ঊষা

অসমীয়া ৱিকিপিডিয়াৰ পৰা
Jump to navigation Jump to search

ঊষা (ইংৰাজী : Usha) : শ্ৰীকৃষ্ণৰ নাতি অনিৰুদ্ধৰ পত্নী, চিত্ৰলেখাৰ সখী ঊষা আছিল শোণিতপুৰ (বৰ্তমানৰ তেজপুৰ) -ৰ ৰজা বাণাসুৰৰ জীয়েক।[1]

ঊষাৰ সৈতে অনিৰুদ্ধ

কিংবদন্তী[সম্পাদনা কৰক]

পুৰণি কালত শোণিতপুৰ (বৰ্তমানৰ তেজপুৰ) ৰাজ্যৰ ৰজা বাণাসুৰৰ ঊষা নামেৰে এজনী পৰম ৰূপৱতী কন্যা আছিল। ঊষাৰ সখী চিত্ৰলেখাৰ মায়াৰ বলত অনিৰুদ্ধ আৰু ঊষাৰ মাজত প্ৰেম হয়। আৰু ঊষাক পাবলৈ অনিৰুদ্ধই অসম (শোণিতপুৰ) -লৈ আহে।[2]

ঊষাৰ সপোনত অনিৰুদ্ধ

বাণ এজন প্ৰবল শিৱভক্ত ৰজা আছিল। বাণ ৰজা প্ৰহ্লাদৰ নাতি মহাবীৰ বলিৰ পুত্ৰ আছিল। বিষ্ণুৰ বামন অৱতাৰত ছলনা কৰি বলিক পাতাললৈ পঠাই দিয়াত শিৱক তপস্যা কৰি বাণ ৰজাই শোণিতপুৰ ৰাজ্যখন পায়।[2]

বাণ ৰজাই অনিৰুদ্ধক অন্তেষপুৰত নাগ-পাশেৰে বান্ধি থয়। অনিৰুদ্ধক দ্বাৰকাত নেদেখি হুলস্থূল লগাত দেৱৰ্ষি নাৰদে গৈ অনিৰুদ্ধৰ কথা সবিশেষ জনায় আৰু ৰণ-সাজেৰে যদু-সেনা শোণিতপুৰলৈ যায়। এই যুদ্ধত বাণ ৰজাৰ পক্ষলৈ মহাদেৱে শ্ৰীকৃষ্ণৰ লগত যুদ্ধ কৰে। ইয়াক হৰি-হৰ যুদ্ধ বুলি কোৱা হয়। এই যুদ্ধত হৰ হাৰে।[2]

তেজপুৰঅগ্নিগড়ত থকা 'হৰি-হৰ যুদ্ধ'ৰ বৰ্ণনাত্মক ভাস্কৰ্য

লগতে চাওক[সম্পাদনা কৰক]

তথ্য সংগ্ৰহ[সম্পাদনা কৰক]

  1. ড॰ বাণীকান্ত কাকতি. কুমৰ-হৰণ। গ্ৰন্থ : পুৰণি অসমীয়া সাহিত্য. অসম প্ৰকাশন পৰিষদ (আগষ্ট ২০১৪). পৃষ্ঠা. 19-26. 
  2. 2.0 2.1 2.2 ড॰ বাণীকান্ত কাকতি. কুমৰ-হৰণ। গ্ৰন্থ=পুৰণি অসমীয়া সাহিত্য. অসম প্ৰকাশন পৰিষদ (আগষ্ট ২০১৪). পৃষ্ঠা. 19-26. 

বাহ্যিক সংযোগ[সম্পাদনা কৰক]