তিলেশ্বৰী বৰুৱা
| তিলেশ্বৰী বৰুৱা | |
|---|---|
| জন্ম | ১৯৩০ নিজ বৰগাঁও,দৰং জিলা, অসম |
| মৃত্যু | ঢেকিয়াজুলি |
| ৰাষ্ট্ৰীয়তা | ভাৰতীয় |
| সংস্থা | অসম প্ৰদেশ কংগ্ৰেছ |
| ৰাজনৈতিক আন্দোলন | ভাৰতৰ স্বাধীনতা আন্দোলন |
তিলেশ্বৰী বৰুৱা (ইংৰাজী: Tileswari Baruah) ভাৰতৰ স্বাধীনতা আন্দোলনৰ এগৰাকী শ্বহীদ৷ ভাৰত ত্যাগ আন্দোলনত অংশগ্ৰহণ কৰি ঢেকিয়াজুলি থানাত পতাকা উত্তোলন কৰিবলৈ গৈ মৃত্যুক সাৱটি লৈছিল৷ ঢেকিয়াজুলি থানাত পতাকা উত্তোলন কৰিবলৈ যোৱা সমদলকাৰীক উদ্দেশ্যি কৰা পুলিচৰ গুলীচালনাত গুলীবিদ্ধ হৈ থিতাতে মৃত্যুমুখত পৰিছিল তিলেশ্বৰী বৰুৱা। উল্লেখযোগ্য যে একেদিনাই গহপুৰত মৃত্যুবৰণ কৰিছিল কনকলতা বৰুৱাই।[1] তিলেশ্বৰী বৰুৱাৰ জন্ম ১৯৩০ চনত৷ পিতৃৰ নাম ভৱকান্ত বৰুৱা৷ তেওঁৰ ঘৰ দৰং জিলাৰ বৰগাঁও মৌজাৰ নিজ বৰগাঁও নামে গাঁৱত৷ মৃত্যুৰ সময়ত তিলেশ্বৰী বৰুৱাৰ বয়স আছিল মাত্ৰ ১২ বা ১৩ বছৰ৷[2]
ভাৰতৰ স্বাধীনতা প্ৰাপ্তিৰ ৭৫ বছৰ পূৰ্ণ হোৱা উপলক্ষে স্বাধীনতা আন্দোলনৰ বীৰ-বীৰাংগনাসকলক স্মৰণ কৰাৰ বাবে ভাৰত চৰকাৰে হাতত লোৱা নানা প্ৰকল্পৰ ভিতৰত দেশৰ ২০ গৰাকী বীৰনাৰীৰ জীৱনী “অমৰ চিত্ৰ কথা’’ত চিত্ৰিত কৰে৷ তাৰ ভিতৰত অসমৰ তিলেশ্বৰী বৰুৱাৰো স্থান আছে৷[3]
তথ্য সূত্ৰ[সম্পাদনা কৰক]
- ↑ "দেশৰ স্বাধীনতাৰ হকে প্ৰাণ ত্যাগ কৰা অসমৰ কেইগৰাকীমান মহিলা". https://blog.mygov.in/%E0%A6%A6%E0%A7%87%E0%A6%B6%E0%A7%B0-%E0%A6%B8%E0%A7%8D%E0%A6%AC%E0%A6%BE%E0%A6%A7%E0%A7%80%E0%A6%A8%E0%A6%A4%E0%A6%BE%E0%A7%B0-%E0%A6%B9%E0%A6%95%E0%A7%87-%E0%A6%AA%E0%A7%8D%E0%A7%B0%E0%A6%BE/। আহৰণ কৰা হৈছে: 19 August 2023.
- ↑ কলিতা, ৰমেশচন্দ্ৰ (২০২০). স্বাধীনতা আন্দোলন আৰু অসম. অসম প্ৰকাশন পৰিষদ. পৃষ্ঠা. ১৭৮.
- ↑ "অসমৰ স্বাধীনতা যুঁজাৰু তিলেশ্বৰী বৰুৱা...". https://assam.news18.com/news/assam/union-government-released-book-on-20-freedom-fighter-including-assam-tileswari-baruah-tvpartha-hb-191785.htm। আহৰণ কৰা হৈছে: 19 August 2023.