জীতেন্দ্ৰ কুমাৰ

অসমীয়া ৱিকিপিডিয়াৰ পৰা
নেভিগেশ্যনলৈ যাওক সন্ধানলৈ যাওক
জীতেন্দ্ৰ কুমাৰ
২০২০ চনৰ ফেব্ৰুৱাৰিত, চলচ্চিত্ৰ "শুভমংগল জ্যাদা সাৱধান"ৰ এটা অনুষ্ঠানত
২০২০ চনৰ ফেব্ৰুৱাৰিত, চলচ্চিত্ৰ "শুভমংগল জ্যাদা সাৱধান"ৰ এটা অনুষ্ঠানত
জন্ম ১ ছেপ্টেম্বৰ, ১৯৯০ (৩০ বছৰ)
খেৰথাল, আলৱাৰ জিলা, ৰাজস্থান, ভাৰত
ৰাষ্ট্ৰীয়তা ভাৰতীয়
অন্য নাম জীতু
শিক্ষা ভাৰতীয় প্ৰযুক্তিবিদ্যা প্ৰতিষ্ঠান, খড়গপুৰ
পেচা অভিনেতা
জনা যায়
  • কোটা ফেক্টৰী (ৱেব চিৰিজ)
  • টিভিএফ পিটচাৰ্ছ (ৱেব চিৰিজ)
  • শুভ মংগল জ্যাদা সাৱধান (চলচ্চিত্ৰ)
  • পঞ্চায়ত (ৱেব চিৰিজ)
  • চমন বাহাৰ (চলচ্চিত্ৰ)

জীতেন্দ্ৰ কুমাৰ (ইংৰাজী: Jitendra Kumar; জন্ম: ১ ছেপ্টেম্বৰ ১৯৯০) হৈছে এগৰাকী ভাৰতীয় অভিনেতা। দ্য ভাইৰেল ফিভাৰৰ বিভিন্ন কৌতুকধৰ্মী-ব্যংগাত্মক অনুষ্ঠানত আগবঢ়োৱা অভিনয়ৰ জৰিয়তে তেখেত জনাজাত হয়।[1] য'ত তেওঁ জীতু, মুন্না জজবাটি, গীট্টু আদি চৰিত্ৰসমূহ ৰূপায়ণ কৰে।[2] আৰু অৰ্জুন কেজৰিৱাল হিচাপে[3] ভাৰতীয় ৰাজনীতিবিদ আৰু দিল্লীৰ মুখ্য মন্ত্ৰী অৰবিন্দ কেজৰিৱালৰ পেৰদি সংস্কৰণত আগবঢ়োৱা অভিনয়ৰ বাবেও তেওঁ পৰিচিতি লাভ কৰে। কোটা ফেক্টৰী নামৰ ক'লা-বগা ৱেব-ছিৰিজখনত তেওঁ "জীতু ভায়া"ৰ চৰিত্ৰটি ৰূপায়ণ কৰে। পৰৱৰ্তী কালত হিন্দী ছবি "শুভ মংগল জ্যাদা সাৱধান", এমাজন প্ৰাইমৰ ৱেব-চিৰিজ "পঞ্চায়ত" আদিত তেওঁ অভিনয় কৰে।[4]

জীৱনী[সম্পাদনা কৰক]

জীতেন্দ্ৰ কুমাৰৰ জন্মভূমি হৈছে ৰাজস্থানৰ আলৱাৰ জিলাৰ খৈৰথাল।[5] তেওঁ আইআইটি খড়গপুৰৰ পৰা চিভিল ইঞ্জিনিয়াৰিঙত স্নাতক ডিগ্ৰী অৰ্জন কৰে।

আইআইটি খড়গপুৰত পঢ়ি থকা অৱস্থাতেই জীতেন্দ্ৰই হিন্দী প্ৰযুক্তিবিদ্যা সংঘৰ অধ্যক্ষ হিচাপে কেইবাখনো মঞ্চ নাটত অংশ লয়। তাতেই তেওঁ বিশ্বপতি সৰকাৰক লগ পায়। আৰু পৰৱৰ্তী পৰ্যায়ত অৰ্থাৎ ২০১২ চনত সৰকাৰেই তেওঁক টিভিএফলৈ আমন্ত্ৰিত কৰে।[6]

