প্ৰেমনাৰায়ণ দত্ত

অসমীয়া ৱিকিপিডিয়াৰ পৰা
Jump to navigation Jump to search

প্ৰেমনাৰায়ণ দত্ত (১৮৯৯-১৯৬৫) এগৰাকী প্ৰসিদ্ধ অসমীয়া ৰহস্য সাহিত্যিক৷ তেওঁ প্ৰখ্যাত পা-ফু ছিৰিজৰ স্ৰষ্টা৷[1]

চমু জীৱনী[সম্পাদনা কৰক]

প্ৰেমনাৰায়ণ দত্তৰ জন্ম হৈছিল ১৮৯৯ চনৰ ২৮ ফেব্ৰুৱাৰীত বজালীৰ ৰতনপুৰ নামে ঠাইত৷[1] তেওঁ যোৰহাট নৰ্মাল স্কুলৰ পৰা শিক্ষা সমাপ্ত কৰি প্ৰাথমিক বিদ্যালয়ৰ শিক্ষক হিচাপে কৰ্মজীৱন আৰম্ভ কৰে৷ পৰৱৰ্তীসময়ত তেওঁ সেই চাকৰি ইস্তফা দি কিছুদিন কৃষিত আত্মনিয়োগ কৰে৷ ইয়াৰ পিছত সেয়া বাদ দি তেওঁ গুৱাহাটীৰ ফাঁচীবজাৰত থকা মাতৃ ভাণ্ডাৰত বিক্ৰেতাৰূপে সোমায়৷ পিছলৈ তেওঁ ’অৰিয়েনটেল ইঞ্চিঅ’ৰেঞ্চ কোম্পানী’ৰ এজেন্ট তথা হোমিঅ’পেথিক চিকিৎসক হিচাপেও কাৰ্য্যনিৰ্বাহ কৰে৷[1]

তেওঁ ’মাতৃ ভাণ্ডাৰ’ৰ স্বত্বাধিকাৰ নবীন চৌধুৰীৰ কন্যা ইন্দুবালা চৌধুৰীৰ সৈতে বিবাহপাশত আবদ্ধ হয়৷

সাহিত্যিক অৱদান[সম্পাদনা কৰক]

প্ৰেমনাৰায়ণ দত্তই সাহিত্য জগতত প্ৰবেশ কৰে ডিটেকটিভ লেখক ৰূপে৷ তেওঁ ’মণি মাণিক প্ৰকাশ’ নামেৰে এটা প্ৰকাশন গোষ্ঠী সৃষ্টি কৰি ২০ খনৰো অধিক ডিটেকটিভ গ্ৰন্থ প্ৰকাশ কৰিছিল৷ তেওঁ ৰচনা কৰা গ্ৰন্থসমূহৰ ভিতৰত উল্লেখযোগ্য হৈছে[1]-

  • দিন ডকাইত (পা-ফু চিৰিজৰ প্ৰথম গ্ৰন্থ)
  • মাধমাৰ
  • ৰামটাঙোন
  • নিয়তিৰ নিৰ্মালি
  • প্ৰণয়ৰ সুঁতি
  • প্ৰাণৰ পৰশ
  • মুক্তিৰ পথেদি

তথ্যউৎস[সম্পাদনা কৰক]

  1. 1.0 1.1 1.2 1.3 প্ৰমোদ বৰা (১৬ জুলাই, ২০১৭). ৰহস্য সাহিত্যিক প্ৰেমনাৰায়ণ দত্ত. প্ৰান্তিক. পৃষ্ঠা. ৩৪.