পেৰামেচিয়াম

অসমীয়া ৱিকিপিডিয়াৰ পৰা


পেৰামেচিয়াম
Paramecium aurelia
জীৱবৈজ্ঞানিক শ্ৰেণীবিভাজন
ৰাজ্য: Eukaryota
জগৎ/ৰাজ্য: Chromalveolata
মহাপৰ্ব: Alveolata
পৰ্ব: Ciliophora
শ্ৰেণী: Oligohymenophorea
বৰ্গ: Peniculida
পৰিয়াল: Parameciidae
গণ: Paramecium
Müller, 1773

পেৰামেচিয়ামএবিধ এককোষী প্ৰাণী৷সাধাৰণতে পানীত বাস কৰা পেৰামেচিয়াম নিচেই ক্ষুদ্ৰ প্ৰাণী৷ইহঁতক খালী চকুৰে মণিব নোৱাৰি৷ধাৰণা কৰা মতে এইবিধ প্ৰাণী পৃথিৱীৰ আদিম জীৱবোৰৰ মাজৰে এবিধ৷পেৰামেচিয়ামৰ শৰীৰটো অসংখ্য নোমৰ দৰে বস্তুৰে আবৃত৷এইবোৰক চিলিয়া বুলি কোৱা হয়৷চিলিয়াৰ সহায়েৰে পেৰামেচিয়ামবোৰে লৰচৰ বা গতি কৰিব পাৰে৷পানীত থকা অতি ক্ষুদ্ৰ প্ৰাণী বা উদ্ভিদ নিজৰ দেহেৰে সামৰি লৈ পেৰামেচিয়ামে আহাৰ গ্ৰহণ কৰে৷প্ৰাপ্তবয়স্ক বা পূৰঠ অৱস্থাত পেৰামেচিয়ামৰ দেহটো দুভাগত বিভক্ত হৈ পৰে৷প্ৰত্যেক ভাগে দেহৰ একোটা অংশ আৱৰি লয় আৰু এটা জনক পেৰামেচিয়ামৰ পৰা দুটা সদ্যোজাত পেৰামেচিয়ামৰ সৃষ্টি হয়৷