অভিনয়-জীৱন[সম্পাদনা কৰক]

২০১৩ চনত জীতেন্দ্ৰ কুমাৰে 'মুন্না জজবাটি: দ্য কিউটিয়াপ্পা ইণ্টাৰ্ণ'ত অভিনয় কৰে। যিটো ভিডিঅ' ততালিকে ভাইৰেল হৈ পৰে আৰু তিনি মিলিয়নতকৈও অধিক দৰ্শন লাভ কৰে। তেতিয়াৰ পৰা, জীতেন্দ্ৰ কুমাৰে টিভিএফত বহুকেইটা চৰিত্ৰ ৰূপায়ণ কৰি আহিছে; যেনে, 'Tech Conversations With Dad', 'A Day With' ধাৰাবাহিক আদি। জীতেন্দ্ৰ কুমাৰৰ অন্যতম সফল কৰ্ম হৈছে কোটা ফেক্টৰী। টিভিএফ, ৱেব-চিৰিজ আৰু কমেডি ভিডিঅ'ৰ বাহিৰেও জীতেন্দ্ৰই কিছু সংখ্যক ছবিতো অভিনয় কৰিছে।[7] টিভিএফ পিটচাৰ্ছ নামৰ ৱেব-চিৰিজটোৰ গুৰুত্বপূৰ্ণ চৰিত্ৰ 'জীতেন্দ্ৰ মহেশ্বৰী'ৰ ৰূপায়ণৰ জৰিয়তে তেওঁ জনপ্ৰিয় হৈ পৰে। পাৰমানেণ্ট ৰুমমেটছৰ গিট্টু নামৰ চৰিত্ৰটোও সমানেই জনপ্ৰিয়, যিটো চৰিত্ৰ আছিল এগৰাকী দৰাৰ। শুৰুৱাত কা ইণ্টাৰভেল নামৰ ছবিখনত জীতেন্দ্ৰক দেখা পোৱা গৈছিল।[8]

২০২০ চনত জীতেন্দ্ৰই এমাজন প্ৰাইমৰ ৱেব-চিৰিজ পঞ্চায়তত অভিনয় কৰে। চিৰিজটোত তেওঁ উত্তৰ প্ৰদেশৰ ফুলেৰা নামৰ গ্ৰামাঞ্চলত থকা পঞ্চায়ত কাৰ্যালয় এটাৰ তৰুণ সচিব অভিষেক ত্ৰিপাঠিৰ চৰিত্ৰ ৰূপায়ণ কৰে। চিৰিজটো টিভিএফৰ দ্বাৰা প্ৰযোজিত। দীপক কুমাৰ মিশ্ৰৰ দ্বাৰা পৰিচালিত আৰু চন্দন কুমাৰৰ দ্বাৰা লিখিত চিৰিজটোৱে সমালোচক আৰু দৰ্শক উভয়পক্ষৰে পৰা সমাদৰ আৰু প্ৰশংসা লাভ কৰে। চাৰিটা ষ্টাৰ প্ৰদান কৰি "টাইমছ অৱ ইণ্ডিয়া"ই মন্তব্য কৰে যে, "Jitendra Kumar as Abhishek Tripathi is effortlessly convincing..."।[9] আইএমডিবিত চিৰিজটোৱে ৮.৮ ষ্টাৰ (১০ৰ ভিতৰত) পাবলৈ সক্ষম হয়।[10][11][12][13][14][15][16][17]

২০১৯ চনত জীতেন্দ্ৰ কুমাৰে "গ'ন কেশ" নামৰ ছবিখনত অভিনয় কৰে। মুখ্য চৰিত্ৰত শ্বেতা ত্ৰিপাঠি অভিনীত "গ'ন কেছ"ৰ পৰিচালক হৈছিল কাছিম খালাও। ছবিখনত "এলোপেছিয়া" নামৰ বিৰল ৰোগ এটিত আক্ৰান্ত যুৱতী এগৰাকীৰ জীৱন-যাত্ৰা দেখুউৱা হয়। জীতেন্দ্ৰ কুমাৰৰ অভিনয়ৰ প্ৰসংগত হিন্দুস্তান টাইমছে কয় যে, "Jitendra Kumar as Sujoy is competent and charming. He aptly supports Shweta with a realistic performance."।[18][19]

