ৰবীন বৰ

অসমীয়া ৱিকিপিডিয়াৰ পৰা
Jump to navigation Jump to search

'ৰবীন বৰ' (ইংৰাজী: Rabin Bar)অসমৰ গুৱাহাটীৰ এগৰাকী চিত্ৰশিল্পী৷ ২০০৮ চনত ৰবীন বৰে 'জি টিভি' ৰ 'চাব্বাছ ইণ্ডিয়া' শীৰ্ষক অনুষ্ঠানটোত অংশ লৈ এক মিনিটত ৫০ খন ছবি আঁকি এক অভিলেখ স্থাপন কৰে৷ এওঁ আনকি সোঁহাত,বাঁওহাত,ভৰি আৰু মুখেৰে দুৰন্ত গতিত ছবি আঁকিব পাৰে৷ তেওঁ একেলগে একে সময়তে দুয়োখন হাত আৰু ভৰিৰে তিনিখন বেলেগ বেলেগ ছবি আঁকিব পাৰে৷ দুয়োটা চকুত কাপোৰ বান্ধি প'ট্ৰেৰ্ইট আঁকে৷ তাৰোপৰি তুলিকা ব্যৱহাৰ নকৰাকৈ কেৱল আঙুলিৰ তিনি বা পাঁচ মিনিটত তৈলচিত্ৰ অংকন কৰে৷ কেনভাছ স্পৰ্শ নকৰাকৈ ৰঙীন পাউডাৰ,ফাকুগুৰি মুখেৰে ফুৱাই কেনভাছত এবষ্ট্ৰেক্ট আৰ্ট সৃষ্টি কৰে৷[1]

মিৰাক'লাছ ড্ৰয়িং শ্ব[সম্পাদনা কৰক]

ৰবীন বৰে তেওঁৰ কেইজনমান ছাত্ৰ-ছাত্ৰী আৰু সহযোগী শিল্পীৰে অসম আৰু অন্যান্য ৰাজ্যৰ মঞ্চত চিত্ৰশিল্পৰ অনুষ্ঠান পৰিবেশন কৰিছিল৷ এই অনুষ্ঠানৰ নামাকৰণ কৰা হৈছে "মিৰাক'লাছ ড্ৰয়িং শ্ব"৷ এনে অনুষ্ঠানত তেওঁ ঘণ্টাত ১০০ ৰ পৰা ১২০ খন চিত্ৰ অংকন কৰি দেখুৱাইছিল৷[2]

অন্যান্য দক্ষতা[সম্পাদনা কৰক]

ৰবীন বৰে কলম -পেঞ্চিল কাগজৰপৰা এবাৰো নোতোলাকৈ একেপাকতে একোখন ছবি আঁকিব পাৰে৷ এটা চাউল বা দাইলত আঁকিব পাৰে এখন সম্পূৰ্ণ ছবি৷ তিনি মিনিটত পানী ৰঙৰ চিত্ৰ অংকন আন এটা উল্লেখনীয় দিশ৷ লগতে যিকোনো ব্যক্তিয়ে কৰি দিয়া অৰ্থহীন আঁক-বাক তেওঁ অৰ্থপূৰ্ণ চিত্ৰলৈ পৰিবৰ্তন কৰিব পাৰে৷ তাৰোপৰি অসমীয়া,হিন্দী,বাংলাৰ যিকোনো এটা কবিতাৰ পংক্তি শুনি তাৰ লগত মিলাই অৰ্থৱহভাৱে তেওঁ এঘণ্টা পৰ্যন্ত কবিতা গাই যাব পাৰে৷[3]

বৰ্তমান অসমৰ বিভিন্ন ঠাইত তেওঁৰ প্ৰশিক্ষণ কেন্দ্ৰ আছে৷ তেওঁ চিত্ৰৰ বাদেও ক্ৰাফট মাটি,ছিমেণ্ট আদিৰ ভাস্কৰ্য কৰে৷

তথ্য সংগ্ৰহ[সম্পাদনা কৰক]

  • জ্ঞানাঞ্জন প্ৰান্তিক খণ্ড ২০১২ (১৬ - ৩১ অক্টোবৰ ) ৩১শ বছৰ ( ২২শ সংখ্যা ) ৩৯