ৰঙাফুটৰ ক'লীয়া পখিলা
| ৰঙাফুটৰ ক'লীয়া পখিলা (Spangle) | |
|---|---|
| |
| Female | |
| |
| Male | |
| জীৱবৈজ্ঞানিক শ্ৰেণীবিভাজন | |
| ৰাজ্য: | Animalia |
| পৰ্ব: | Arthropoda |
| শ্ৰেণী: | Insecta |
| বৰ্গ: | Lepidoptera |
| পৰিয়াল: | Papilionidae |
| গণ: | Papilio |
| প্ৰজাতি: | P. protenor |
| বৈজ্ঞানিক নাম | |
| Papilio protenor Cramer, 1775 | |
ৰঙাফুটৰ ক'লীয়া পখিলা ভাৰতত বহুলভাৱে বিস্তৃত হৈ থকা এবিধ চাতকনেজীয়া (Swallowtail butterfly) পখিলাৰ প্ৰজাতি৷
বিৱৰণ
[সম্পাদনা কৰক]
ৰঙাফুটৰ ক'লীয়া পখিলাৰ মতা পখিলাৰ বৰণ গাঢ় বেঙুনীয়া বা ক'লা৷ ইয়াৰ আগফালৰ পাখি (Fore wing)ত পথালিকৈ আঁচ কিছুমান থাকে৷ পিছফালৰ পাখি ( Hind wing)ত শেঁতা হালধীয়া বা বগা দাগ থাকে৷ পাখিৰ তলৰ ফালে বৰণ ধূসৰ ক'লা৷ ইয়াৰ এন্টিনা ক'লা আৰু মূৰ, থ'ৰাক্স আৰু পেট অংশৰ বৰণ গাঢ় মটিয়া ক'লা হোৱা দেখা যায়৷
মাইকী পখিলাজনী দেখাত মতা ৰঙাফুটৰ ক'লীয়া পখিলাৰ দৰেই৷ ইয়াৰ পাখিৰ ওপৰফালটোৰ বৰণ গাঢ় মটিয়া ক'লা৷ তলৰ অংশটো মতা পখিলাৰ পাখিৰ তলৰ অংশটোৰ দৰেই৷ কেৱল আগফালৰ পাখিৰ আঁচবোৰ মাইকীজনীৰ অধিক বহল আৰু শেঁতা বৰণীয়া হয়৷ ইয়াৰ এন্টিনাও ক'লা আৰু মূৰ, থ'ৰাক্স আৰু পেট অংশৰ বৰণ গাঢ় মটিয়া ক'লা .[1]
বিস্তৃতি
[সম্পাদনা কৰক]
ৰঙাফুটৰ ক'লীয়া পখিলা পাকিস্তান, জম্মু-কাশ্মীৰ,গড়ৱাল হিমালয়, ছিক্কিম, অসম, বাংলাদেশ, বাৰ্মা, চীন, উত্তৰ ভিয়েটনাম, লাওছ, টাইৱান, উত্তৰ কোৰিয়া, দক্ষিণ কোৰিয়া আৰু জাপান আদি দেশত বিস্তৃত হৈ আছে৷
জীৱন-চক্ৰ
[সম্পাদনা কৰক]ইয়াৰ পলুৰ বৰণ হালধীয়া-সেউজীয়া হয়৷ ই প্ৰধানকৈ ' Zanthoxylum alatum." নামৰ উদ্ভিদৰ অংশ খাই জীয়াই থাকে৷
ৰঙাফুটৰ ক'লীয়া পখিলাৰ লেটা সাধাৰণতে সেউজীয়া হোৱা দেখা যায়৷
স্থিতি
[সম্পাদনা কৰক]বৰ্তমানলৈকে ৰঙাফুটৰ ক'লীয়া পখিলা বিপদমুক্ত হৈ আছে [2]
তথ্যসূত্ৰ
[সম্পাদনা কৰক]- ↑ Bingham, C. T. (1905) Fauna of British India. Butterflies. Volume 1
- ↑ Collins, N.M. & Morris, M.G. (1985) Threatened Swallowtail Butterflies of the World. IUCN. ISBN 2-88032-603-6