অন্তৰা মিত্ৰ
| অন্তৰা মিত্ৰ | |
|---|---|
| জন্ম | ১০ জুলাই, ১৯৮৭ (৩৭ বছৰ)[1][2] মচলাণ্ডপুৰ, ২৪ পৰগণা, পশ্চিম বংগ, ভাৰত |
| ৰাষ্ট্ৰীয়তা | ভাৰতীয় |
| শিক্ষানুষ্ঠান | ৰাজভল্লপুৰ হাইস্কুল নেতাজী সুভাষ মুক্ত বিশ্ববিদ্যালয়[3] |
| সাংগীতিক কেৰিয়াৰ | |
| সংগীতৰ প্ৰকাৰ | ছবিজগতৰ নেপথ্য গায়িকা |
| পেচা | গায়িকা |
| কাৰ্যকাল | ২০০৬ৰ পৰা |
অন্তৰা মিত্ৰ (ইংৰাজী: Antara Mitra) জন্ম; ১০ জুলাই ১৯৮৭, এগৰাকী ভাৰতীয় নেপথ্য গায়িকা। ২০০৬ চনত জনপ্ৰিয় গায়কী ৰিয়েলিটি শ্ব' ইণ্ডিয়ান আইডল ২ৰ প্ৰতিযোগী হোৱাৰ পিছত মিত্ৰাই লাইমলাইটলৈ আহে।[4] অৰিজিৎ সিঙৰ সৈতে যুটীয়াভাবে গোৱা গীত গেৰুৱা আৰু জনম জনম মুক্তি পোৱাৰ পিছত মিত্ৰ অধিক পৰিচিত হৈ স্বীকৃতি লাভ কৰে। দিলৱালে গীত গোৱাৰ বাবেও তেওঁ ভাৰতীয় সংবাদ মাধ্যমৰ যথেষ্ট পৰিমাণৰ কভাৰেজ লাভ কৰিছিল৷[3] ভাইজান এলো ৰেৰ পৰা তেওঁৰ বেবী জান গীতটোৱে ইউটিউবত অতিশয় সঁহাৰি লাভ কৰে আৰু ইউটিউবত ১০ লাখ দৰ্শন পোৱা আটাইতকৈ দ্ৰুত বাংলা ভাষাৰ ভিডিঅ' ট্ৰেক হিচাপে পৰিগণিত হোৱাৰ অভিলেখ সৃষ্টি কৰে।
প্ৰাৰম্ভিক জীৱন আৰু সংঘৰ্ষ
[সম্পাদনা কৰক]মিত্ৰ ভাৰতৰ পশ্চিমবংগ ৰাজ্যৰ কলকাতাৰ ওচৰৰ এখন সৰু চহৰ মছলন্দাপুৰৰ বাসিন্দা।[5] মিত্ৰই সৰুৰে পৰা এক সাংগীতিক পৰিৱেশত ডাঙৰ হৈছিল৷ তেওঁৰ দেউতাক এজন সংগীত শিক্ষক। তিনি বছৰ বয়সৰ পৰাই মিত্ৰই দেউতাকৰ পৰা সংগীত শিকিবলৈ ঘৰলৈ অহা আন ল’ৰা-ছোৱালীৰ লগত গান গাইছিল। ৬ বছৰ বয়সৰ পৰাই মিত্ৰই মঞ্চ অনুষ্ঠানত গীত গাবলৈ আৰম্ভ কৰিছিল। অল ইণ্ডিয়া ৰেডিঅ’ৰ অনুষ্ঠানত গীত গোৱা পেহীয়েকৰ দ্বাৰা মিত্ৰ অতি অনুপ্ৰাণিত হৈছিল। প্ৰথমাৱস্থাত শৈশৱত অন্তৰাই কেইবাটাও পৰম্পৰাগত বাংলা লোকগীত শিকিছিল[3]। আৰম্ভণিৰে পৰা তেওঁ সংগীতৰ প্ৰতি তীব্ৰ আগ্ৰহ প্ৰদৰ্শন কৰিছিল আৰু তেওঁৰ পিতৃয়ে তেওঁক সহায় কৰিছিল। ১৮ বছৰ বয়সত ৰাষ্ট্ৰীয় টিভি শ্ব' এটাত নিজক প্ৰতিযোগী হিচাপে তুলি ধৰিছিল আৰু সেই শ্ব' আৰু অনুৰূপ শ্ব' জুনুনত একেৰাহে দুয়োটাতে চূড়ান্ত প্ৰতিযোগী হিচাপে প্ৰশংসনীয়ভাৱে ভাগ লৈছিল। এটা সময়ত তেওঁ চিকিৎসা বিজ্ঞান অধ্যয়ন কৰাৰ কথা ভাবিছিল, কিন্তু পেছাদাৰী গায়কী কেৰিয়াৰ গঢ়ি তোলাৰ সপক্ষে এই ধাৰণাটো পৰিত্যাগ কৰিছিল।[6][3]
