ছাইকী
| ছাইকী | |
|---|---|
| আত্মাৰ দেৱী | |
 “অপহৃত ছাইকী” (১৮৯৫) | |
| প্ৰতীক | পখিলা পাখি |
| সঙ্গী | ইৰ'চ |
| পিতৃ-মাতৃ | নামহীন ৰজা আৰু ৰাণী[1] |
| সহোদৰ | দুগৰাকী নামহীন ভগ্নী |
| সন্তান | হেড’নী |
ছাইকী (ইংৰাজী: Psyche, /ˈsaɪkiː/; [2] গ্ৰীক: Ψυχή) হৈছে এগৰাকী আত্মাৰ গ্ৰীক দেৱী। ছাইকী এগৰাকী নশ্বৰ মহিলা হিচাপে জন্মগ্ৰহণ কৰিছিল। গ্ৰীক পৌৰাণিক কাহিনী অনুসৰি, ছাইকী সৌন্দৰ্যৰ দেৱী এফ্ৰোডাইটিতকৈও অধিক সুন্দৰী আছিল। দ্বিতীয় শতিকাত লুছিয়াছ এপুলিয়াছে ৰচনা কৰা দ্য গোল্ডেন এছ নামৰ কাহিনীটোৰ পৰা ছাইকী জনাজাত।
পৌৰাণিক কাহিনী
[সম্পাদনা কৰক]প্ৰাৰম্ভিক জীৱন
[সম্পাদনা কৰক]ছাইকী এগৰাকী গ্ৰীক ৰজা আৰু ৰাণীৰ তিনিটা কন্যা সন্তানৰ কনিষ্ঠ সন্তান আছিল। তেওঁ দেখাত ইমানে ধুনীয়া আছিল যে, পুৰোহিতসকলোকে ধৰি মানুহে তেওঁক প্ৰেম আৰু সৌন্দৰ্যৰ গ্ৰীক দেৱী এফ্ৰোডাইটিৰ সৈতে তুলনা কৰিবলৈ লৈছিল। বহুতে এইটো কৈছিল যে তেওঁ দেৱী এফ্ৰোডাইটিতকৈও সুন্দৰী আছিল। যেতিয়া এফ্ৰোডাইটিৰ মন্দিৰবোৰ নিৰ্জন হ’বলৈ ধৰিছিল, তেতিয়া দেৱী ক্ৰোধিত হৈ উঠিছিল। কাৰণ তেওঁক উপাসনা কৰিবলৈ এৰি মানুহে ছাইকীক উপাসনা কৰিবলৈ আৰম্ভ কৰিছিল। ছাইকীক শাস্তি দিয়াৰ উদ্দেশ্য এফ্ৰোডাইটেয়ে তেওঁৰ পুত্ৰ ইৰ'চক এজন নীচ আৰু ঘৃণনীয় ব্যক্তিৰ প্ৰেমত পেলাবলৈ পঠিয়াইছিল। অৱশ্যে, ইৰ’চে তেওঁৰ সুন্দৰ্যৰ প্ৰতি অভিভূত হৈছিল আৰু প্ৰেমত পৰিছিল আৰু ইৰ’চে ছাইকীক তেওঁৰ মাকৰ ক্ৰোধৰ পৰা ৰক্ষা কৰিবলৈ সিদ্ধান্ত লৈছিল।
ছাইকীৰ দুয়োগৰাকী ডাঙৰ ভনীয়েকে ছাইকীৰ সৌন্দৰ্যক লৈ ঈৰ্ষা কৰিছিল। অৱশেষত তেওঁৰ ভনী দুগৰাকী ৰজাৰ সৈতে বিয়া হৈছিল আৰু তেওঁলোকৰ স্বামীৰ সৈতে থাকিবলৈ গুচি গৈছিল। ইপিনে ছাইকীক কোনেও বিয়াৰ বাবে হাত বিচৰা নাছিল বৰং পুৰুষসকলে তেওঁৰ সৌন্দৰ্যক লৈ প্ৰশংসাহে কৰিছিল। তেওঁ অকলশৰীয়া হৈ পৰিছিল। নিৰাশ হৈ তেওঁৰ দেউতাকে সমাধান বিচাৰি ডেলফিৰ অৰেকলৰ (oracle of Delphi) পৰা পৰামৰ্শ লোৱাৰ সিদ্ধান্ত লৈছিল।
ইৰ’চৰ সৈতে বিবাহ
[সম্পাদনা কৰক]ৰজাই সমাধান বিচাৰি ডেলফিৰ অৰেকলৰ ওচৰলৈ গৈছিল। এপ’ল’ৱে অৰেকলৰ জৰিয়তে কৈছিল যে, "হতাশা ৰজা। আপোনাৰ ছোৱালীৰ বিয়া এটা জন্তুৰ সৈতে হ’ব যাক দেৱতাসকলেও ভয় কৰিব। তেওঁক অগ্নিকৰ্ম্ম কাপোৰ পিন্ধাওৱা আৰু তেওঁক ৰাজ্যৰ আটাইতকৈ ওখ শিলৰ শিখৰলৈ লৈ যোৱা। তাতে, তেওঁ তেওঁৰ ভাগ্য পাব৷” (“Despair, king. Your daughter will marry a beast even the gods fear. Dress her in funeral clothes and take her to the tallest rock spire in the kingdom. There, she shall meet her doom.") এই কথা শুনি ৰজাৰ মন ভাগি গৈছিল, যদিও তেওঁ ঈশ্বৰৰ আদেশ পালন কৰিছিল।
