ইলন মাস্ক্

অসমীয়া ৱিকিপিডিয়াৰ পৰা
Jump to navigation Jump to search
ইলন মাস্ক্
FRS
Elon Musk at the Royal Society admissions day in London, July 2018
ৰয়েল চ'ছাইটিৰ সভ্যৰূপে নিৰ্বাচন হোৱাৰ দিনাখন লণ্ডনত ইলন মাস্ক্, জুলাই ২০১৮ চন
জন্ম ইলন ৰিভ্ মাস্ক্
জুন ২৮ , ১৯৭১
প্ৰিট'ৰিয়া, Transvaal (province)
বাসগৃহ বেল এয়াৰ, লছ এঞ্জেলছ্, কেলিফ'ৰ্ণয়া, আমেৰিকা যুক্তৰাষ্ট্ৰ[1][2]
নাগৰিকত্ব
শিক্ষানুষ্ঠান
  • কুইনছ্ বিশ্ববিদ্যালয়
  • পেনছিলভেনিয়া বিশ্ববিদ্যালয়[3][4]
পেচা
  • উদ্যোগী ব্যক্তি
  • বিনিয়োগকাৰী
  • অভিযন্তা
সক্ৰিয় হৈ থকা সময় ১৯৯৫–বৰ্তমানলৈ
মুঠ আয় ২১.৪ বিলিয়ন আমেৰিকান ডলাৰ (জানুৱাৰী ২০১৯)[5]
শিৰোনামা
  • "স্পেছ্এক্স্"ৰ (SpaceX) প্ৰতিষ্ঠাপক, মুখ্য কাৰ্য্যবাহী বিষয়া আৰু মূল স্থপতি
  • "টেছলা"ৰ (Tesla, Inc.) মুখ্য কাৰ্য্যবাহী বিষয়া, মূল স্থপতি
  • নিউৰালিংকৰ (Neuralink) সহ-প্ৰতিষ্ঠাপক আৰু মুখ্য কাৰ্যবাহী বিষয়া
  • "দ্য ব'ৰিং কোম্পানী"ৰ (The Boring Company) প্ৰতিষ্ঠাপক
  • "জিপ২"ৰ (Zip2) সহ-প্ৰতিষ্ঠাপক
  • "এক্স ডট কম"ৰ (X.com) প্ৰতিষ্ঠাপক (পিছলৈ "পেইপল" (PayPal) হ'লগৈ)
  • "অপেন এ. আই"ৰ (OpenAI) সহ-প্ৰতিষ্ঠাপক
  • "ছ'লাৰ চিটী"ৰ (SolarCity) অধ্যক্ষ
ৰাজনৈতিক দল নিৰ্দলীয়[6]
দাম্পত্যসঙ্গী
  • জাষ্টিন ৱিলছন (বি. 2000; বিবি. 2008)
  • তাবুলাহ ৰিল্লি (বি. 2010; বিবি. 2012)
    (m. 2013; div. 2016)[7]
অংশীদাৰ
  • এম্বাৰ হাৰ্ড্ (2016–2018)[8]
  • গ্ৰিমছ্ (2018)[9]
সন্তান ৬ (এজনৰ মৃত্যু)
পিতৃ-মাতৃ
  • মেই মাস্ক্ (মাতৃ)
  • এৰ্ৰল মাস্ক্ (পিতৃ)
আত্মীয়-স্বজন
  • কিম্বল মাস্ক্ (ভাতৃ)
  • টস্কা মাস্ক্ (ভনী)
  • লিণ্ডন ৰিভ্ (সম্পৰ্কীয় ভগ্নী)
বঁটা, সন্মান, পুৰস্কাৰ আদি ৰয়েল ছ'চাইটিৰ সভ্যপদ
স্বাক্ষৰ
Elon Musk

