বাঁহ পূজা

অসমীয়া ৱিকিপিডিয়াৰ পৰা
Jump to navigation Jump to search
বাঁহ পূজা
বাঁহ পূজা
পালন কৰে অসমীয়া
প্ৰকাৰ ধৰ্মীয় উৎসৱ

বাঁহ পূজা অসমৰ অবিভক্ত গােৱালপাৰা জিলাৰ এটি উল্লেখযােগ্য লােকানুষ্ঠান হ’ল - বাঁহ পূজা। মদন চতুৰ্দশীৰ দিনা এই পূজা এই জিলাত অনুষ্ঠিত হয়। নাৰীৰ প্ৰৱেশ ৰুদ্ধ এই পূজাত বাঁহ এডালক সুসজ্জিত কৰি বাঁহৰ জন্মৰপৰা চিতা নির্মাণলৈকে সমস্ত কথাকে গীত আৰু নৃত্যৰ যােগেদি প্ৰকাশ কৰাটো বাঁহ পূজাৰ আকৰ্ষক দিশ। হাজং আৰু ৰাজবংশীসকলে বসন্ত কালত। উদযাপন কৰা বাঁহ পূজাত মদন আৰু গােপালৰ প্ৰতীকৰূপে তিনিডাল বাঁহ চাফ-চিকুণ কৰি লয়। [1] প্রথম ডালত বগা কাপােৰ, দ্বিতীয় ডালত ৰঙা কাপােৰ আৰু তৃতীয় ডালত জাকৈ, খালৈ আৰু এখন অর্ধভগ্ন নাঙল আঁৰি লােৱাটো মন কৰিবলগীয়া। প্রথম দুডাল বাঁহৰ শীর্ষস্থানত দুটা চোঁৱৰ বান্ধি ওচৰা-উচৰিকৈ পােতা হয়। তৃতীয় ডাল অলপ আঁতৰত সংস্থাপন কৰা নিয়ম। বাঁহ কেইডালৰ গুৰিত তিনিদিন জুৰি পূজা-অর্চনা চলে। ডেকা-বুঢ়া নির্বিশেষে বিভিন্ন বাদ্য বজাই গীত আৰু নৃত্যেৰে বাঁহ দেৱতাক তুষ্ট কৰাৰ প্রযত্ন চলায়। ড° ধীৰেন দাসে গােৱালপৰীয়া লােকসংস্কৃতি আৰু লােকগীতত গােৱালপৰীয়া বাঁহ পূজাৰ গীতক বহলভাৱে দুটা ভাগত ভগাইছে -বাঁহ পর্ব আৰু ভাং পর্ব। বাঁহ পর্ব উপবিভাগবােৰ হ’ল -বাঁহ সৃজন, চোৱৰ সৃজন, কাপােৰ সৃজন, মদনকামৰ বাঁশ আৰু বাঁহ খেলা। ভাং পর্বত শিৱ-পাৰ্বতীৰ কথা পােৱা যায়। যেনে—

  • বাইছখান ডেকিৰে তাৰ তেইসখান কুলা। ঠেকিয়া ঠুকিয়া নিল জটিয়া ভাংগেৰ গুৰা।[2]

গােৱালপাৰাৰ পশ্চিম অঞ্চলত মহা পয়ােভৰেৰে উদ্যাপিত বাঁহ পূজাক ড° ধীৰেন দাসে চাৰিটা উপবিভাগত শ্রেণীভুক্ত কৰিছে—মদন কাম, কামদেৱ, চাতালি বাঁশ আৰু অকাল বাঁহ। শ্রদ্ধেয় শিৱানন্দ শৰ্মাৰ দৃষ্টিত, মদনকাম পূজা প্রকৃততে লিংগ পূজা। স্থান। বিশেষে মুছলমানসকলেও এই পূজাত ভাগ লয়। তেতিয়া তাক মাদাৰ, মীদাৰবা দাকা পূজা কোৱা হয়। জনশ্রুতিমতে, জয়জয়তে এহাল নিঃসন্তান মুছলমান দম্পতিয়ে সভক্তিৰে এই পূজা কৰি সন্তানৰ মুখ দেখিছিল। বহু থানত মাদাৰ দেৱতাৰ প্রতীক ৰূপে এডাল বাঁহ পােতাটো তাৎপর্যপূর্ণ। উত্তৰ কামৰূপত প্রচলিত পাওৰা বা পাউৰা উৎসৱ, দহৰ ফুৰােৱা অথবা ভঠেলি অনুষ্ঠানকো বাঁহ পূজাৰেই প্ৰকাৰ ভেদ আখ্যা দিব পাৰি।[3]

তথ্য সংগ্ৰহ[সম্পাদনা কৰক]

  1. অসমৰ সংস্কৃিত কোষ, ডঃ নাৰাষণ দাস, পৰমানন্দ ৰাজবংশী, প্ৰাগজ্যোতিষ মহাবিদ্যালয়, দ্বিতীয় প্ৰকাশ, ২০১৪, পৃষ্ঠা-৪৫১
  2. অসমৰ সংস্কৃিত কোষ, পৃষ্ঠা-৪৫১
  3. অসমৰ সংস্কৃিত কোষ, পৃষ্ঠা-৪৫১