মিত্ৰই ইণ্ডিয়ান আইডল ছিজন ২ত অংশগ্ৰহণ কৰিছিল৷ আৰু তেওঁ শীৰ্ষ পাঁচটাত প্ৰৱেশ কৰিছিল যদিও তেওঁ শেষত বাহিৰ হৈছিল।[7][3] মিত্ৰ প্ৰতিযোগিতাৰ পৰা বাহিৰ হোৱাৰ পিছত, সুপৰিচিত সংগীত পৰিচালক অনু মালিকএ তেওঁক প্লেবেক গায়িকাৰ কামৰ প্ৰস্তাৱ দিছিল, কিন্তু মিত্ৰই নিজৰ গৃহ চহৰলৈ উভতি যায় আৰু তাৰ কিছু সময়ৰ পিছতে (এপ্ৰিল ২০০৬) তেওঁ মুম্বাইলৈ স্থানান্তৰিত হৈ চলচ্চিত্ৰৰ বাবে কণ্ঠ-পাৰ্ফৰ্মেন্সৰ চাউণ্ডট্ৰেক কেৰিয়াৰ গঢ়ি তোলাত মনোনিৱেশ কৰে। ইয়াৰ পিছত তেওঁ আন এটা জনপ্ৰিয় ভাৰতীয় টিভি ৰিয়েলিটি শ্ব' জুনুন – কুচ কাৰ দিখানে কাত কণ্ঠশিল্পী প্ৰতিযোগীৰ বলীউডৰ দলৰ অংশ হিচাপে অংশগ্ৰহণ কৰে, য'ত পুনৰাই তেওঁ বিজয়ী হোৱা নাছিল, কিন্তু তেওঁ দুয়োটা শ্ব' শিক্ষণ আৰু কেৰিয়াৰ-বিকাশৰ অভিজ্ঞতাৰ বাবে ভাল বুলি বিবেচনা কৰে আৰু প্ৰতিযোগিতাত অংশগ্ৰহণ কৰাৰ সময়ত সম্প্ৰচাৰিত দৰ্শক আৰু বিচাৰকৰ বাবে অনুষ্ঠান পৰিৱেশন কৰাৰ সুযোগ দিয়াৰ বাবে দুয়োখন প্ৰতিযোগিতাৰ টিভি দৰ্শক, প্ৰযোজক আৰু বিচাৰকসকলক কৃতজ্ঞতা প্ৰকাশ কৰে।[7] মুম্বাইৰ দৰে চহৰত থকা প্ৰথম দিনবোৰত তেওঁ সস্তীয়া দৰৰ ইনষ্টেণ্ট-নুডলছ মেগী আৰু বাৰ্গাৰ খাই জীয়াই থাকিবলগীয়া হৈছিল।[3] মিত্ৰই গায়িকা হিচাপে ব্যাপক স্বীকৃতি লাভ কৰিছিল তেওঁৰ দ্বৈত কণ্ঠৰ গীত গেৰুৱা আৰু জনম জনম ২০১৫ চনত হিট হোৱাৰ পিছত, যি তেওঁ মুম্বাইলৈ যোৱাৰ প্ৰায় ৯ বছৰৰ পিছত হৈছিল।[3]
কেৰিয়াৰ
[সম্পাদনা কৰক]মিত্ৰই একাধিক ভাষাত গীত গাইছে, হিন্দী, উৰ্দু, বাংলা আৰু ইংৰাজী আৰু বলীউড চলচ্চিত্ৰৰ চাউণ্ডট্ৰেক সংগীত উদ্যোগত তেওঁ সক্ৰিয়[6]।
