বি. সৰোজা দেৱী

অসমীয়া ৱিকিপিডিয়াৰ পৰা
নেভিগেশ্যনলৈ যাওক সন্ধানলৈ যাওক
বি. সৰোজা দেৱী

২০০৮ চনৰ ২ ছেপ্টেম্বৰত নতুন দিল্লীৰ ৫৪সংখ্যক ৰাষ্ট্ৰীয় চলচ্চিত্ৰ মহোৎসৱৰ অনুষ্ঠানত
জন্ম ৭ জানুৱাৰী, ১৯৩৮ (৮৩ বছৰ)
বেংগালুৰু, ভাৰত
ৰাষ্ট্ৰীয়তা ভাৰতীয়
পেচা অভিনেত্ৰী
সক্ৰিয় হৈ থকা সময় ১৯৫৫–বৰ্তমান
দাম্পত্যসঙ্গী শ্ৰী হৰ্ষা (১৯৬৭-১৯৮৬)
সন্তান
বঁটা, সন্মান, পুৰস্কাৰ আদি

ভাইৰাপ্পা সৰোজা দেৱীৰ (ইংৰাজী: Bhairappa Saroja Devi)[1] জনপ্ৰিয় নাম হৈছে বি. সৰোজা দেৱী (জন্ম:৭ জানুৱাৰী ১৯৩৮) হৈছে এগৰাকী ভাৰতীয় অভিনেত্ৰী, যিয়ে তামিল, তেলেগু, কানাড়া আৰু হিন্দী ভাষাৰ ছবিত অভিনয় কৰিছে৷ তেখেতে প্ৰায় দুইশতাধিক ছবিত যোৱা ছয় দশতকৈও অধিক কাল অভিনয় কৰিছে৷[2][3][4]

১৭ বছৰ বয়সত সৰোজা দেৱীয়ে কানাড়া ছবি মহাকৱি কালিদাসা (১৯৫৫)ত অভিনয় কৰি ছবি জগতত দীৰ্ঘস্থায়িত্বৰ ইংগিত দিয়ে৷ তেলেগু ছবিত, তেখেতে পাণ্ডুৰাংগা মহাত্যামৰ জৰিয়তে অভিষেক কৰে আৰু ১৯৭০ৰ দশকৰ অন্তিম সময়লৈকে তেখেতে বহুকেইখন তেলেগু ছবি উপহাৰ দিয়ে৷ ১৯৫৮ চনৰ তামিল ছবি নাদোডি মন্ননৰ জৰিয়তে তেখেত তামিল ভাষাৰ এগৰাকী শীৰ্ষস্থানীয় অভিনেত্ৰীৰ মৰ্যাদা লাভ কৰে৷ ১৯৬৭ চনত বৈবাহিক জীৱনৰ পাতনি মেলিও সৰোজা দেৱীয়ে ১৯৭৪ চনলৈকে দ্বিতীয়গৰাকী চাহিদাসম্পন্ন অভিনেত্ৰী হিচাপে কৰ্মৰত হৈ থাকে৷ ১৯৫৮ চনৰ পৰা ১৯৮০ৰ দশকলৈকে তেখেতে তেলেগু আৰু কানাড়া ছবিৰ জগতৰ শীৰ্ষত আৰোহণ কৰি থাকে৷ ১৯৫৯ চনত সৰোজা দেৱীয়ে হিন্দী ছবি পেয়গামত অভিনয় কৰে৷ তেখেতে ৭০ৰ দশকলৈকে হিন্দী ছবিত অভিনয় কৰে৷

ক্ৰমাগতভাৱে ১৬১ খন ছবিত বি. সৰোজা দেৱীয়ে মুখ্য অভিনেত্ৰী হিচাপে কাম কৰে৷[5] ১৯৫৫ চনৰ পৰা ১৯৮৪ চনলৈকে প্ৰায় ২৯ বছৰৰ সময়ত তেখেত এই অসাধাৰণ কৃতিত্বৰ অধিকাৰীনী হয়৷ ভাৰত চৰকাৰৰ পৰা ১৯৬৯ চনত সৰোজা দেৱীয়ে পদ্মশ্ৰী আৰু ১৯৯২ চনত পদ্মভূষণ সন্মান লাভ কৰে৷ ইয়াৰ লগতে তেখেতে বাংগালোৰ বিশ্ববিদ্যালয় আৰু কালাইমমাণিৰ পৰা সন্মানীয় ডক্তৰেট ডিগ্ৰী লাভ কৰে৷