২০২০ চনত জীতেন্দ্ৰ কুমাৰ অভিনীত "শুভ মংগল জ্যাদা সাৱধান" ছবিখনে মুক্তি লাভ কৰে। হীতেশ কেৱল্য পৰিচালিত ছবিখনে দৰ্শক-সমালোচকৰ পৰা মিশ্ৰিত সঁহাৰি লাভ কৰে। বলিউদৰ আন এজন অভিনেতা আয়ুস্মান খুড়ানাইও এইখন ছবিত এটি গুৰুত্বপূৰ্ণ চৰিত্ৰ ৰূপায়ণ কৰে। সমকামিতাৰ বিষয়টোক আধাৰ হিচাপে লৈ নিৰ্মিত হোৱা ছবিখনত গজৰাজ ৰাও, নীনা গুপ্তাৰ দৰে অভিনয়-শিল্পীয়েও অভিনয় কৰে।[20]

২০২০ চনত জীতেন্দ্ৰ কুমাৰ অভিনীত আন এখন ছবি "চমন বাহাৰ"-এ নেটফ্লিক্সত মুক্তি লাভ কৰে।[21] জীতেন্দ্ৰ কুমাৰে ছবিখনত বন বিভাগৰ চাকৰি এৰি আহি পাণদোকানী হোৱা যুৱক "বিল্লু"ৰ চৰিত্ৰত অভিনয় কৰে। ছবিখনৰ কাহিনী গঢ়ি উঠে চত্তিছগড়ৰ লুৰ্মী জিলাত। ২০১৮ চনতেই নিৰ্মাণ সমাপ্ত হোৱা "চমন বাহাৰ" জীতেন্দ্ৰ কুমাৰৰ প্ৰথমখন ছবি হ'ব বুলি ভবা হৈছিল। ফিল্ম কম্পেনিয়নৰ সমালোচক অনুপমা চোপ্ৰাই জীতেন্দ্ৰ কুমাৰ আৰু ছবিখনৰ প্ৰসংগত কয় যে, "Even as you sympathize with his character’s predicament, you’re smiling because his seething has an in-built comical streak. In Chaman Bahaar, he once again finds this sweet spot. Sadly, the film doesn’t."। ছবিখনৰ পৰিচালক হৈছে অপূৰ্ব ধৰ বদগায়ান। গুৰুত্বপূৰ্ণ চৰিত্ৰসমূহত ৰিতিকা বদিয়ানী আৰু আলম খান আদিয়ে অভিনয় কৰে।[22]

চলচ্চিত্ৰপুঞ্জী[সম্পাদনা কৰক]

"শুভ মংগল জ্যাদা সাৱধান"ৰ প্ৰচাৰৰ এটি মুহূৰ্তত নীনা গুপ্তাৰ সৈতে আয়ুষ্মান খুৰানা আৰু জীতু

চলচ্চিত্ৰ[সম্পাদনা কৰক]

Films that have not yet been released মুক্তি নোহোৱা ছবিসমূহ
বৰ্ষ নাম চৰিত্ৰ তথ্যসূত্ৰ
২০১৪ শুৰুৱাত কা ইণ্টাৰভেল লক্ষ্মণ
২০১৯ গ'ন কেশ শ্ৰীজয় ৰয়
২০২০ শুভ মংগল জ্যাদা সাৱধান অমন ত্ৰিপাঠী [23][24]
চমন বাহাৰ বিল্লু

ৱেব চিৰিজ[সম্পাদনা কৰক]

