জগদীশ মুখী
জগদীশ মুখী | |
|---|---|
 | |
| অসমৰ ৰাজ্যপাল | |
| কাৰ্যকাল ৩০ ছেপ্টেম্বৰ ২০১৭ – ২০ ফেব্ৰুৱাৰী ২০২৩ | |
| পূৰ্বসূৰী | বানৱাৰীলাল পুৰোহিত |
| উত্তৰসূৰী | গুলাব চান্দ কাটাৰিয়া |
| আন্দামান আৰু নিকোবৰ দ্বীপপুঞ্জৰ উপ-ৰাজ্যপাল | |
| কাৰ্যকাল আগষ্ট ২০১৬ – ছেপ্টেম্বৰ ২০১৭ | |
| পূৰ্বসূৰী | এ. কে. সিং |
| উত্তৰসূৰী | দেৱেন্দ্ৰ কুমাৰ যোশী |
| ব্যক্তিগত তথ্য | |
| জন্ম | জগদীশ মুখী ১ ডিচেম্বৰ, ১৯৪২ (৮১ বছৰ) দ্বাজল, ডেৰা গাজি খান, পঞ্জাব, ব্ৰিটিছ ভাৰত (বৰ্তমান পঞ্জাব, পাকিস্তান) |
| ৰাষ্ট্ৰীয়তা | ভাৰতীয় |
| শিক্ষা | পিএইছডি (বিত্ত) |
| শিক্ষানুষ্ঠান | কুৰুক্ষেত্ৰ বিশ্ববিদ্যালয় দিল্লী বিশ্ববিদ্যালয় |
জগদীশ মুখী (ইংৰাজী: Jagdish Mukhi) এজন ভাৰতীয় ৰাজনীতিবিদ আৰু অসমৰ ২৮তম ৰাজ্যপাল।[1][2] তেওঁ ভাৰতীয় জনতা পাৰ্টি আৰু ৰাষ্ট্ৰীয় স্বয়ংসেৱক সংঘৰ সদস্য। অসমৰ ৰাজ্যপাল নিযুক্ত হোৱাৰ আগতে তেওঁ আন্দামান আৰু নিকোবৰ দ্বীপপুঞ্জৰ উপ-ৰাজ্যপাল হিচাপে কৰ্মৰত আছিল। ইয়াৰ আগতে তেওঁ দিল্লী চৰকাৰৰ বিত্ত, পৰিকল্পনা, অৱকাৰী আৰু কৰ আৰু উচ্চ শিক্ষা মন্ত্ৰী হিচাপে সেৱা আগবঢ়াইছিল।
প্ৰাৰম্ভিক জীৱন
[সম্পাদনা কৰক]১৯৪২ চনৰ ১ ডিচেম্বৰ তাৰিখে দ্বাজল,ডেৰা গাজি খানত এক পঞ্জাবী পৰিয়ালত জগদীশ মুখীৰ জন্ম হৈছিল। চাৰি বছৰ বয়সত ১৯৪৭ ৰ দেশ বিভাজনৰ বাবে তেওঁৰ পৰিয়াল ভাৰতলৈ গুচি আহি সহনাত নিগাজীকৈ থাকিবলৈ লয়।[3]
তেওঁ ১৯৫৬ চনত ৰাজস্থানৰ অলৱাৰ জিলাৰ ৰাজ ঋষি কলেজৰ পৰা বাণিজ্য শাখাত স্নাতক ডিগ্ৰী লাভ কৰে। তাৰপিছত ১৯৬৭ চনত দিল্লী বিশ্ববিদ্যালয়ৰ পৰা তেওঁ বাণিজ্যৰ স্নাতকোত্তৰ ডিগ্ৰী লাভ কৰে।[3][4]তেওঁৰ ৰাজনৈতিক জীৱন আৰম্ভ হোৱাৰ আগলৈ তেওঁ দিল্লী বিশ্ববিদ্যালয়ৰ অন্তৰ্গত ছহিদ ভগৎ সিং কলেজত অধ্যাপক ৰূপে কাৰ্যনিৰ্বাহ কৰিছিল।[3] ১৯৯৫ চনৰ অক্টোবৰ মাহৰ তেওঁ কুৰুক্ষেত্ৰ বিশ্ববিদ্যালয়ৰ পৰা বিত্ত বিভাগত পিএইছডি ডিগ্ৰী লাভ কৰে।[4]
১৯৭০ চনত তেওঁ প্ৰেম গ্ৰভাৰৰ লগত বিবাহপাশত আবদ্ধ হয়। তেওঁ এগৰাকী সমাজ সেৱিকা আৰু মহিলা জাগৃতি সংঘৰ সদস্যা। তেওঁৰ এজন পুত্ৰ আৰু এগৰাকী কন্যা আছে।[3][4]
তথ্যসূত্ৰ
[সম্পাদনা কৰক]- ↑ "New governors appointed: All you need to know". The Times of India. 30 September 2017. http://timesofindia.indiatimes.com/india/new-governors-appointed-all-you-need-to-know/articleshow/60893472.cms। আহৰণ কৰা হৈছে: 30 September 2017.
- ↑ "Who is Jagdish Mukhi?". Indian Express. 30 September 2017. http://indianexpress.com/article/who-is/who-is-jagdish-mukhi-4868385/। আহৰণ কৰা হৈছে: 30 September 2017.
- ↑ 3.0 3.1 3.2 3.3 "Jagdish Mukhi Biography". elections.in. http://www.elections.in/political-leaders/jagdish-mukhi.html.
- ↑ 4.0 4.1 4.2 "Life's Time Line". jagdishmukhi.com. http://www.jagdishmukhi.com/lifes-time-line.html.