প্ৰাৰম্ভিক জীৱন[সম্পাদনা কৰক]

১৯৩৮ চনৰ ৭ জানুৱাৰীত কৰ্ণাটকৰ মহীশূৰ প্ৰদেশত সৰোজা দেৱীৰ জন্ম হৈছিল৷[6] তেখেতৰ পিতৃ আছিল ভায়ৰাপ্পা, যিয়ে আৰক্ষী বাহিনীত কাম কৰিছিল৷ আনহাতে মাতৃ ৰুদ্ৰমা আছিল এগৰাকী গৃহিণী৷ সৰোজা তেওঁলোকৰ চতুৰ্থটি সন্তান আছিল৷ সৰোজাই পিতৃৰ পৰামৰ্শ অনুসৰণ কৰি নৃত্যৰ শিক্ষা গ্ৰহণ কৰে৷ আৰু তেখেতৰ কথা মতেই অভিনয়ক নিজৰ বৃত্তি হিচাপে নিৰ্বাচন কৰে৷ পিতৃৰ লগত তেখেত প্ৰায়েই ফিল্ম ষ্টুডিঅ'লৈ গৈছিল৷[7] মাতৃয়ে সৰোজাৰ বেশভূষাৰ বাবে এক নিৰ্দিষ্ট নিয়ম বান্ধি দিছিল৷ [8]১৩ বছৰ বয়সত বি.আৰ. কৃষ্ণমূৰ্তিয়ে এখনি অনুষ্ঠানত সৰোজাক গীত গাই থকা অৱস্থাত প্ৰত্যক্ষ কৰে৷ অৱশ্যে সৰোজাই সেই প্ৰস্তাৱ নাকচ কৰে৷[9]

কৰ্মজীৱন[সম্পাদনা কৰক]

১৯৫৫ চনত সৰোজা দেৱীয়ে প্ৰথমখন উল্লেখযোগ্য ছবিত অভিনয় কৰে৷ বহুলভাৱে সফলতা অৰ্জন কৰা এই অভিষেককাৰী ছবিখনৰ নাম আছিল মহাকৱি কালিদাসা৷ ছবিখনত তেখেতে সহকাৰী-অভিনেত্ৰী হিচাপে কাম কৰে৷ ছবিখনে কানাড়া ভাষাত শ্ৰেষ্ঠ ছবিৰ ৰাষ্ট্ৰীয় বঁটা লাভ কৰে৷[10]

৭০'ৰ দশকত সৰোজা দেৱী দক্ষিণ ভাৰতীয় নাৰীসমাজত এগৰাকী ফেছন আইকন হিচাপে জনপ্ৰিয় হৈ উঠে৷ বহুতেই তেখেতৰ বেশভূষা, কেশসজ্জা, আ-অলংকাৰ আদি অনুকৰণ কৰিবলৈ ধৰে৷ বিশেষকৈ ১৯৬৫ চনত মুক্তিপ্ৰাপ্ত ছবি এংগা ভিট্টু পিল্লাইত সৰোজাই পিন্ধা শাৰী আৰু অলঙ্কাৰ-পাতি আলোচনী-পত্ৰিকাৰ জৰিয়তে জনপ্ৰিয় হৈ উঠিছিল৷[11]

সুদীৰ্ঘ কেৰিয়াৰত সৰোজা দেৱীয়ে যদিও ৰোমাণ্টিকধৰ্মী চৰিত্ৰ ৰূপায়ণ কৰিছিল, পাছলৈ অৰ্থাৎ ৭০ আৰু আশীৰ দশকত তেখেতে আৱেগবিহ্বল আৰু সামাজিক ছবিক অগ্ৰাধিকাৰ দিয়ে৷

গুণমুগ্ধ আৰু ছবি-প্ৰযোজকসকলৰ পৰা উৎসাহ লাভ কৰি সৰোজা দেৱীয়ে ১৯৯৩ চনত শিৱাজী গণেশানৰ বিপৰীতে পৰমবৰিয়ম নামৰ ছবিখনত অভিনয় কৰে৷ ইয়াৰ পিছত কেইখনমান ছবিত তেখেতে সহকাৰী অভিনেত্ৰী হিচাপে কাম কৰে৷[12]

