ৰাষ্ট্ৰীয় জনতা দল

ৰাষ্ট্ৰীয় জনতা দল (ইংৰাজী: Rashtriya Janata Dal) চমুকৈ আৰজেডি হৈছে ভাৰতীয় ৰাজনৈতিক দল। এই দলটো ভাৰতৰ বিহাৰ আৰু ঝাৰখণ্ড ৰাজ্যত অৱস্থিত। ১৯৯৭ চনত লালু প্ৰসাদ যাদৱে ৰাষ্ট্ৰীয় জনতা দলৰ প্ৰতিষ্ঠা কৰিছিল।

ইতিহাস

১৯৯৭ চনৰ ৫ জুলাই তাৰিখে লালু প্ৰসাদ যাদৱ, ৰঘুবংশ প্ৰসাদ সিং, মহম্মদ চাহাবুদ্দিন, আব্দুল বাৰি ছিদ্দিকী, কান্তি সিং, মহম্মদ তাছলিমুদ্দিনৰ লগতে সোতৰজন লোকসভা সাংসদ আৰু আঠজন ৰাজ্যসভাৰ সাংসদৰ লগতে নতুন দিল্লীত সমৰ্থকসকলে নতুন ৰাজনৈতিক দল গঠন কৰে। ৰাষ্ট্ৰীয় জনতা দলটো জনতা দলৰ বিচ্ছেদ হিচাপে গঠন হৈছিল। লালু প্ৰসাদ আৰজেডিৰ প্ৰথম সভাপতি হিচাপে নিৰ্বাচিত হয়। ই বাওঁপন্থী চিন্তাধাৰাৰ ৰাজনৈতিক দল।

১৯৯৮ চনৰ মাৰ্চ মাহৰ ৰাষ্ট্ৰীয় নিৰ্বাচনত আৰজেডিয়ে ১৭খন লোকসভাৰ আসন লাভ কৰিছিল যদিও আন কোনো ৰাজ্যত বিশেষ অগ্ৰগতি লাভ কৰিবলৈ সক্ষম হোৱা নাছিল। সেই বছৰৰ শেষৰ ফালে ভাৰতীয় জনতা পাৰ্টিৰ বিৰোধী, ধৰ্মনিৰপেক্ষ মিত্ৰজোঁট হিচাপে মুলায়ম সিং যাদৱৰ সমাজবাদী পাৰ্টিৰ সৈতে দলটোৱে মিত্ৰতা কৰে যদিও মিত্ৰজোঁটে কোনো ধৰণৰ ব্যাপক সমৰ্থন লাভ কৰাত ব্যৰ্থ হয়।

মুখ্যমন্ত্ৰীৰ তালিকা

মুখ্যমন্ত্ৰীসকল

নম্বৰ	বিধানসভা সমষ্টিৰ নাম	কাৰ্যকাল		কাৰ্যকালৰ দৈৰ্ঘ্য	ৰাজনৈতিক দল	বিধানসভা নিৰ্বাচন	উদ্ধৃতি
১	লালু প্ৰসাদ যাদৱ	10 March 1990	28 March 1995	&.৫ বছৰ, &.১৮ দিন	জনতা দল	দশম বিধানসভা
২	লালু প্ৰসাদ যাদৱ	4 April 1995	25 July 1997	&.২ বছৰ, &.১১২ দিন	জনতা দল	একাদশ বিধানসভা
৩	ৰাবড়ি দেবী	25 July 1997	11 February 1999	&.১ বছৰ, &.২০১ দিন	ৰাষ্ট্ৰীয় জনতা দল	একাদশ বিধানসভা
৪	ৰাবড়ি দেবী	9 March 1999	2 March 2000	&.০ বছৰ, &.৩৫৯ দিন	ৰাষ্ট্ৰীয় জনতা দল	একাদশ বিধানসভা
৫	ৰাবড়ি দেবী	11 March 2000	6 March 2005	&.৪ বছৰ, &.৩৬০ দিন	ৰাষ্ট্ৰীয় জনতা দল	দ্বাদশ বিধানসভা

উপ মুখ্যমন্ত্ৰী

No.	Name Constituency	Term of office		Tenure length	Party	Assembly (Election)	Ref
1.	Tejashwi Yadav	26 November 2015	26 July 2017	&.১ বছৰ, &.২৪৪ দিন	RJD	17th Bihar Assembly
2.	Tejashwi Yadav	10 August 2022	Incumbent	&.২ বছৰ, &.১০৩ দিন	RJD	18th Bihar Assembly