ইলন ৰিভ্ মাস্ক্ (/ˈlɒn/; জন্ম ২৮ জুন ১৯৭১) এগৰাকী প্ৰযুক্তি বিষয়ৰ উদ্যোগী লোক, বিনিয়োগকাৰী আৰু অভিযন্তা। দক্ষিণ আফ্ৰিকা, কানাডা আৰু আমেৰিকা যুক্তৰাষ্ট্ৰৰ নাগৰিকত্ব থকা ইলন মাস্ক্ স্পেছ্এক্স্ৰ (SpaceX) প্ৰতিষ্ঠাপক, মুখ্য কাৰ্য্যবাহী বিষয়া আৰু মূল পৰিকল্পনাকাৰী। তেওঁ টেছলা (Tesla Inc.) কোম্পানীটোৰ সহ-প্ৰতিষ্ঠাপক, মুখ্য কাৰ্য্যবাহী বিষয়া আৰু স্থপতি; নিউৰালিংকৰ সহ-প্ৰতিষ্ঠাপক আৰু মুখ্য কাৰ্য্যবাহী বিষয়া আৰু পেইপলৰ সহ-প্ৰতিষ্ঠাপক। ২০১৬ চনৰ ডিচেম্বৰত, ফ'ৰ্বছে প্ৰকাশ কৰা বিশ্বৰ সবাতোকৈ প্ৰভাৱশীল লোকৰ তালিকাত তেওঁ ২১তম স্থান পাইছিল। ২০১৮ চনৰ অক্টোবৰ মাহৰ তথ্য অনুসৰি, তেওঁৰ মুঠ সম্পত্তিৰ পৰিমাণ ২২.৮ বিলিয়ন আমেৰিকান ডলাৰ। ফ'ৰ্বছৰ তথ্য অনুসৰি তেওঁ বিশ্বৰ সবাতোকৈ ধনী লোকৰ তালিকাত ৫৪ তম স্থান দখল কৰিছে।

দক্ষিণ আফ্ৰিকাৰ প্ৰিট'ৰিয়াত ডাঙৰ-দীঘল হোৱা মাস্কে ১৭ বছৰ বয়সত কানাডাৰ কুইনছ্ বিশ্ববিদ্যালয়ত পঢ়িবলৈ যায়। দুবছৰ পিছত তেওঁ পেনছিলভেনিয়া বিশ্ববিদ্যালয়ত ভৰ্ত্তি হয়। ইয়াৰ অন্তৰ্গত হোৱাৰ্টন স্কুলৰ পৰা অৰ্থনীতি বিজ্ঞানৰ ডিগ্ৰী আৰু কলেজ অৱ্ আৰ্টছ্ এণ্ড্ চায়েন্সেছৰ পৰা পদাৰ্থবিজ্ঞানৰ ডিগ্ৰী লাভ কৰে। ১৯৯৫ চনত তেওঁ ষ্টেনফ'ৰ্ড বিশ্ববিদ্যালয়ৰ পৰা প্ৰায়োগিক পদাৰ্থবিজ্ঞান আৰু বস্তুবিজ্ঞান বিষয়ত পি. এইচ. ডি. আৰম্ভ কৰিছিল। কিন্তু মাত্ৰ দুটা দিন পিছতে নিজাকৈ উদ্যোগী কেৰিয়াৰ গঢ়াৰ প্ৰতি থকা আগ্ৰহৰ বাবে গৱেষণাৰ কাম বাদ দিয়ে। ইয়াৰ পিছতে তেওঁ জিপ২ নামৰ ৱেব ছফ্টৱেৰ কোম্পানী এটাৰ সহ-প্ৰতিষ্ঠা কৰে। ১৯৯৯ চনত ৩৪০ নিযুত ডলাৰৰ বিনিময়ত কমপেকে ইয়াক ক্ৰয় কৰে। মাস্কে তাৰ পিছত X.com নামেৰে অনলাইন বেংক এটাৰ জন্ম দিয়ে।