ছাইকীক শিলৰ শিখৰলৈ লৈ যোৱা হৈছিল আৰু তেওঁক তেওঁৰ ভাগ্যলৈ এৰি দিয়া হৈছিল। বহু অপেক্ষাৰ অন্ততো যেতিয়া জন্তুটো অহা নাছিল, তেতিয়া তেওঁ সেই শিখৰৰ পৰা জঁপিয়াই পৰিছিল। পশ্চিম বতাহৰ গ্ৰীক দেৱতা জেফাইৰচে তেওঁক মৃত্যুৰ পৰা ৰক্ষা কৰি ওপৰলৈ তুলি ইৰ’চৰ প্ৰাসাদলৈ লৈ গৈছিল। তাত তেওঁ বিশাল প্ৰাসাদৰ লগতে প্ৰতিটো আলমাৰী সোণেৰে ভৰি থকা দেখিছিল। ইৰ’চ যেতিয়া আহিছিল, তেওঁ সম্পূৰ্ণ অন্ধকাৰৰ পৰা ছাইকীক কৈছিল যে, তেওঁ তাক চাবলৈ চেষ্টা কৰিব নালাগে আৰু তেওঁ ছাইকীক তেওঁৰ নামো ক’ব নোৱাৰে নতুবা ই সকলো অনিষ্ট হ’ব। প্ৰাসাদত ছাইকীৰ জীৱনৰ প্ৰথম কেইটামান সপ্তাহ অতি সুখেৰে অতিবাহিত হৈছিল৷ তেওঁৰ ভগ্নীসকলে তেওঁৰ নাম মাতি থকা শুনিছিল। দুই ভনীয়েকে তেওঁক তেওঁৰ স্বামীৰ প্ৰকৃত ৰূপটো চাবলৈ সৈমান কৰাইছিল৷ য’ত তেওঁ ইৰ’চক প্ৰতাৰণা কৰা হৈছিল।
ছাইকীয়ে অৱশেষত তেওঁৰ ভগ্নীসকলৰ কথামতে এটা তেলৰ চাকি আৰু এখন চুৰি লৈ তেওঁৰ স্বামীৰ কোঠাত সোমাইছিল। ছাইকীয়ে তেওঁৰ স্বামীৰ ৰূপ চাওঁতে চাকিৰ গৰম তেলৰ এটা সৰু টোপাল তেওঁৰ কান্ধত পৰিছিল, তেওঁ জাগ্ৰত হৈছিল। পত্নীৰ বিশ্বাসঘাতকতাৰ পিছত ইৰ’চে তেওঁৰ মাক এফ্ৰোডাইটৰ ওচৰলৈ দৌৰি গৈছিল। ছাইকীয়ে পিছত তেওঁ কৰা কামৰ বাবে অনুশোচনাত ভোগে। এফ্ৰোডাইটিয়ে ছাইকীক বিচাৰি পাইছিল আৰু ছাইকীয়ে এফ্ৰোডাইটিৰ চাৰিটা পৰীক্ষণৰ সন্মুখীন হৈছিল।[3] প্ৰথম পৰীক্ষণটো আছিল- বীজৰ এটা বিশাল মাউণ্ট ক্ৰমবদ্ধ কৰা। ছাইকীয়ে সেই কামটো এক সহানুভূতিশীল পৰুৱাৰ সহায়ত সম্পূৰ্ণ কৰিছিল। দ্বিতীয় পৰীক্ষণটো আছিল- এটা কুখ্যাত বিপদজনক ভেড়াৰ পৰা ঊণ সংগ্ৰহ কৰা। ছাইকীক এই কামত নদীদেৱতাই সহায় কৰিছিল। যিয়ে তেওঁক জোপোহাৰ পৰা ঊণৰ টুকুৰা সংগ্ৰহ কৰিবলৈ শিকাইছিল। তেওঁৰ তৃতীয় পৰীক্ষণটো আছিল- নৰকৰ পৰা পানী সংগ্ৰহ কৰা। এইটো পৰীক্ষণত ছাইকীক জ্যুচৰ ঈগলে সহায় কৰিছিল। ছাইকীৰ অন্তিম পৰীক্ষণটো আটাইতকৈ কঠিন আছিল; তেওঁ এফ্ৰোডাইটিৰ বাবে পাৰ্চিফোনিৰ কিছু সৌন্দৰ্য ঘূৰাই অনা। পাৰ্চিফোনি স্বেচ্ছাই ছাইকীক তেওঁৰ কিছু সৌন্দৰ্য দিছিল। যেতিয়া তেওঁ অলিম্পাছৰ ওচৰলৈ আহি পাইছিল, ছাইকীয়ে পাৰ্চিফোনিৰ সৌন্দৰ্যৰ বাকচটো খুলিছিল, কিন্তু পাৰ্চিফোনিৰ সৌন্দৰ্যৰ বাকচটোৰ ভিতৰত কেৱল মৃত্যুৰ সাৰহে আছিল। অৱশেষত ছাইকীৰ মৃত্যু হয়, তেওঁৰ স্বামী ইৰ’চে তেওঁক ক্ষমা কৰি দি জীৱন ৰক্ষা কৰিছিল আৰু তেওঁক অলিম্পাছলৈ লৈ গৈছিল। ছাইকীক আত্মাৰ দেৱী হিচাপে ৰখা হয়। ছাইকী আৰু ইৰ’চৰ শাৰীৰিক মিলনৰ ফলত দেৱী হেড’নীৰ জন্ম হয়।
তথ্য সংগ্ৰহ
