গণিত চ’ৰা

অসমীয়া ৱিকিপিডিয়াৰ পৰা
Jump to navigation Jump to search
গণিত চ’ৰা
Gonit Sora Current Logo
ইউ আৰ এল as.gonitsora.com
বিজ্ঞাপন অব্যৱসায়িক
প্ৰকাৰ অসমীয়া-ইংৰাজী গণিত ই-আলোচনী।
ভাষা
স্বত্বাধিকাৰী গণিত চ’ৰা ডট কম
মুকলি ২১ এপ্ৰিল, ২০১১

গণিত চ’ৰা (gonitsora.com) এখন গণিত বিষয়ক দ্বিভাষিক মাহেকীয়া ই-আলোচনী[1]তেজপুৰ বিশ্ববিদ্যালয়ৰ গণিত বিভাগৰ কেইজনমান ছাত্ৰৰ উদ্যোগত ২০১১ চনৰ এপ্ৰিল মাহৰ ২১ তাৰিখে এই আলোচনীখনৰ প্ৰথম প্ৰকাশ হয়[2]৷ ২০১৩ চনত আলোচনীখনে Mathematics of Planet Earth 2013 প্ৰকল্পৰ সহযোগী আলোচনীৰূপে স্বীকৃতি পায়[3]

কৰ্ত্তৃত্ব আৰু পৰিচালনা[সম্পাদনা কৰক]

পৰম্পৰাগত গণিত শিকন পদ্ধতিৰ পৰিৱৰ্তে গণিতক অধ্যয়নৰ এক মনোৰম ক্ষেত্ৰ ৰূপে সাধাৰণ মানুহৰ আগত দাঙি ধৰাৰ প্ৰয়াসেৰে তেজপুৰ বিশ্ববিদ্যালয়ৰ গণিত বিভাগৰ স্নাতকোত্তৰ মহলাৰ ছাত্ৰ পংকজ জ্যোতি মহন্ত (বৰ্তমানৰ প্ৰাক্তন ছাত্ৰ) আৰু মঞ্জিল প্ৰতীম শ‍ইকীয়াই আলোচনীখনৰ প্ৰথম প্ৰকাশৰ ব্যৱস্থা কৰে[1], বৰ্তমানৰ সম্পাদনা সমিতিত তেজপুৰ বিশ্ববিদ্যালয়ৰ গণিত বিভাগ, পদাৰ্থ বিজ্ঞান বিভাগকে ধৰি আন আন বিভাগৰো শিক্ষক, ছাত্ৰ আছে৷ আলোচনীখনৰ উপদেষ্টা মণ্ডলীত অসম তথা ভাৰতৰ বিভিন্ন মহাবিদ্যালয়, বিশ্ববিদ্যালয়ৰ উপৰিও কানাডা, যুক্তৰাজ্য আৰু যুক্তৰাষ্ট্ৰৰ বিভিন্ন বিশ্ববিদ্যালয়ৰ কেইবাজনো গণিতজ্ঞ আছে[4]

শিতানসমূহ[সম্পাদনা কৰক]

অসমীয়া আৰু ইংৰাজী ভাষাত প্ৰকাশ পোৱা আলোচনীখনত শেহতীয়া বিজ্ঞানৰ বিভিন্ন খবৰ, প্ৰবন্ধ, বিজ্ঞান কাৰ্টুন, বিশিষ্ট গণিতজ্ঞ আৰু বিজ্ঞানীৰ লিখিত বা ভিডিঅ’ মাধ্যমত সাক্ষাৎকাৰ, কুইজ, সাঁথৰ আদি নিয়মীয়াকৈ প্ৰকাশ পায়৷ তাৰোপৰি আলোচনীখনত বিভিন্ন গণিতৰ সমস্যাৰ সমাধান পদ্ধতিও উদাহৰণসহ প্ৰকাশ পায়৷ বিভিন্ন ধৰণৰ ৰাষ্ট্ৰীয় পৰ্যায়ৰ প্ৰতিযোগিতামূলক পৰীক্ষাসমূহ যেনে-NET, GATE, TIFR ৰ প্ৰৱেশ পৰীক্ষা, INMO, IMO আদিৰ গণিত বিষয়ৰ প্ৰশ্নকাকতৰ সমাধান সূত্ৰও আলোচনীখনে প্ৰকাশ কৰে[1]

অন্যান্য আঁচনি[সম্পাদনা কৰক]

আলোচনীখনে ছাত্ৰ-ছাত্ৰীৰ মাজত গণিত প্ৰশ্নোত্তৰ ব্যৱস্থা আৰু কেৰিয়াৰ সম্পৰ্কীয় পৰামৰ্শ প্ৰদানৰ ব্যৱস্থা আৰম্ভ কৰাৰ পৰিকল্পনা কৰিছে। ইয়াৰোপৰি অংককে ধৰি বিজ্ঞান-প্ৰযুক্তিৰ কেইবাখনো কিতাপ তথা ই-বুক গণিত চ'ৰাৰ ৱেবচাইটত উপলব্ধ কৰোৱাইছে ৷ সেইসমূহ কিতাপ যি-কোনো আগ্ৰহী পাঠকেই ডাউনল'ড কৰি পঢ়িব পাৰে ৷ তাৰে মাজত দুখনমান অন্যতম গ্ৰন্থ হৈছে ৰামানুজন-গণিতজ্ঞ আৰু মানুহজন,গণিতঃএটা বিৰক্তিকৰ বিষয়,বিজ্ঞান আৰু বোলছবি আদি ৷ গণিত চ'ৰা নামৰ ই-বুকখনো এই ৱেবচাইটত উপলব্ধ ৷ [5]

তথ্যসূত্ৰ[সম্পাদনা কৰক]

  1. 1.0 1.1 1.2 ALIPTA JENA (Wednesday , November 23 , 2011). "Numbers spell fun on website - Gonitsora transforms maths". The Telegraph. http://www.telegraphindia.com/1111123/jsp/northeast/story_14780260.jsp। আহৰণ কৰা হৈছে: 2013-06-17. 
  2. Manjil P. Saikia (APRIL 16, 2012). "Gonit Sora - A Year Long Journey". The Quantized Quark. http://thequantizedquark.com/gonit-sora-a-year-long-journey/। আহৰণ কৰা হৈছে: 2013-06-17. 
  3. "Math 2013 Megazines". Mathematics of Planet Earth 2013. http://mpe2013.org/magazines/। আহৰণ কৰা হৈছে: 2013-06-17. 
  4. GonitSora.com. "Gonit Sora:About Us". GonitSora.com. http://gonitsora.com/about-us/। আহৰণ কৰা হৈছে: 2013-06-18. 
  5. গণিত চ'ৰাত থকা কিতাপ