২০০২ চনৰ মে' মাহত ইলন মাস্কে বিমান আৰু মহাকাশযান নিৰ্মাণ কোম্পানী স্পেছ্এক্স্ প্ৰতিষ্ঠা কৰে। এতিয়া তেওঁ কোম্পানীটোৰ মুখ্য কাৰ্য্যবাহী বিষয়া (চি ই অ') আৰু মুখ্য আৰ্হি-নিৰ্মাতা। ২০০৩ চনত তেওঁ বৈদ্যুতিক গাড়ী আৰু সৌৰ ফলক নিৰ্মাণ কোম্পানী টেছলা (Tesla, Inc.) প্ৰতিষ্ঠা কৰিবলৈ বিত্তীয় সাহায্য আগবঢ়াইছিল। তেওঁ টেছলাৰ মুখ্য কাৰ্য্যবাহী বিষয়া আৰু স্থপতি হৈছিল। ২০০৬ চনত মাস্কে সৌৰশক্তি যোগান ব্যৱস্থাৰ ওপৰত আধাৰিত ছ'লাৰচিটী গঢ়িবলৈ বিশেষ উদ্যোগ লৈছিল। সম্প্ৰতি টেছলাৰ অংশীদাৰ ৰূপে পৰিগণিত ছ'লাৰচিটীৰ অধ্যক্ষৰ দায়িত্বও মাস্কেই পালন কৰি আহিছে। ২০১৫ চনত মাস্কে মানৱোপযোগী আৰু বন্ধুভাৱাপন্ন কৃত্ৰিম বুদ্ধিমত্তাৰ বিস্তাৰৰ বাবে অপেন এ.আই. (OpenAI) নামৰ অলাভজনক গৱেষণা কোম্পানী এটাৰ সহ-প্ৰতিষ্ঠা কৰিছিল। ২০১৬ চনৰ জুলাই মাহত তেওঁ নিউৰালিংকৰ সহ-প্ৰতিষ্ঠা কৰিছিল। এইটো মগজু আৰু কম্পিউটাৰৰ মাজত সংযোগ বিকাশৰ ওপৰত গুৰুত্ব দিয়া এটা স্নায়ুপ্ৰযুক্তীয় কোম্পানী। সম্প্ৰতি তেওঁ নিউৰালিংকৰ মুখ্য কাৰ্য্যবাহী বিষয়া। একেটা বছৰৰে ডিচেম্বৰ মাহত তেওঁ আন্তঃগাঁথনি আৰু সুৰংগ নিৰ্মাণ কোম্পানী দ্য ব'ৰিং কোম্পানীৰ প্ৰতিষ্ঠা কৰে।

মাস্কৰ কৰ্মৰাজিসমূহ ব্যৱসায়িক লাভ আহৰণৰ প্ৰাথমিক চৰ্তটো পূৰণ কৰাতে সীমাৱদ্ধ নহয়। তেওঁৰ লক্ষ্য আৰু আঁচনিসমূহ ব্যক্তিগত লাভালাভৰ ঊৰ্ধত। মাস্কে হাইপাৰলুপ নামৰ অতি উচ্চবেগী যাতায়ত ব্যৱস্থা এটাৰ পৰিকল্পনা কৰিছে। উলম্ব দিশেৰে উৰণ আৰম্ভ কৰা আৰু অৱতৰণ কৰা শব্দতকৈ বেগী বৈদ্যুতিক জেটবিমান নিৰ্মাণৰো তেওঁ আঁচনি লৈছে। বৈদ্যুতিক ফেনেৰে সঞ্চালিত এই বিমানসমূহক "মাস্ক্ ইলেকট্ৰিক জেট" নাম দিয়া হৈছে। মাস্কে কৈছে যে স্পেছ্এক্স্, টেছলা আৰু ছ'লাৰচিটীৰ আঁচনিসমূহ সমগ্ৰ পৃথিৱী আৰু মানৱজাতিৰ ৰেহৰূপ সলনি কৰিবলৈ থকা তেওঁৰ স্বপ্নৰ দ্বাৰা পৰিচালিত হৈছে। তেওঁৰ অন্যান্য লক্ষ্যসমূহৰ ভিতৰত বহনক্ষম শক্তি উৎপাদন আৰু ব্যৱহাৰেৰে গোলকীয় উষ্ণতা হ্ৰাস, আৰু মানৱজাতিৰ ভৱিষ্যৎ নিৰাপদ কৰিবলৈ মংগল গ্ৰহত মানুহৰ এলেকা এটা গঢ়াৰ পৰিকল্পনাও আছে।

প্ৰাৰম্ভিক জীৱন[সম্পাদনা কৰক]

