কালিদাস

অসমীয়া ৱিকিপিডিয়াৰ পৰা
কালিদাস

চিত্ৰকাৰৰ কল্পনাত কালিদাস
জন্ম আনুমানিক চতুৰ্থ শতিকা
সম্ভৱতঃ হিমালয় বা উজ্জয়িনীৰৰ ওচৰত
মৃত্যু আনুমানিক পঞ্চম শতিকা
গুপ্তযুগত, সম্ভৱতঃ উজ্জয়িনী বা শ্ৰী লংকা
পেচা কবি আৰু নাট্যকাৰ
ধৰণ সংস্কৃত নাট
বিষয় হিন্দু পুৰাণ
উল্লেখনীয় কৰ্মৰাজী অভিজ্ঞানম শকুন্তলম, "মেঘদূত"


কালিদাস (অৰ্থ: কালীৰ দাস বা উপাসক) আছিল এজন ধ্ৰুপদী সংস্কৃত লেখক যাক সংস্কৃত ভাষাৰ শ্ৰেষ্ঠ কবি আৰু নাট্যকাৰ বুলিও গণ্য কৰা হয়। তেওঁৰ জীৱনকালৰ সঠিক তাৰিখ ক’ব নোৱাৰিলেও চতুৰ্থ শতিকা বুলি অনুমান কৰা হৈছে।[1]

ইংৰাজী সাহিত্যত ৱিলিয়াম শ্যেক্সপীয়েৰ যি স্থান, সংস্কৃত সাহিত্যতো কালিদাসৰ স্থান একেই বুলি গণ্য কৰা হয়।[2] তেওঁৰ নাট আৰু কাব্যসাহিত্য ঘাইকৈ হিন্দু পুৰাণ আৰু দৰ্শনৰ ওপৰত ভিত্তি কৰি লিখা।

জীৱন[সম্পাদনা কৰক]

তেওঁ লিখনীসমূহৰ বাহিৰে কালিদাসৰ জীৱনকাল বা থকা ঠাইৰ বিষয়ে সঠিকভাৱে জনা নাযায়। প্ৰবাদমতে কবিজন তেওঁৰ সৌন্দৰ্য্যৰ বাবে জনাজাত আছিল যাৰ বাবে ৰাজকুঁৱৰী বিদ্যোতমা তেওঁৰ প্ৰতি আকৰ্ষিত হয় আৰু বিয়া কৰায়। কিন্তু কালিদাসৰ কোনো শিক্ষা-দিক্ষা নাছিল। সেইকাৰণে ৰাজকুঁৱৰী তেওঁৰ মূৰ্খতাৰ বাবে লজ্জিত হৈ কালিদাসক কটু কথা শুনায়। তেতিয়া কালিদাসে এটা কুঁৱাৰ ওচৰলৈ আত্মহত্যাৰ উদ্দেশ্যে গৈ তেওঁৰ আৰাধ্য দেৱী কালীক (কিছুমানৰ মতে সৰস্বতী) স্মৰণ কৰে আৰু দেৱীয়ে নিজৰ ভক্তক অসাধাৰণ বুদ্ধিমত্তা প্ৰদান কৰে। প্ৰবাদ অনুসৰি উজ্জয়িনীৰ ৰজা বিক্ৰমাদিত্যৰ ৰাজসভাত নৱৰত্নৰ ভিতৰত তেওঁ শ্ৰেষ্ঠ বুলি পৰিগণিত হয়। ইয়াকো কোৱা হয় যে শ্ৰী লংকাকুমাৰদাসৰ শাসনকালত এজন সভাসদে তেওঁক হত্যা কৰে।

তথ্যসূত্ৰ[সম্পাদনা কৰক]

  1. Encyclopædia Britannica. Kalidasa (Indian author)
  2. R A Malagi (2005), "Toward a Terrestrial Divine Comedy: A study of The Winter's Tale and Shakuntalam", in Poonam Trivedi; Dennis Bartholomeusz, India's Shakespeare: translation, interpretation, and performance, University of Delaware Press, p. 123, ISBN 9780874138818, http://books.google.com/?id=n5lKp1XE2OQC&pg=PA123&dq=kalidasa+shakespeare#PPA124,M1