কেতকুৰা

কেতকুৰা
জীৱবৈজ্ঞানিক শ্ৰেণীবিভাজন
জগৎ/ৰাজ্য:	Plantae;
(অশ্ৰেণীকৃত):	Angiosperms;
(অশ্ৰেণীকৃত):	Eudicots;
(অশ্ৰেণীকৃত):	Asterids;
বৰ্গ:	Gentianales;
পৰিয়াল:	Rubiaceae;
গণ:	Meyna;
প্ৰজাতি:	M. spinosa;
বৈজ্ঞানিক নাম
	Meyna spinosa; Roxb. ex Link
সমাৰ্থক
	Pyrostria spinosa (Roxb. ex Link) Miq.; Vangueria miqueliana Kurz; Vangueria mollis Wall.; Vangueria pyrostria Boerl.; Vangueria spinosa (Roxb. ex Link) Roxb.; Vangueria spinosa var. tomentosa Pierre; Vangueria spinosa var. tomentosa Pierre ex Pit.; Vangueria stellata Blanco;

কেতকুৰা (বৈজ্ঞানিক নাম: Vangueria spinosa বা Meyna spinosa) ৰুবিয়েচি (Rubiaceae) পৰিয়ালৰ অন্তৰ্ভুক্ত এবিধ সৰু আকাৰৰ জোপোহা গছ।^[2]^[3] ইয়াক সমগ্ৰ বিশ্বজুৰি প্ৰধানকৈ পূৱ এছিয়া - ভাৰত, নেপাল, বাংলাদেশ, ম্যানমাৰ, থাইলেণ্ড, কম্বডিয়া, লাওছ, ভিয়েটনামত পোৱা যায়।^[4]

বিৱৰণ[সম্পাদনা কৰক]

কেতকুৰাৰ গা-গছ আৰু ডালৰ উপৰিভাগ ক’লা চানেকীয়া বা মদৰুৱা বৰণৰ। বাকলিত ঠায়ে ঠায়ে কটাৰ নিচিনা দাগ থাকে। বাকলিত ভিতৰখন অলপ হালধীয়া। গোটেই গছজোপাতে দীঘল চানকীয়া কাঁইটৰ উৎপত্তি হয়।^[2]^[5]

কেতকুৰাৰ পাতবোৰ ডাঠ আৰু মিহি। পাতৰ আগফালে জোঙা আৰু গুৰিৰ অংশ দুয়োফালৰ পৰা ঘূৰণীয়াকৈ ভাঁজ খাই ঠাৰিত লগা ধৰণৰ হয়। পাতবোৰে ঠাৰিত যোৰা পাতি পাতি বিপৰীতমুখী ৰূপ প্ৰদৰ্শন কৰে। ইয়াৰ ফুলৰ পাহিবোৰৰ ৰং পাতল সেউজীয়া।^[2]^[5]

কেতকুৰাৰ ফলৰ আকৃতি ডিম্বাকাৰ। ইয়াৰ ভিতৰত ফুটা থাকে আৰু সেই ফুটাবোৰৰ ভিতৰত অলপ ডাঙৰ আকাৰৰ ক’লা ক’লা একোটা গুটি ধৰে। সেউজীয়া ফলবোৰ পকিলে ৰঙচুৱা বৰণৰ হয়।^[2]^[5]