জয়া আখটাৰ

অসমীয়া ৱিকিপিডিয়াৰ পৰা
Jump to navigation Jump to search
জয়া আখটাৰ

২০১২ চনত তালাশ ছবিৰ প্ৰচাৰৰ সময়ত জয়া আখটাৰ
জন্ম ১৮ অক্টোবৰ, ১৯৭২
মুম্বাই, মহাৰাষ্ট্ৰ, ভাৰত
পেচা পৰিচালক, চিত্ৰনাট্যকাৰ
সক্ৰিয় হৈ থকা সময় ১৯৯৯ চনৰ পৰা বৰ্তমানলৈ
আত্মীয়-স্বজন জাভেদ আখটাৰ (পিতৃ)
ফাৰহান আখটাৰ (ভাতৃ)
হানী ইৰাণী (মাতৃ)

জয়া আখটাৰ (জন্ম ১৪ অক্টোবৰ, ১৯৭২) এগৰাকী ভাৰতীয় চিনেমা পৰিচালক আৰু চিত্ৰনাট্যকাৰ। ২০০৯ চনত তেওঁ লাক বাই চাঞ্চ নামৰ ছবিখনৰ পৰিচালক হিচাপে আত্মপ্ৰকাশ কৰে।[1][2] চলচ্চিত্ৰখনে সমালোচকৰ আদৰ লাভ কৰিবলৈ সক্ষম হয়। ২০১১ চনত তেওঁ সমালোচক তথা ব্যৱসায়িকভাৱে সফল জিন্দেগী না মিলেগী দোবাৰা শীৰ্ষক চলচিত্ৰখন পৰিচালনা কৰে আৰু তাৰ বাবে শ্ৰেষ্ঠ পৰিচালকৰ ফিল্মফেয়াৰ বঁটা লাভ কৰিবলৈ সক্ষম হয়।

ব্যক্তিগত জীৱন[সম্পাদনা কৰক]

জয়া আখটাৰৰ জন্ম ১৯৭২ চনৰ ১৪ অক্টোবৰত, পিতৃ জাভেদ আখটাৰ আৰু মাতৃ হানী ইৰাণী। শ্বাবানা আজমী তেওঁৰ মাহীমাক। জয়া আখটাৰ ফাৰহান আখটাৰৰ ভগ্নী। মেনেকজী স্কুলত তেওঁ স্কুলীয়া শিক্ষা সাং কৰাৰ পিছত মুম্বাইৰ চেণ্ট জেভিয়াৰছ কলেজৰ পৰা কলা শাখাৰ স্নাতক ডিগ্ৰী লাভ কৰে। পাছলৈ তেওঁ চিনেমা সম্পৰ্কীয় শিক্ষাৰ বাবে নিউয়ৰ্ক য়ুনিভাৰ্ছিটী ফিম্ল স্কুলত যোগদান কৰে।

কেৰিয়াৰ[সম্পাদনা কৰক]

জয়া আখটাৰে পোনপ্ৰথমে প্ৰাইচ অৱ বুলেট শীৰ্ষক এটি গানৰ ভিডিঅ’ৰ পৰিচালক হিচাপে কাম কৰি তেওঁৰ কেৰিয়াৰৰ আৰম্ভণি ঘটাইছিল। দিল চাহতা হেই আৰু স্প্লিট ৱাইদ অপেন-ত তেওঁ কাষ্টিং ডিৰেক্টৰ হিচাপে, লক্ষ্য আৰু দিল চাহতা হেই-ত সহাকাৰী পৰিচালক হিচাপে তেওঁ কাম কৰিছিল। তাৰ পাছতে তেওঁ ৰীমা কাগতিৰ ছবি হনিমুন ট্ৰেভেলছ্ প্ৰাইভেট্ লিমিটেড-ৰ সহপ্ৰযোজনা কৰে।[3] তেওঁ পৰিচালক হিচাপে আত্মপ্ৰকাশ কৰা প্ৰথম চলচ্চিত্ৰখন হৈছে ২০০৯ চনত মুক্তি লাভ কৰা লাক বাই চাঞ্চ। ছবিখনে সমালোচকৰ আদৰ লাভ কৰিবলৈ সক্ষম হৈছিল যদিও বক্স অফিচত মুখ ঠেকেচা খায়। ২০১১ চনত তেওঁ ব্যৱসায়িকভাৱে যথেষ্ট সফল ছবি জিন্দেগী না মিলেগী দোবাৰা পৰিচালনা কৰে। ছবিখনে সমালোচকৰ পৰা ধনাত্মক মন্তব্য লাভ কৰাৰ উপৰিও জয়া আখটাৰে শ্ৰেষ্ঠ পৰিচালকৰ ফিল্মফেয়াৰ বঁটা লাভ কৰিবলৈও সক্ষম হয়। ২০১৩ চনত তেওঁ অনুৰাগ কাশ্যপ, দিবাকৰ বেনাৰ্জী আৰু কৰণ জোহৰৰ সৈতে লগ লাগি বম্বে টকীজ ছবিখন নিৰ্মাণ কৰে। এই ছবিখন ভাৰতীয় চিনেমাৰ শতবৰ্ষ উপলক্ষে নিৰ্মাণ কৰা হৈছিল।[4][5] ২০১৫ চনত তেওঁৰ পৰিচালিত আন এখন চিনেমা হৈছে দিল ঢড়কনে দো মুক্তি লাভ কৰে।

তথ্য সংগ্ৰহ[সম্পাদনা কৰক]

  1. "Zoya Akhtar". Outlook. 9 February 2009. http://www.outlookindia.com/article.aspx?239688। আহৰণ কৰা হৈছে: 28 March 2010. 
  2. "'I'm obsessed with people'". Rediff.com. 7 September 2009. http://movies.rediff.com/slide-show/2009/sep/07/slide-show-1-interview-with-zoya-akhtar.htm। আহৰণ কৰা হৈছে: 28 March 2010. 
  3. "Zoya Akhtar". Excel Entertainment. http://www.excelmovies.com/. 
  4. "Bollywood directors join hands to pay homage to Indian cinema". The Times of India. 7 May 2012. http://articles.timesofindia.indiatimes.com/2012-05-07/news-interviews/31599052_1_cinema-karan-johar-indian-films। আহৰণ কৰা হৈছে: 28 January 2012. 
  5. Dubey, Bharati (25 January 2012). "Film industry to mark Phalke centenary". The Times of India. http://articles.timesofindia.indiatimes.com/2013-01-25/news-interviews/36527754_1_film-industry-dadasaheb-phalke-indian-cinema। আহৰণ কৰা হৈছে: 28 January 2012.