[সম্পাদনা কৰক]- ↑ The following summary is condensed from the translation of Kenney (Cambridge University Press, 1990), and the revised translation of W. Adlington by S. Gaseless for the Loeb Classical Library (Harvard University Press, 1915), with reference to the accompanying Latin text.
- ↑ "Oxford dictionary". Archived from the original on 2012-08-22. https://web.archive.org/web/20120822210314/http://oxforddictionaries.com/definition/english/psyche। আহৰণ কৰা হৈছে: 2022-02-07.
- ↑ "The Myth of Cupid and Psyche". N.S. GillThoughtCo. https://www.thoughtco.com/the-myth-of-cupid-and-psyche-117892। আহৰণ কৰা হৈছে: April 2, 2021.
লগতে পঢ়ক
[সম্পাদনা কৰক]- Benson, Geoffrey C. "Cupid and Psyche and the Illumination of the Unseen." In Re-Wiring The Ancient Novel, 2 Volume Set: Volume 1: Greek Novels, Volume 2: Roman Novels and Other Important Texts, edited by Cueva Edmund, Harrison Stephen, Mason Hugh, Owens William, and Schwartz Saundra, 85-116. Luxembourg: Barkhuis, 2018. www.jstor.org/stable/j.ctvggx289.30.
- Dowden, Ken. "Psyche on the Rock." Latomus 41, no. 2 (1982): 336-52. www.jstor.org/stable/41532497.
- Edwards, Lee R. "The Labors of Psyche: Toward a Theory of Female Heroism." Critical Inquiry 6, no. 1 (1979): 33-49. www.jstor.org/stable/1343084.
- GAGNÉ, LAURIE BRANDS. "Inanna, Demeter, and Psyche." In The Uses of Darkness: Women's Underworld Journeys, Ancient and Modern, 23-62. Notre Dame, Indiana: University of Notre Dame Press, 2000. www.jstor.org/stable/j.ctvpj7c20.5.
- Haskins, Susan L. "A Gendered Reading for the Character of Psyche in Apuleius' "Metamorphoses"." Mnemosyne, Fourth Series, 67, no. 2 (2014): 247-69. www.jstor.org/stable/24521701.
- Katz, Phyllis B. "THE MYTH OF PSYCHE: A DEFINITION OF THE NATURE OF THE FEMININE?" Arethusa 9, no. 1 (1976): 111-18. www.jstor.org/stable/26307539.
- MAKOWSKI, JOHN F. "PERSEPHONE, PSYCHE, AND THE MOTHER-MAIDEN ARCHETYPE." The Classical Outlook 62, no. 3 (1985): 73-78. www.jstor.org/stable/43934919.
- McCreight, Thomas. "Psyche’s Sisters as Medicae?: Allusions to Medicine in Cupid and Psyche." In Lectiones Scrupulosae: Essays on the Text and Interpretation of Apuleius' Metamorphoses in Honour of Maaike Zimmerman, edited by Keulen W.H., Nauta R.R., and Panayotakis S., 123-67. Barkhuis, 2006. www.jstor.org/stable/j.ctt13wwxg3.14.