বৰ্ষ নাম চৰিত্ৰ তথ্যসূত্ৰ খণ্ড
২০১৪ পাৰমেনেণ্ট ৰুমমেটছ প্ৰতীক (গীট্টু)
২০১৫ টিভিএফ পিটচাৰ্ছ জীতেন্দ্ৰ মহেশ্বৰী (জীতু) [25] সকলোতে
২০১৭ টিভিএফ বেচেলৰছ চিজন ২ জীতু [26] সকলোতে
বিষ্ট, প্লিজ!! গিৰিশ গোয়েল
F.A.T.H.E.R.S. জীতু
২০১৮ মিষ্টাৰ এণ্ড মিছেন:চিজন ১ বীৰেণ
২০১৯ ইমমেচ্যুৰ নাটকৰ শিক্ষক
টিভিএফ ট্ৰিপলিং অভিনেতা ১ আৰু ৫
কোটা ফেক্টৰী জিতু ভায়া [27] সকলোতে
হিউমাৰাছলি ইয়ৰছ্ আৰ জে মস্তিখোৰ মিশ্ৰ
ছিজকেক নীল [28] সকলোতে
২০২০ পঞ্চায়ত অভিষেক ত্ৰিপাঠী [29] সকলোতে

তথ্যসূত্ৰ[সম্পাদনা কৰক]

