প্ৰজ্ঞাসুন্দৰী দেৱী
| প্ৰজ্ঞাসুন্দৰী দেৱী | |
|---|---|
 প্ৰজ্ঞাসুন্দৰী দেৱী | |
| জন্ম | ১৮৮৪ চন |
| মৃত্যু | ১৯৫০ চন |
| ৰাষ্ট্ৰীয়তা | ভাৰতীয় |
| পেচা | লেখিকা আলোচনী সম্পাদক |
| ধৰ্ম | হিন্দু |
| দাম্পত্যসঙ্গী | লক্ষ্মীনাথ বেজবৰুৱা |
প্ৰজ্ঞাসুন্দৰী দেৱী (জন্ম ১৮৮৪ – মৃত্যু ১৯৫০) এগৰাকী ভাৰতীয় ৰন্ধন প্ৰণালী বিষয়ক গ্ৰন্থ লেখিকা আৰু আলোচনী সম্পাদক আছিল। ১৯০২ চনত প্ৰকাশিত তেওঁৰ আমিষ ও নিৰামিষ বঙালী সাহিত্যৰ এখন তাৎপৰ্যপূৰ্ণ ৰন্ধন প্ৰণালী বিষয়ক গ্ৰন্থ।[1][2] ১৮৯৭ চনৰ আৰম্ভণিৰ পৰা প্ৰজ্ঞাসুন্দৰীয়ে পূণ্য নামৰ এখন আলোচনী প্ৰকাশ কৰিছিল।[3]
প্ৰাৰম্ভিক জীৱন
[সম্পাদনা কৰক]প্ৰজ্ঞাসুন্দৰী দেৱী বিজ্ঞানী হেমেন্দ্ৰনাথ ঠাকুৰ তথা নীপময়ী/নৃপময়ী দেৱীৰ জীয়ৰী। তেওঁৰ ককাদেউতাক দেবেন্দ্ৰনাথ ঠাকুৰ আছিল এজন দাৰ্শনিক আৰু আজো-ককাদেউতাক দ্বাৰকানাথ ঠাকুৰ আছিল এজন উদ্যোগপতি। ন'বেল বঁটা বিজয়ী সাহিত্যিক তথা কবি ৰবীন্দ্ৰনাথ ঠাকুৰ আছিল তেওঁৰ খুৰাক।[4]
ব্যক্তিগত জীৱন
[সম্পাদনা কৰক]১৮৯১ চনত প্ৰজ্ঞাসুন্দৰী দেৱী ৰসৰাজ লক্ষ্মীনাথ বেজবৰুৱাৰ সৈতে বিবাহ পাশত আৱদ্ধ হয়। তেওঁলোক চাৰিগৰাকী সন্তানৰ পিতৃ-মাতৃ আছিল যদিও এজন বহু কম বয়সতে ঢুকায়। উল্লেখযোগ্য যে লক্ষ্মীনাথ বেজবৰুৱায়ে প্ৰজ্ঞাসুন্দৰী দেৱীক তেওঁৰ ৰন্ধন প্ৰণালীবোৰ কিতাপ আকাৰে প্ৰকাশ কৰিবলৈ উৎসাহিত কৰিছিল।[5] ১৯৫০ চনত প্ৰজ্ঞাসুন্দৰী দেৱীয়ে ইহলীলা সম্বৰণ কৰে।
লগতে চাওক
[সম্পাদনা কৰক]তথ্য সূত্ৰ
[সম্পাদনা কৰক]- ↑ Utsa Ray, Culinary Culture in Colonial India (Cambridge University Press 2015): 63.
- ↑ Pragyasundari Devi, Amish O Niramish Ahar (1902), via Archive.org
- ↑ Utsa Ray, "Aestheticizing Labour: An affective discourse of cooking in colonial Bengal" South Asian History and Culture 1(1)(January 2010): 60-70.
- ↑ Devapriya Roy, "Cooking with Pragyasundari: A woman of the Tagore household tells you how to make bhapa ilish" The Indian Express (October 8, 2017).
- ↑ Chitra Deb, Women of the Tagore Household (Penguin UK 2010)
