জিঞাখাটী

অসমীয়া ৱিকিপিডিয়াৰ পৰা
Jump to navigation Jump to search
জিঞাখাটী (Blue-tailed Bee-eater)
সংৰক্ষণ স্থিতি
জীৱবৈজ্ঞানিক শ্ৰেণীবিভাজন
জগৎ/ৰাজ্য: Animalia
পৰ্ব: Chordata
শ্ৰেণী: Aves
বৰ্গ: Coraciiformes
পৰিয়াল: Meropidae
গণ: Merops
প্ৰজাতি: M. philippinus
বৈজ্ঞানিক নাম
Merops philippinus
Linnaeus, 1766

জিঞাখাটী (ইংৰাজী: Blue-tailed Bee-eater, বৈজ্ঞানিক নাম-Merops philippinus) 'Meropidae' গোটৰ এবিধ চৰাইৰ প্ৰজাতি৷ ই সাধাৰণতে দক্ষিণ-পূব এছিয়াত প্ৰজনন কৰে বুলি জনা যায়৷ ই প্ৰধানকৈ এবিধ পৰিভ্ৰমণকাৰী চৰাইৰ প্ৰজাতি৷

বিতৰণ[সম্পাদনা কৰক]

বিৱৰণ[সম্পাদনা কৰক]

নীলা নেজৰ সৈতে জিঞাখাটীৰ দেহৰ পিছফালৰ অংশ

জিঞাখাটীৰ দেহৰ বৰণ এই গোটৰ অন্য চৰাইবোৰৰ দৰেই খুবেই বৰ্ণময়৷ ইয়াৰ দেহটো মূলতঃ সেউজীয়া৷ ইয়াৰ মুখত নীলা দাগ আৰু চকুৰ কাষত ক'লা আঁচ থাকে৷ ইয়াৰ ডিঙি হালধীয়া আৰু মুগা বৰণৰ৷ জিঞাখাটীৰ নেজ নীলা, ঠোঁটৰ বৰণ আকৌ ক'লা৷ ইয়াৰ দেহৰ দৈৰ্ঘ্য ২৩-২৬ ছে: মি: পৰ্য্যন্ত হ'ব পাৰে৷ মতা আৰু মাইকীৰ বাহ্যিক গঠন প্ৰায় একে৷

আচৰণ[সম্পাদনা কৰক]

জিঞাখাটীয়ে বিষুৱীয় অঞ্চলৰ মুকলি বাসস্থান যেনে খেতি-পথাৰ, উদ্যান আদিত প্ৰজনন কৰে৷ ইয়াক প্ৰায়ে জলাশয় সমূহৰ আশে পাশে দেখিবলৈ পোৱা যায়৷

খাদ্য[সম্পাদনা কৰক]

এই গোটৰ অন্যান্য চৰাইৰ প্ৰজাতিৰ দৰেই ইও প্ৰধানকৈ পোক-পতংগ,জিঞা, বৰল আদি খাই জীয়াই থাকে৷ ই এই চিকাৰসমূহ বতাহতে ঠোঁটেৰে ধৰিব পাৰে৷ ধৰাৰ পিছত চিকাৰক জিৰণি লোৱা ঠাইত মৰিয়াই মাৰি পেলাই জিঞাখাটীয়ে ভক্ষণ কৰে৷

প্ৰজনন[সম্পাদনা কৰক]

জিঞাখাটী সাধাৰণতে জাক পাতি বসবাস কৰা দেখা যায়৷ ইহঁতে নদীকাষৰীয়া বালিময় বা মুকলি খেতি পথাৰত ক'লনি গঠন কৰি বাহ সাজে৷ ই মাটিত দীঘলীবা সুৰংগ খান্দি তাৰ ভিতৰত পাঁচৰ পৰা সাতটাকৈ কণী পাৰে৷ মতা আৰু মাইকী দুয়ো কণীৰ যত্ন লয়৷

তথ্যসূত্ৰ[সম্পাদনা কৰক]

  • Fry, Fry and Harris. Kingfishers, Bee-eaters and Rollers.
  • Dharmakumarsinhji, K. S. (1958). Bluetailed Bee-eater Merops philippinus Linnaeus in western Saurashtra. JBNHS 55: 351-352.
  • Phillips, W. W. A. (1956). Prolonged stay of the Blue-tailed Bee-eater (Merops philippinus philippinus) in eastern Ceylon. Spolia Zeylanica 28(1): 109.
  • Norris, C. E. (1963). The Bluetailed Bee-eater Merops philippinus Linnaeus, nesting in Ceylon. JBNHS 60: 259.
  • Neelakantan, K. K. (1948). On the breeding of the Blue-tailed Bee-eater (Merops superciliosus javanicus) in Rajahmundri, East Godavari district. JBNHS 47: 741-742.
  • Kasambe,R. (2004). Nesting of Blue Tailed Bee-eaters in Amravati District of Maharashtra. NLBW 44(2): 21-22

আলোকচিত্ৰৰ ভঁৰাল[সম্পাদনা কৰক]