  1. Ram, Sharmila Ganesan (16 February 2014). "Age of parody". Times of India. TNN. http://timesofindia.indiatimes.com/home/sunday-times/deep-focus/Age-of-parody/articleshow/30505754.cms। আহৰণ কৰা হৈছে: 5 May 2015. 
  2. Permanent Roommates (TV Series 2014– ), https://www.imdb.com/title/tt4156586/fullcredits, r কৰা হৈছে: 2018-06-15 
  3. "Meet Jitendra Kumar, the actor who faced off with Kejriwal, dressed as Kejriwal" (en ভাষাত). Hindustan Times. 2016-10-28. https://www.hindustantimes.com/art-and-culture/all-about-jeetendra-kumar-the-actor-who-faced-off-with-arvind-kejriwal-dressed-as-arvind-kejriwal/story-5HVLuhqf9JZIQ4ElAdwZAK.html. 
  4. "Panchayat Web Series movie review Trailer Release Date Cast Episodes – Amazon Prime". https://www.uslis.com/2020/04/panchayat-web-series-movie-review.html. 
  5. "From IIT To Bollywood, 'Shubh Mangal Zyada Saavdhan' Star Jitendra Kumar's Story Defines Hope" (en ভাষাত). 2020-05-09. https://www.huffingtonpost.in/entry/jitendra-kumar-jeetu-interview_in_5eb5b90ec5b6dea39d557c52. 
  6. "IIT Is Not The End Of The World: Jitendra Kumar" (en ভাষাত). http://bweducation.businessworld.in/article/IIT-Is-Not-The-End-Of-The-World-Jitendra-Kumar/08-07-2019-172962. 
  7. Kumar, Jitendra. "Jitendra Kumar". Internet Movie Database. https://www.imdb.com/name/nm6845062/. 
  8. "12 Things To Know About Jitendra Kumar : The Prince of TVF (The Viral Fever) | Tomatoheart" (en-US ভাষাত). https://tomatoheart.com/niti-jha/jitendra-kumar-tvf/. 
  9. https://timesofindia.indiatimes.com/web-series/reviews/hindi/panchayat-review-a-delightful-slice-of-life-series-capturing-the-essence-of-rural-india/articleshow/75815984.cms
  10. https://www.imdb.com/title/tt12004706/
  11. Kumar, Jitendra. "Jeetu". Internet Movie Database. https://www.huffingtonpost.in/entry/jitendra-kumar-jeetu-interview_in_5eb5b90ec5b6dea39d557c52. 
  12. "Jitendra Kumar about Ayushmann and homosexuality". https://www.telegraphindia.com/entertainment/bollywood/jitendra-kumar-speaks-on-ayushmann-khurrana-and-homosexuality-in-shubh-mangal-zyada-saavdhan-interview/cid/1747276. 
  13. "Jitendra Kumar says he takes YouTube comments as reality checks". https://www.republicworld.com/entertainment-news/bollywood-news/jitendra-kumar-says-he-takes-youtube-comments-as-a-reality-check.html. 
  14. "About Jitendra Kumar". https://www.filmcompanion.in/tvfs-jitendra-kumar-on-the-origins-of-his-character-jeetu-bhaiya/. 
  15. "Jitendra Kumar about his show Cheesecake and more". https://www.firstpost.com/entertainment/jitendra-kumar-on-his-new-tvf-show-cheesecake-and-striking-gold-with-shubh-mangal-zyada-saavdhan-kota-factory-7715311.html. 
  16. "Meet Jitendra Kumar, the actor who faced off with Kejriwal, dressed as him". https://www.hindustantimes.com/art-and-culture/all-about-jeetendra-kumar-the-actor-who-faced-off-with-arvind-kejriwal-dressed-as-arvind-kejriwal/story-5HVLuhqf9JZIQ4ElAdwZAK.html. 
  17. "‘Loved seeing myself on the big screen’: How TVF’s ‘Jeetu’ went from IIT to web series to films". https://scroll.in/reel/922067/loved-seeing-myself-on-the-big-screen-how-tvfs-jeetu-went-from-iit-to-web-series-to-films. 
  18. https://www.imdb.com/title/tt10017956/fullcredits?ref_=tt_cl_sm#cast
  19. https://www.hindustantimes.com/bollywood/gone-kesh-review-a-story-of-a-girl-struggling-with-hair-loss-is-a-feeble-yet-brave-attempt/story-fpmHGawwV4TVsyPup3HCLM.html
  20. https://www.filmcompanion.in/reviews/bollywood-review/shubh-mangal-zyada-saavdhan-movie-review-a-likeable-well-performed-comedy-of-cultural-significance/#:~:text=Shubh%20Mangal%20Zyada%20Saavdhan%20Movie%20Review%3A%20A%20Likeable%2C%20Well%2D,Performed%20Comedy%20Of%20Cultural%20Significance&text=Ayushmann%20Khurrana%20is%20what%20I,%E2%80%9Cjoint%2Dfamily%20hero%E2%80%9D.&text=In%20short%2C%20Khurrana%20is%20most,circumstances%20are%20at%20their%20worst.
  21. https://www.thequint.com/entertainment/hot-on-web/chaman-bahar-netflix-toxic-mascilinity-jitendra-kumar
  22. https://www.filmcompanion.in/reviews/bollywood-review/chaman-bahaar-netflix-review-isnt-able-to-build-on-the-promise-of-its-premise-jitendra-kumar-ritika-badiani-anupama-chopra/
  23. "Shubh Mangal Zyada Saavdhan pushed to March 13 next year; film to clash with Gunjan Saxena: The Kargil Girl". 10 September 2019. https://www.timesnownews.com/entertainment/news/bollywood-news/article/shubh-mangal-zyada-saavdhan-pushed-to-march-13-next-year-film-to-clash-with-gunjan-saxena-the-kargirl-girl/486074. 
  24. "Shubh Mangal Zyada Saavdhan makers looking for the right man to cast as Ayushmann Khurrana's love interest". Hindustan Times. 7 June 2019. https://www.hindustantimes.com/bollywood/ayushmann-khurrana-s-shubh-mangal-zyada-saavdhan-casts-jeetu-bhaiya-jitendra-kumar-as-his-love-interest-report/story-zyDWXfJNV3WBs4TgezhmSO.html. 
  25. TVF Pitchers (TV Series 2015), https://www.imdb.com/title/tt4742876/fullcredits/, r কৰা হৈছে: 2018-06-15 
  26. TVF Bachelors, Jasmeet Singh Bhatia, Shivankit Singh Parihar, Gopal Dutt, https://www.imdb.com/title/tt7665182/, r কৰা হৈছে: 2018-06-15 
  27. Kota Factory Review, https://www.filmcompanion.in/kota-factory-review-tvf-rahul-desai, r কৰা হৈছে: 2018-11-29 
  28. Cheesecake Review, https://www.hindustantimes.com/tv/cheesecake-review-go-for-this-dessert-only-if-you-are-a-dog-lover/story-LHfcDXJuECNtWUGrmvAF8N.html, r কৰা হৈছে: 2019-11-29 
  29. Panchayat Review, https://www.hindustantimes.com/tv/panchayat-review-jitendra-kumar-takes-over-from-shah-rukh-khan-in-this-quirky-desi-drama/story-XyURlVj5gUOGLHoay21DFI.html, r কৰা হৈছে: 2020-04-03 

বাহ্যিক সংযোগ[সম্পাদনা কৰক]