চাল্লাল্লাহু আলাইহি ওয়াছাল্লাম

অসমীয়া ৱিকিপিডিয়াৰ পৰা
Jump to navigation Jump to search

(আৰবী: عليه السلام‎) আলাইহি-আছ-ছালাম হ'ল এটা বাগধাৰা বা দৰুদ বা শ্লোক; যাৰ অৰ্থ হৈছে- তেখেতৰ উপৰত শান্তি বৰ্ষিত হওঁক। যিটো ধাৰ্মিক মুছলিমসকলে যীশু(আঃ), মুছা(আঃ), আব্ৰাহাম(আঃ) সহ অন্যান্য সকলো নবীসকলৰ নামৰ শেষত উচ্চাৰণ কৰি থাকে। ইয়াক সংক্ষেপে আঃ লিখা হয়। আকৌ একমাত্ৰ শেষ নবী মুহাম্মাদ(ছাঃ)ৰ নামৰ শেষত ইয়াৰ এটা বৰ্ধিত সংস্কৰণ উচ্চাৰণ কৰা হয় যিটো হ'ল চাল্লাহু আলাইহি ওয়াছাল্লাম। যিটো সংক্ষেপে ছাঃ/চাঃ/দঃ লিখা দেখা যায়; ইয়াৰ অৰ্থ হৈছে তেখেতৰ ও তেখেতৰ পৰিয়ালৰ উপৰত ঈশ্বৰৰ প্ৰাৰ্থনা আৰু শান্তি বৰ্ষিত হওঁক।[1] তেখেতৰ উপৰত শান্তি বৰ্ষিত হওঁক হ'ল আলাইহি ওয়া ছাল্লাম আৰু বহুত সময়ত ই অসমীয়া ভাষাত চাল্লাহু আলাইহি ওয়াছাল্লামৰ অনুদিত সংস্কৰণ।

যিকোনো ভাষাতেই এটা মহান সম্মান আৰু শ্ৰদ্ধাৰ এটা চিহ্নস্বৰূপ।[1][2]মুছলিমসকলে এই বাগধাৰাটো মুহাম্মাদ(ছাঃ)ৰ বাবে আল্লাহৰ আশীৰ্বাদ প্ৰাৰ্থনাৰ উদ্দেশ্যেৰে উচ্চাৰিত কৰে বা লিখে আৰু বিনিময়ত আল্লাহেও সিহঁতক আশীৰ্বাদ কৰে বুলি সিহঁতে বিশ্বাস কৰে।[2] এই বাগধাৰাটো মুছলিম বিশ্বৰ বেচৰকাৰী আৰু বহত ক্ষেত্ৰত চৰকাৰী কাগজপত্ৰতো লিখা-লিখিতো ব্যৱহৃত হয়।[2] ইছলামৰ প্ৰধান ধৰ্মগ্ৰন্থ কোৰআনত এই সম্মান প্ৰদানৰ নিৰ্দেশ দিয়া হৈছে। কোৰআনত কোৱা হৈছে,

"ঈশ্বৰ আৰু তেখেতৰ স্বৰ্গীয় দূতসকলে নবীৰ প্ৰতি আশীৰ্বাদ প্ৰেৰণ কৰে। হে বিশ্বাসীসকল! তোমালোকেও তেওঁৰ প্ৰতি আশীৰ্বাদ প্ৰেৰণ কৰা, আৰু শ্ৰদ্ধাৰ সৈতে তেওঁৰ প্ৰতি সম্মান প্ৰদৰ্শণ কৰা।"[2] এইটো মুছলিম সকলৰ বাবে এটা স্মাৰক যিটোয়ে সকলো কাম-কৰ্ম মুহাম্মাদ(ছাঃ)ৰ আদৰ্শ অনুসৰণত সচেতন কৰে।[3]

তথ্যসূত্ৰ[সম্পাদনা কৰক]

  1. 1.0 1.1 "What does the Muslim phrase, "Peace Be Upon Him" mean?" (ইংৰাজী ভাষাত). InnovateUs Inc.. http://www.innovateus.net/innopedia/what-does-muslim-phrase-peace-be-upon-him-mean#Why+do+Muslims+say+the+phrase+%26quot%3BPeace+Be+Upon+Him%26quot%3B%3F। আহৰণ কৰা হৈছে: 25 July 2015. 
  2. 2.0 2.1 2.2 2.3 John L. Esposito, What Everyone Needs to Know about Islam, Second Edition (ইংৰাজী), (New York: Oxford University Press, 2011), p. 128
  3. Jean Mead, Why Is Muhammad Important to Muslims? (ইংৰাজী) (London: Evans, 2008), p. 5