নীলাফুটুকী জে

নীলাফুটুকী জে (Common Jay)
জীৱবৈজ্ঞানিক শ্ৰেণীবিভাজন
জগৎ/ৰাজ্য:	Animalia;
পৰ্ব:	Arthropoda;
শ্ৰেণী:	Insecta;
বৰ্গ:	Lepidoptera;
পৰিয়াল:	Papilionidae;
গণ:	Graphium;
প্ৰজাতি:	G. doson;
বৈজ্ঞানিক নাম
	Graphium doson; C&R Felder, 1864

নীলাফুটুকী জে (ইংৰাজী: Common Jay, বৈজ্ঞানিক নাম-Graphium doson) এটা ক’লা বৰণৰ ক্ৰান্তীয় চাতকনেজী (swallowtail) পখিলাৰ প্ৰজাতি৷ ইয়াৰ মতা আৰু মাইকী উভয়ে দেখিবলৈ একে হয়৷ ইয়াৰ মতা মাইকী উভয়ে দেখিবলৈ একে হয়৷

বিস্তৃতি[সম্পাদনা কৰক]

এই পখিলাবিধ সমগ্ৰ দক্ষিণ-পূব এছিয়াত বহুলভাৱে বিস্তৃত হৈ আছে৷ ভাৰতবৰ্ষত ইয়াক দক্ষিণ ভাৰত, পূব ভাৰত, পশ্চিমবংগ, অসম আৰু হিমালয়ৰ পাদদেশত দেখা যায়৷

বাসস্থান[সম্পাদনা কৰক]

নীলাফুটুকী জে পখিলা সাধাৰণতে সেমেকা, পৰ্ণপাতী, অৰ্ধ বৰ্ষাৰণ্য আৰু বৰ্ষাৰণ্য সমূহত দেখিবলৈ পোৱা যায়৷

আচৰণ[সম্পাদনা কৰক]

এই পখিলাবিধ সাধাৰণতে সমগ্ৰ দিনেই সক্ৰিয় হৈ থাকে৷ ই অনবৰতে উৰি ফুৰে আৰু একেঠাইতে কেতিয়াবাহে ৰয়৷ ইয়াৰ উৰাৰ ধৰণ পোন আৰু খৰ৷

জীৱনচক্ৰ[সম্পাদনা কৰক]

কণী[সম্পাদনা কৰক]

ইয়াৰ কণীৰ আকাৰ ঘুৰণীয়া, বৰণ শেঁতা হালধীয়া৷ ই সাধাৰণতে গছৰ পাতৰ তলৰ অংশত কণী পাৰে৷

পলু[সম্পাদনা কৰক]

ইয়াৰ পলু (caterpillar)ৰ আকাৰ spindle-shaped৷ পলু গাঢ় মটিয়া বা সেউজ বৰণীয়া হয়৷

লেটা[সম্পাদনা কৰক]

নীলাফুটুকী জেৰ লেটা (pupa)ৰ বৰণ শেঁতা সেউজীয়া আৰু মূৰৰ পৰা ইয়াৰ এডাল বেঙুনীয়া বৰণৰ এডাল আঁচ থকা দেখা যায়৷

খাদ্য[সম্পাদনা কৰক]

এই পখিলাবিধৰ পলুৱে সাধাৰণতে ‘Annonaceae’, ‘Lauraceae’, ‘Magnoliaceae’ আদি গোত্ৰৰ অন্তৰ্ভুক্ত বিভিন্ন উদ্ভিদ যেনে Annona lawii, Cinnamomum macrocarpum, Magnolia grandiflora, Michelia champaca, Milliusa tomentosum আৰু Polyalthia longifolia আদিৰ পাত খাই জীয়াই থাকে৷

তথ্যসুত্ৰ[সম্পাদনা কৰক]

Evans, W.H. (1932) The Identification of Indian Butterflies. (2nd Ed), Bombay Natural History Society, Mumbai, India
Kunte,Krushnamegh (2005) Butterflies of Peninsular India. Universities Press.
Wynter-Blyth, M.A. (1957) Butterflies of the Indian Region, Bombay Natural History Society, Mumbai, India.