ৰাগিনী ত্ৰিবেদী
 | এই প্ৰবন্ধটোৰ সত্যাপনযোগ্যতা প্ৰমাণ কৰিবলৈ অধিক তথ্য-উৎসৰ প্ৰয়োজন। অনুগ্ৰহ কৰি বিশ্বাসযোগ্য উৎসৰ উল্লেখ কৰি প্ৰবন্ধটো উন্নত কৰাত সহায় কৰক। কিয়নো তথ্যৰ উৎসৰ উল্লেখ নকৰা প্ৰবন্ধক লৈ প্ৰশ্ন উঠিব পাৰে। অনুগ্ৰহ কৰি আলোচনা পৃষ্ঠাতো এই সম্পৰ্কীয় কিবা তথ্যৰ বাবে চক ফুৰাব।
অধিক সহায়ৰ বাবে কাষৰ "[দেখুৱাওক]" লিংকটোত ক্লিক কৰক।
উদ্ধৃতিৰ প্ৰয়োজনীয়তা এইবাবেই যে ৱিকিপিডিয়াত ব্যক্তিগত গৱেষণালব্ধ তথ্য গ্ৰহণযোগ্য নহয়, যদিহে ই কোনো নিৰ্ভৰযোগ্য উৎসৰ পৰা আহৰণ কৰা নহয়। মনত ৰাখিব যে ভুল তথ্যৰ বাবে পঢ়ুৱৈৰ ক্ষতিসাধন হ'ব পাৰে। তথাপিতো অসমীয়া ৱিকিপিডিয়া সৰু বাবে অনেক ক্ষেত্ৰত ঢিলাই দিয়া হয় বা কেতিয়াবা কেতিয়াবা দায়িত্বশীল সম্পাদকসকলৰ চকুৰ পৰা সাৰি যায় - তেতিয়া আপুনিয়েই প্ৰথম শাৰীত {{Reimprove}} বা {{Verify}} বুলি লিখি দিয়ে যেন। আনহাতে (অফলাইন) আলোচনীৰ বা বাতৰি কাকতৰ পৰা সহায় লৈ লিখা এটা প্ৰবন্ধৰ উত্সৰ সত্যতা নিৰূপন কৰিবৰ বাবে গৰিষ্ঠ সংখ্যক পাঠকৰ উপায় নাথাকে। তদুপৰি এই প্ৰক্ৰিয়াৰে কিছুমান দুষ্টলোকে ভুল ৰেফাৰেঞ্চৰেও পাঠকক দিগভ্ৰান্ত কৰি তুলিব পাৰে। অনলাইন উত্সৰ পৰা উদ্ধৃতিবোৰ দিলে এনে অসুবিধা নহয়। তেনে ক্ষেত্ৰত কোনোবাই আপত্তি কৰিলেও সত্যতা নিৰূপন কৰিবলৈ একো অসুবিধা নহয়। উল্লেখযোগ্য যে ব্যক্তিগত ব্লগৰ পৰা ৱিকিত উদ্ধৃতি দিয়া নিষেধ। |
| ৰাগিনী ত্ৰিবেদী | |
|---|---|
 ২০১২ চনত ৰাগিনী ত্ৰিবেদী | |
| প্ৰাথমিক তথ্য | |
| জন্মৰ নাম | ৰাগিনী মিশ্ৰ |
| জন্ম | ২২ মাৰ্চ, ১৯৬০ (৬৪ বছৰ) কানপুৰ, ভাৰত |
| সংগীতৰ প্ৰকাৰ | ভাৰতীয় শাস্ত্ৰীয় সংগীত |
| পেচা | বিদ্যায়তনিক, সংগীতশিল্পী, লেখিকা, গীতিকাৰ |
| বাদ্যযন্ত্ৰ | বিচিত্ৰ বীণা, চিতাৰ, জল তৰংগ |
ৰাগিনী ত্ৰিবেদী (ইংৰাজী: Ragini Trivedi; জন্ম: ২২ মাৰ্চ ১৯৬০) হৈছে ভাৰতৰ এগৰাকী ধ্ৰুপদী সংগীতশিল্পী। তেখেতে বিচিত্ৰ বীণা, চিতাৰ আৰু জল তৰংগ পৰিৱেশন কৰে। তেখেত মিশ্ৰবাণীৰ এগৰাকী অগ্ৰণী আৰু ওম স্বৰলিপি নামৰ ডিজিটেল স্বৰলিপি প্ৰণালীৰ উদ্ভাৱক।[1]
সংক্ষিপ্ত জীৱন
[সম্পাদনা কৰক]ৰাগিনী ত্ৰিবেদীৰ জন্ম হৈছিল ভাৰতৰ কানপুৰত। তেখেতৰ পিতৃ লালমণি মিশ্ৰ এগৰাকী প্ৰখ্যাত সংগীতশিল্পী। ১৯৬৯ চনত পিতৃয়ে ফিলাডেলফিয়াৰ পেন ইউনিভাৰ্ছিটিৰ অধীনস্থ দক্ষিণ-ভাৰতীয় সংগীত শিক্ষা বিভাগত এগৰাকী অনাৱাসিক অধ্যাপক হিচাপে কৰ্মৰত আছিল। ফিলাডেলফিলায়ত সংগীতৰ শিক্ষা গ্ৰহণ কৰা একাংশ শিক্ষাৰ্থী পৰৱৰ্তী সময়ত তেখেতৰ লগতে বেনাৰসৰ বিশ্ববিদ্যালয়লৈও