২০১০ চনত টাইমছ অৱ ইণ্ডিয়াক দিয়া এক সাক্ষাৎকাৰত মিত্ৰই সংগীত পৰিচালক প্ৰীতম চক্ৰৱৰ্তীক ধন্যবাদ আৰু কৃতজ্ঞতা প্ৰকাশ কৰে, কিয়নো তেওঁৰ দক্ষতাৰ ওপৰত তেওঁ প্ৰথমে বিশ্বাস প্ৰকাশ কৰিছিল আৰু সেই প্ৰথম দশকত প্ৰীতমে প্ৰায় প্ৰতিটো চলচ্চিত্ৰ গীত ৰচনা কৰিছিল য’ত তেওঁৰ কণ্ঠৰ বৈশিষ্ট্য ফুটি উঠিছিল। মিত্ৰই তেওঁৰ প্ৰথম হিট গীত "ভিগী ভিগী ছি"ৰ বাবে ইতিবাচক সমালোচনা লাভ কৰে, যিটো হিন্দী ছবি ৰাজনীতিৰ মোহিত চৌহানৰ সৈতে যুটিয়া গীত আছিল।[7]
মিত্ৰই অৰিজিত সিঙৰ সৈতে গোৱা তেওঁৰ প্ৰশংসিত দ্বৈত গীত গেৰুৱা, জনম জনম গীতৰ বাবে ব্যাপক স্বীকৃতি লাভ কৰে।[3]
তথ্য সূত্ৰ
[সম্পাদনা কৰক]- ↑ "Antara Mitra Biography". Hungama Digital Media Entertainment. Archived from the original on 8 May 2016. https://web.archive.org/web/20160508190311/http://www.hungama.com/artists/antara-mitra/14708। আহৰণ কৰা হৈছে: 23 April 2016.
- ↑ "Antara Mitra". Sify. http://www.sify.com/indianidol2/contestants/antara/। আহৰণ কৰা হৈছে: 23 April 2016.
- ↑ 3.0 3.1 3.2 3.3 3.4 3.5 3.6 3.7 "The Gerua Girl antara mitra". http://www.dnaindia.com/entertainment/report-the-gerua-girl-antara-mitra-2150810। আহৰণ কৰা হৈছে: 5 July 2017.
- ↑ "Bengali girl in Idol chase". The Telegraph. 6 March 2006. http://www.telegraphindia.com/1060306/asp/calcutta/story_5932212.asp। আহৰণ কৰা হৈছে: 13 May 2010.
- ↑ Halim, Moeena (13 January 2016). "Soft, sultry and soulful". India Today. http://indiatoday.intoday.in/story/bollywood-music-playback-singer-gerua-talwar-masaan/1/570058.html। আহৰণ কৰা হৈছে: 23 April 2016.
- ↑ 6.0 6.1 Singh, Deepali (2 December 2015). "The Gerua Girl: Antara Mitra". DNA India. http://www.dnaindia.com/entertainment/report-the-gerua-girl-antara-mitra-2150810। আহৰণ কৰা হৈছে: 15 April 2016.
- ↑ 7.0 7.1 7.2 "How Antara Mitra went from Indian Idol to Rajneeti". The Times of India. 13 June 2010. http://blogs.timesofindia.indiatimes.com/line-of-sight/entry/how-antara-mitra-went-from। আহৰণ কৰা হৈছে: 13 June 2011.