰ বাবে।[5] চাইকেলখনৰ আৰ্হিটো আছিল "ভেল'ছিপেড"ৰ আধুনিক সংস্কৰণ, যদিও সিহঁতৰ নামকেইটাক কিছুসময়ৰ বাবে ওপৰা-উপৰিকৈ ব্যৱহাৰ কৰা হৈছিল।[5][6]

ইতিহাস[সম্পাদনা কৰক]

কাঠেৰে নিৰ্মিত ড্ৰেইছিন(১৮২০ চন মানৰ);প্ৰথমখন দুচকীয়া। বাইচাইকেলৰ আদিৰূপ বুলিও জনাজাত

মানুহৰ যাতায়াতৰ কাৰণে সাজি উলিওৱা প্ৰথম দুচকীয়া বাহনখন হৈছে "ডেণ্ডী হৰ্ছ" (dandy horse), যাক ড্ৰেইছিয়েন অথবা ল'ফমেছাইন বুলিও কোৱা হয় আৰু য'ত দুয়োফালে দুটা চকা সংযুক্ত হৈ আছিল। উদ্ভাৱণ কৰিছিল জাৰ্মানৰ বেৰন কাৰ্ল ভন ড্ৰেইছে। ইয়াক আধুনিক বাইচাইকেলৰ অগ্ৰদূত বুলি অভিহিত কৰা হয়। ড্ৰেইছে এইখন বাহনক ১৮১৭ৰ গ্ৰীষ্মত মেইনহেইমৰ ৰাজহুৱা স্থান আৰু ১৮১৮ত পেৰিছত প্ৰদৰ্শন কৰিছিল।[7][8]

ভেল'চিপেডত উঠি থকা অৱস্থাত মিখস্কৰ পুত্ৰ, ১৮৬৮ চনৰ ফটো

বোধহয়, যান্ত্ৰিকভাৱে চালিত প্ৰথমখন দুচকীয়া বাহন নিৰ্মাণ কৰিছিল ১৮৩৯ চনত কাৰ্কপেট্ৰিক মেকমিলানে, স্কটলেণ্ডৰ এজন কমাৰ। অৱশ্যে তথ্যটো প্ৰায়েই বিতৰ্কৰ আৱৰ্তত।[9] মেকমিলানৰ নামটো চাইকেল-চালনাৰ ফলত হোৱা প্ৰথমটো ট্ৰেফিক অপৰাধৰ লগতো জড়িত হৈ আছে। যেতিয়া ১৮৪২ চনত এখন গ্লাছগ' বাতৰিকাকতে এটা দুৰ্ঘটনাৰ বাতৰি প্ৰকাশ কৰি এইদৰে কৈছিল যে-"এখন কুশলী আৰ্হিৰ ভেল'চিপেডত বহি অহা ডামফ্ৰিছ-শ্বায়াৰৰ এজন অচিনাকি ভদ্ৰলোকে গ্লাছগ'ৰ এগৰাকী সৰু ছোৱালীক খুন্দিয়াই থৈ যায় আৰু তেওঁক পাঁচ ছিলিঙৰ জৰিমনাৰে দণ্ড বিহা হয়৷"[10]

১৮৬০ চনৰ আৰম্ভণিতে ফৰাচী ব্যক্তি পিয়েৰি মিখক্স আৰু পিয়েৰি লেলেমেণ্টে বাইচাইকেলৰ নক্সাটোৰ সমুখৰফালে ডাঙৰ চকা এটা লগ লগাই(ভেল'চিপেড) তাত পেডেলৰ সৈতে এটা যান্ত্ৰিক ক্ৰেংক ড্ৰাইভ সংযোজিত কৰে, যিয়ে চাইকেলৰ পূৰ্বৰ নক্সাটোক এক নতুন মাত্ৰা প্ৰদান কৰে।[11]

তথ্যসূত্ৰ[সম্পাদনা কৰক]

  1. 1.0 1.1 Koeppel, Dan (January–February 2007). "Flight of the Pigeon". Bicycling (Rodale) খণ্ড 48 (1): 60–66. ISSN 0006-2073. https://books.google.com/books?id=isUDAAAAMBAJ&pg=PA60। আহৰণ কৰা হৈছে: 2012-01-28. 
  2. "Bicycling; A way of life; Faster in town than going by car, bus, tube or on foot". The Economist. April 20, 2011. http://www.economist.com/node/18584086. 
  3. "Bicycles produced in the world". Worldometers. http://www.worldometers.info/bicycles/। আহৰণ কৰা হৈছে: 2 January 2012. 
  4. http://www.iosrjournals.org/iosr-jmce/papers/vol12-issue6/Version-5/A012650114.pdf
  5. 5.0 5.1 5.2 "bicycle". Oxford English Dictionary (3rd সম্পাদনা). Oxford University Press. September 2005. http://oed.com/search?searchType=dictionary&q=bicycle. 
  6. "bicycle (n.)". bicycle (n.). http://www.etymonline.com/index.php?term=bicycle। আহৰণ কৰা হৈছে: 10 February 2014. 
  7. "Baron von Drais' Bicycle". Canada Science and Technology Museum. http://www.sciencetech.technomuses.ca/english/collection/cycles2.cfm। আহৰণ কৰা হৈছে: 10 February 2014. 
  8. Herlihy 2004, পৃষ্ঠা. 26.
  9. Herlihy 2004, পৃষ্ঠা. 66–67.
  10. "Is dangerous cycling a problem?". BBC News. 13 April 2011. https://www.bbc.co.uk/news/magazine-13040607। আহৰণ কৰা হৈছে: 11 February 2014. 
  11. http://books.google.co.in/books?id=8S0UAAAAYAAJ&pg=PA648&redir_esc=y#v=onepage&q&f=false