বিশিষ্ট সদস্যসকল

• ৰঘুবংশ প্ৰসাদ সিং - লালু প্ৰসাদ যাদৱৰ ঘনিষ্ঠ সহায়ক, আৰজেডিৰ সহ-প্ৰতিষ্ঠাপক আৰু কেন্দ্ৰীয় গ্ৰাম্য উন্নয়ন মন্ত্ৰী।
• ৰঘুনাথ ঝা - লালু প্ৰসাদ যাদৱৰ ঘনিষ্ঠ সহায়ক, আৰজেডিৰ সহ-প্ৰতিষ্ঠাপক আৰু কেন্দ্ৰীয় মন্ত্ৰী। বিহাৰত লালু ৰাজ আৰম্ভ কৰাৰ বাবে বাটকটীয়া।
• আব্দুল বাৰী ছিদ্দিকী- লালু প্ৰসাদ যাদৱৰ ঘনিষ্ঠ সহযোগী। আৰজেডিৰ বিহাৰৰ ৰাজ্যিক সভাপতি।
• আলোক কুমাৰ মেহতা - ৰাষ্ট্ৰীয় জনতা দলৰ ৰাষ্ট্ৰীয় সাধাৰণ সম্পাদক।
• মহম্মদ চাহাবুদ্দিন - তেওঁ বিহাৰ ৰাজ্যৰ চিৱান সমষ্টিৰ এজন প্ৰাক্তন সংসদৰ সদস্য, প্ৰাক্তন ৰাষ্ট্ৰীয় উপ-সভাপতি আৰু আৰজেডিৰ ৰাষ্ট্ৰীয় কাৰ্যনিৰ্বাহক সমিতিৰ প্ৰাক্তন সদস্য।
• প্ৰেম কুমাৰ মণি, আৰজেডিৰ উপ-সভাপতি আৰু কৌশলবিদ।
• জগদা নন্দ সিং, বিহাৰৰ বাবে আৰজেডিৰ ৰাজ্যিক সভাপতি।
• ড° তনৱীৰ হাছান, জ্যেষ্ঠ উপ-সভাপতি RJD বিহাৰ, প্ৰাক্তন সদস্য বিহাৰ বিধান পৰিষদ।
• বিধানসভাৰ প্ৰাক্তন সদস্য শিৱচন্দ্ৰ ৰাম।
• ৰাম চন্দ্ৰ পূৰৱে - বিহাৰ বিধান পৰিষদৰ সদস্য, আৰজেডিৰ প্ৰাক্তন ৰাজ্যিক সভাপতি।
• জয় প্ৰকাশ নাৰায়ণ যাদৱ - আৰজেডিৰ সাধাৰণ সম্পাদক, বিহাৰ চৰকাৰৰ প্ৰাক্তন কেবিনেট মন্ত্ৰী, প্ৰাক্তন কেন্দ্ৰীয় মন্ত্ৰী, সাংসদ।
• ছৰফৰাজ আলম - বিহাৰ চৰকাৰৰ প্ৰাক্তন মন্ত্ৰী, আৰাৰিয়াৰ প্ৰাক্তন সাংসদ।
• মনোজ ঝা - ৰাজ্যসভাৰ সাংসদ আৰু আৰজেডিৰ ৰাষ্ট্ৰীয় মুখপাত্ৰ।
• প্ৰেম চান্দ গুপ্ত - ৰাজ্যসভাৰ সাংসদ আৰু মনমোহন সিং ৰ প্ৰথম কাৰ্যকালত ভাৰতৰ কোম্পানী পৰিক্ৰমা মন্ত্ৰালয়ৰ প্ৰাক্তন কেবিনেট মন্ত্ৰী।
• আহমদ আছফাক কৰিম - ৰাজ্যসভাৰ সাংসদ।
• সুৰেন্দ্ৰ প্ৰসাদ যাদৱ - জ্যেষ্ঠ আৰজেডি নেতা আৰু বিহাৰ বিধানসভাৰ অন্তৰ্গত বেলাগাঞ্জ বিধানসভা সমষ্টিৰ পৰা বিধায়ক। ৰাজহুৱা হিচাপৰক্ষণ সমিতিৰ অধ্যক্ষ।