১৯৭১ চনৰ ২৮ জুনত দক্ষিণ আফ্ৰিকাৰ ট্ৰান্সভালৰ প্ৰিট'ৰিয়াত মাস্কৰ জন্ম হৈছিল। তেওঁৰ মাতৃ আছিল কানাডাৰ ৰেজিনাৰ এগৰাকী মডেল আৰু পথ্য বিশেষজ্ঞ (dietitian) মেই মাস্ক্। পিতৃ এৰল মাস্ক্ এগৰাকী দক্ষিণ আফ্ৰিকান বিদ্যুৎৰাসায়নিক অভিযন্তা, বিমান চালক আৰু নাবিক। মাস্কৰ কনিষ্ঠ ভাতৃজনৰ নাম কিম্বল (জন্ম ১৯৭২) আৰু একমাত্ৰ ভনীৰ নাম তস্কা (জন্ম ১৯৭৪)। তেওঁৰ মাকৰ ফালৰ ককা ড° জছোৱা হাল্ডেমেন এগৰাকী আমেৰিকাত জন্ম লভা কানাডিয়ান আছিল। তেওঁৰ আইতাক আছিল এগৰাকী ব্ৰিটিছ। মাস্কৰ পেনছিলভেনিয়াৰ ডাটছ্ বংশৰ লগতো যোগসূত্ৰ আছে। ১৯৮০ চনত মাক-দেউতাকৰ বিবাহ-বিচ্ছেদ হোৱাৰ পিছত তেওঁ অধিকাংশ সময় দেউতাকৰ সৈতে প্ৰিট'ৰিয়াৰ বাসগৃহত থাকিছিল। দেউতাকৰ সৈতে তেওঁৰ সম্পৰ্কটো যথেষ্ট জটিলপ্ৰকাৰৰ আছিল। পিছলৈ মাস্কে দেউতাকক এগৰাকী "আজৱ-প্ৰকৃতিৰ মানুহ" বুলি অভিহিত কৰিছে।

তথ্য সূত্ৰ[সম্পাদনা কৰক]

  1. "Billionaire Tesla CEO Elon Musk Buys Neighbor's Home in Bel Air For Million". Forbes. https://www.forbes.com/sites/trulia/2013/11/01/billionaire-tesla-ceo-elon-musk-buys-home/। আহৰণ কৰা হৈছে: November 1, 2013. 
  2. "Inside Elon Musk's M Bel Air Mansion". Bloomberg News. Archived from the original on February 7, 2015. https://web.archive.org/web/20150207033543/http://www.bloomberg.com/news/videos/b/6e27fcba-309d-494e-b87d-c73fb8bb1750। আহৰণ কৰা হৈছে: August 21, 2013. 
  3. Hull, Dana (April 11, 2014). "Timeline: Elon Musk's accomplishments". http://www.mercurynews.com/business/ci_25541448/timeline-elon-musk-accomplishments। আহৰণ কৰা হৈছে: June 11, 2015. 
  4. Zanerhaft, Jaron (2013). "Elon Musk: Patriarchs and Prodigies". C-Suite Quarterly. http://csq.com/2013/01/elon-musk-patriarchs-and-prodigies/। আহৰণ কৰা হৈছে: June 11, 2015. 
  5. "Elon Musk" (en ভাষাত). Forbes. https://www.forbes.com/profile/elon-musk/. 
  6. Musk, Elon (July 14, 2018). "To be clear, I am not a conservative. Am registered independent & politically moderate." (en ভাষাত). Twitter. https://twitter.com/elonmusk/status/1018265614295523328। আহৰণ কৰা হৈছে: January 22, 2019. 
  7. "Actor Talulah Riley files to divorce billionaire Elon Musk, again". The Guardian. March 21, 2016. https://www.theguardian.com/technology/2016/mar/21/elon-musk-talulah-riley-file-divorce-second-marriage। আহৰণ কৰা হৈছে: April 20, 2016. ""The pair first married in 2010 and divorced in 2012. They remarried 18 months later."" 
  8. "Elon Musk and Amber Heard Call it Quits ... Again" (en ভাষাত). 
  9. Halls, Eleanor (30 November 2018). "Is Elon Musk behind his girlfriend Grimes's AI-loving new single?". https://www.telegraph.co.uk/music/artists/elon-musk-behind-girlfriend-grimess-ai-loving-new-single/। আহৰণ কৰা হৈছে: 1 December 2018.