১৯৯৮ আৰু ২০০৫ চনত দুবাৰকৈ সৰোজা দেৱীয়ে ৰাষ্ট্ৰীয় চলচ্চিত্ৰ বঁটাৰ বিচাৰক হিচাপে নিজৰ দায়িত্ব পালন কৰে৷[13][14]

তেখেতৰ শেহতীয়া চলচ্চিত্ৰ-কৰ্ম হৈছে-নটস্বৰভাৱমা৷ ছবিখন ২০১৯ চনত মুক্তি হয়৷

২০০৮ চনত সৰোজা দেৱীক ভাৰত চৰকাৰে ৬০সংখ্যক স্বাধীনতা দিৱসৰ প্ৰাক্-ক্ষণত "জীৱনজোৰা সাধনাৰ বঁটা" প্ৰদান কৰে৷[15]

তথ্যসূত্ৰ[সম্পাদনা কৰক]

  1. "Sweet bird of southern cinema". Hindustan Times.com. https://m.hindustantimes.com/entertainment/the-sweet-bird-of-southern-cinema/story-Y7p6H1UiJWXM6NcxRsGbkI.html. 
  2. "Documentary on legendary Saroja Devi - Chitramala.com". 11 July 2011. http://www.chitramala.com/articles/saroja-devi-4189.html. 
  3. Aruna Chandaraju (30 June 2006). "Journey down a glorious lane". The Hindu. http://www.thehindu.com/todays-paper/tp-features/tp-fridayreview/journey-down-a-glorious-lane/article3218620.ece. 
  4. Taniya Talukdar (5 May 2013). "B Saroja Devi in the list of greatest Indian actresses ever". The Times of India. http://timesofindia.indiatimes.com/entertainment/kannada/movies/news/B-Saroja-Devi-in-the-list-of-greatest-Indianactresses-ever/articleshow/19895895.cms. 
  5. "Meet the Heroes of Malleshwaram". http://www.newindianexpress.com/cities/bengaluru/2016/jan/20/Meet-the-Heroes-of-Malleswaram-871077.html. 
  6. T.M. Ramachandran, ed (1964). Film World, Volume 1. পৃষ্ঠা. 145. https://books.google.com/books?id=nE2mwKYwdJ8C. 
  7. Pavithra Srinivasan. "Celebrating Saroja Devi: The Beginning". rediff.com. http://specials.rediff.com/movies/2008/jul/01slide2.htm. 
  8. Renuka Narayanan (5 September 2008). "The sweet bird of Southern cinema". Hindustan Times. http://www.hindustantimes.com/entertainment/the-sweet-bird-of-southern-cinema/story-Y7p6H1UiJWXM6NcxRsGbkI.html. 
  9. "B Saroja Devi in the list of greatest Indian actresses ever - Times of India". https://timesofindia.indiatimes.com/entertainment/kannada/movies/news/B-Saroja-Devi-in-the-list-of-greatest-Indianactresses-ever/articleshow/19895895.cms. 
  10. Pavithra Srinivasan. "Celebrating Saroja Devi: Foray into movies". rediff.com. http://specials.rediff.com/movies/2008/jul/01slide3.htm. 
  11. Pavithra Srinivasan. "Celebrating Saroja Devi: A style icon". rediff.com. http://specials.rediff.com/movies/2008/jul/01slide6.htm. 
  12. "Aadhavan is clean fun". rediff.com. 17 October 2009. http://movies.rediff.com/report/2009/oct/17/aadhavan-is-clean-fun.htm. 
  13. "Film awards: Saroja Devi to head jury". 29 July 2006. https://www.thehindu.com/todays-paper/tp-national/Film-awards-Saroja-Devi-to-head-jury/article15730138.ece. 
  14. 1998, National Film Awards Archives. 45th National Film Festival. pp. viii. http://dff.nic.in/images/Documents/72_45thNfacatalogue.pdf. 
  15. Pavithra Srinivasan. "Celebrating Saroja Devi". rediff.com. http://specials.rediff.com/movies/2008/jul/01slide1.htm. 

বাহ্যিক সংযোগ[সম্পাদনা কৰক]