ছাণ্টাক্লজ

অসমীয়া ৱিকিপিডিয়াৰ পৰা
1881 illustration by Thomas Nast who, with Clement Clarke Moore, helped to create the modern image of Santa Claus.
The modern portrayal of Santa Claus frequently depicts him listening to the Christmas wishes of children

ছাণ্টাক্লজ (ইংৰাজী: Santa Claus) হ'ল বৰদিনৰাতি সৰু ল'ৰা-ছোৱালীলৈ উপহাৰ লৈ আহে বুলি কল্পিত,পকা দাঢ়ি-চুলি আৰু শুভ্ৰ পোছাক পৰিহিত এজন বুঢ়া৷ ছাণ্টাক্লজৰ চৰিত্ৰৰ বিষয়ে প্ৰাচীন কালৰপৰা বিভিন্ন ধাৰণা প্ৰচলিত আছে৷ তেওঁক মহিলা,শিশু,দুখীয়া আদি লোকসকলক বিপদত ৰক্ষা কৰিবলৈ ঈশ্বৰে পঠিয়াইছিল বুলি ভবা হয়৷ [1]

ইতিহাস[সম্পাদনা কৰক]

এটা কাহিনী অনু্সৰি ইটালিৰ মায়াবা নগৰৰ বিছপ,নিকোলাছ নামৰ এজন বৃদ্ধ ভদ্ৰলোকে চতুৰ্থ শতিকাৰ বৰদিন এটাত ৰাতি বাটলৈ ওলাই আহি সকলোকে আনন্দ দিবৰ বাবে যিছু পৃথিৱীলৈ নামি আহিছে বুলি চিঞৰি চিঞৰি কণ কণ ল'ৰা-ছোৱালীবোৰক লজেন,টফি আদি উপহাৰ বিলাই দি আৰ্শীবাদ দিছিল৷ এই ঘটনাৰ পিছৰ পৰাই সকলোৰে মুখে মুখে কেৱল বৃদ্ধ নিকোলাছৰ কথা৷ এইদৰেই শুভ্ৰ পোছাক আৰু মুখভৰা বগা দাঢ়িৰে বৃদ্ধ নিকোলাছ কিংবদন্তি হৈ পৰিল৷ নিকোলাছৰ মৃত্যুৰ পাছত ধৰ্মগুৰু পোপে তেওঁক ছেইণ্ট উপাধি প্ৰদান কৰে৷ বিছপ নিকোলাছ ছেইণ্ট নিকোলাছ নামেৰে জনাজাত হৈ পৰিল৷ পাছত ইংৰাজীৰ St.(ছেইণ্ট) শব্দৰ পৰিবৰ্তন হৈ ছাণ্টা (Santa) হ'ল আৰু নিকোলাছৰ প্ৰথম আখৰটো হেৰাই মাথোন থাকিল ক্লজ (Claus);ছেইণ্ট নিকোলাছ ছাণ্টাক্লজ ৰূপে জনাজাত হৈ পৰিল৷ [1]

খ্ৰিষ্টমাছ ফাদাৰ[সম্পাদনা কৰক]

ছাণ্টাক্লজক খ্ৰিষ্টমাছ ফাডাৰ বুলিও কোৱা হয়৷ ইউৰোপ বা অন্য দেশৰ শিশুসকলে বিশ্বাস কৰে যে বৰদিনৰ ৰাতি ছাণ্টাক্লজ আহি তেওঁলোকৰ বাবে বিভিন্ন উপহাৰ দি থৈ যায়৷ সেয়েহে শিশুসকলে ছিমনি,দুৱাৰমুখ আদিত নিজৰ জোতা,মোজা,মোনা আদি ওলমাই থৈ দিয়ে,যাতে খ্ৰিষ্টমাছ ফাডাৰে সেইবোৰত তেওঁলোকৰ বাবে উপহাৰ দি থৈ যাব পাৰে৷ শিশুসকলৰ বিশ্বাস অটুট ৰাখিবলৈ তেওঁলোকৰ মাক-দেউতাকে সেইবোৰত তেওঁলোকৰ মনৰ পছন্দৰ বস্তুবোৰ সুমুৱাই থয়৷ ইটালি,জাৰ্মেনি,ফ্ৰান্স আদি দেশত ঘৰৰে এজন সদস্যই ছাণ্টাক্লজৰ দৰে ভেশ ধৰি বৰদিনৰ মেলত (Christmas Party) উপহাৰ বিলাই ফুৰে৷[1]

Sinterklaas in 2007

চিত্ৰৰ ভঁৰাল[সম্পাদনা কৰক]


তথ্য সংগ্ৰহ[সম্পাদনা কৰক]

  1. 1.0 1.1 1.2 "জ্ঞানাঞ্জন". প্ৰান্তিক খণ্ড ৩৩শ বছৰ (২য় সংখ্যা): পৃষ্ঠা ৬৫. ১৬ - ৩১ ডিছেম্বৰ ২০১৩. 


বাহ্যিক সংযোগ[সম্পাদনা কৰক]