আহিছিল। পিতৃয়ে দেশ-বিদেশৰ প্ৰায় ডেৰশখন চহৰ আৰু নগৰ পৰিভ্ৰমণ কৰিছে। তেখেতৰ নিজাকৈ এখন সংগীত বিদ্যালয়ো স্থাপন কৰিছিল। ৰাগিনী জন্মৰ আগতে তেখেতে বেনাৰস হিন্দু বিশ্ববিদ্যালয়ৰ বাদ্যযন্ত্ৰী বিভাগৰ মুৰব্বী হিচাপে কৰ্মৰত আছিল। ৰাগিনীক সংগীতৰ লগত পৰিচয় কৰাই দিয়াৰ ক্ষেত্ৰত মাতৃ পদ্মাই আগভাগ লৈছিল। ভ্ৰাতৃ গোপাল শংকৰো সংগীতৰ প্ৰতি আকৃষ্ট হৈছিল। বাৰাণসীত থাকোঁতে, তেওঁলোকৰ পৰিয়ালটো ৰেৱা কোথীৰ দ্বিতীয় মহলাত আছিল। সেইটো আবাসস্থলীৰে তলৰ মহলাত কণ্ঠশিল্পী ওমকাৰনাথ ঠাকুৰেও বাস কৰিছিল। ১৯৭৭ চনৰ ৯ এপ্ৰিলত মাতৃ পদ্মাৰ দেহাৱসান ঘটে। তাৰ ঠিক দুবছৰৰ পাছতে, ১৯৭৯ চনৰ ১৭ জুলাইত পিতৃৰ দেহাৱসান ঘটে। ৰাগিনী আৰু তেখেতৰ ভ্ৰাতৃ গোপালে সংগীতৰ সাধনা আৰু অভ্যাসৰ জৰিয়তে নিজকে পৰিপক্ব কৰিছিল। ১৯৮০ চনত ৰাগিনীয়ে বেনাৰস হিন্দু বিশ্ববিদ্যালয়ৰ পৰা এম. মিউছত সোণৰ পদক অৰ্জন কৰে। ১৯৮৩ চনত তেখেতে কে.চি. গেংগৰেডৰ অধীনত ডি.মিউছৰ শিক্ষা সমাপন কৰে। কিছু সময়ৰ বাবে তেখেতে বেনাৰস হিন্দু বিশ্ববিদ্যালয়ত শিক্ষকতা কৰে আৰু পৰৱৰ্তী সময়ত ৰাগিনীয়ে হৌশংগাবাদ, ৰেৱা আৰু ইন্দোৰৰ চৰকাৰী শিক্ষানুষ্ঠানত চিতাৰ শিকায়। উল্লেখনীয় যে, ৰাগিনী আৰু তেখেৰ ভ্ৰাতৃ গোপাল শংকৰ মিশ্ৰই পিতৃ-মাতৃৰ লগত ফিলাডেলফিয়াত এবছৰ থাকিছিল। ফিলাডেলফিয়াত শিক্ষাগ্ৰহণৰ কালছোৱাত ৰাগিনীয়ে পিয়ানো শিকে আৰু কম সময়ৰ ভিতৰতে পৰিপক্বতা অৰ্জন কৰে।[1]
ৰাগিনী ত্ৰিবেদীয়ে পোনপ্ৰথমে ৰেডিঅ'ৰ যুৱ বাণী অনুষ্ঠানত জল তৰংগ পৰিৱেশন কৰিছিল। অৱশ্যে তেখেতে পোনপ্ৰথমে মঞ্চত পৰিৱেশন কৰা বাদ্যবিধ আছিল চিতাৰ। ১৯৮২ চনত তেখেতে ভূপালৰ আৰম্ভ মহোৎসৱত পৰিৱেশন কৰে। পৰৱৰ্তী সময়ত তেখেতে মধূকলিত ১৯৮৬ আৰু ১৯৯৪ চনত চিতাৰ পৰিৱেশন কৰিছিল। ২০০৬ চনৰ ডিচেম্বৰ মাহত তেখেতে প্ৰথমা মহোৎসৱত জল তৰংগ পৰিৱেশন কৰে। মধূকলিৰ লগত সহ-উদ্যোগত ভাৰত ভৱনে তেখেতক ২০১৩ চনৰ জানুৱাৰী মাহত বিচিত্ৰ বীণা ৰিচাইটেল অনুষ্ঠানলৈ আমন্ত্ৰিত কৰে। ২০১৩ চনৰ ছেপ্টেম্বৰ মাহত তেখেতে ডা০ মল্লিকাৰ্জুন মনচুৰ স্মাৰক মহোৎসৱত পৰিৱেশন কৰে।
প্ৰকাশিত গ্ৰন্থপুঞ্জী
[সম্পাদনা কৰক]- Raga Vibodh: Misrabani. Hindi Madhyam Karyanvaya Nideshalaya: Delhi. ২০১০
- Sitar Compositions in Ome Swarlipi. আই.এচ.বি.এন. 978-0557705962. ২০১১
- Raga Vibodh: Misrabani Vol. 2. Hindi Madhyam Karyanvaya Nideshalaya: দিল্লী ২০১৩
তথ্যসূত্ৰ
[সম্পাদনা কৰক]- ↑ 1.0 1.1 "INTRODUCTION". https://raginitrivedi.com/। আহৰণ কৰা হৈছে: 6 March 2021.