কালাদান বহু-মাধ্যম অতিক্ৰমণ পৰিবহন প্ৰকল্প

কালাদান পথ প্ৰকল্প হৈছে ৪৮৪ মিলিয়ন মাৰ্কিন ডলাৰৰ প্ৰকল্প যিয়ে পূব ভাৰতৰ কলকাতাৰ সাগৰীয় বন্দৰক ম্যানমাৰৰ ৰাখাইন ৰাজ্যৰ চিটৱে বন্দৰৰ সৈতে সাগৰীয় পথেৰে সংযোগ কৰিব। মূলতঃ ২০১৪ চনৰ ভিতৰতে এই প্ৰকল্পটো সম্পূৰ্ণ হোৱাৰ কথা আছিল যদিওবা ২০২১ চনৰ মাৰ্চ মাহৰ আপডেট অনুসৰি ২০২৩ চনৰ মাৰ্চ মাহৰ শেষলৈ প্ৰকল্পটো সম্পূৰ্ণৰূপে কাৰ্যক্ষম হোৱাৰ সম্ভাৱনা আছে।

ইতিহাস

এই প্ৰকল্পৰ জৰিয়তে কলকাতাৰ পৰা চিটৱেলৈ দূৰত্ব প্ৰায় ১,৩২৮ কিলোমিটাৰ (৮২৫ মাইল) হ্ৰাস পাব আৰু সংকীৰ্ণ শিলিগুড়ি কৰিডৰৰ মাজেৰে সামগ্ৰী পৰিবহণৰ প্ৰয়োজনীয়তা হ্ৰাস পাব, যাক চিকেনছ নেক বুলিও কোৱা হয়।

প্ৰথমাৱস্থাত ভাৰতে বাংলাদেশক উত্তৰ-পূবৰ ৰাজ্যসমূহলৈ পৰিবহণ আৰু ট্ৰানজিট অধিকাৰ প্ৰদান কৰিবলৈ বুজনি দিছিল। কিন্তু বাংলাদেশে এনে অধিকাৰ প্ৰদান কৰিবলৈ ধাৰাবাহিকভাৱে অস্বীকাৰ কৰি আহিছে। উল্লেখ্য যে বাংলাদেশৰ চট্টগ্ৰাম বন্দৰ ত্ৰিপুৰাৰ ৰাজধানী আগৰতলাৰ পৰা ২০০ কিলোমিটাৰ (১২০ মাইল)তকৈও কম দূৰত্বত অৱস্থিত।