তৰল পদাৰ্থ

অসমীয়া ৱিকিপিডিয়াৰ পৰা
জুলীয়া পদাৰ্থ পানীত সৃষ্টি হোৱা তৰংগ

জুলীয়া বা তৰল হৈছে পদাৰ্থৰ তিনিবিধ ধ্ৰুপদী অৱস্থাৰ এটা (আন দুটা হৈছে কঠিন আৰু গেছীয়)। ইয়াৰ নিৰ্দিষ্ট আয়তন থাকিলেও কোনো নিৰ্দিষ্ট আকাৰ নাথাকে। ই ৰাসায়নিক বান্ধনীৰে সংযুক্ত অণু বা পৰমাণুৰে গঠিত। পানী পৃথিৱীৰ এক সহজলভ্য জুলীয়া পদাৰ্থ। গেছৰ দৰে জুলীয়া পদাৰ্থও প্ৰবাহীত হ'ব পাৰে আৰু যি পাত্ৰত থোৱা যায় তাৰ আকাৰ ল'ব পাৰে। গেছৰ বিপৰীতে, এটি জুলীয়া পদাৰ্থই পাত্ৰৰ প্ৰতিতো স্থান পূৰণ নকৰে, আৰু এক মোটামুটি ধ্ৰুবক ঘনত্ব ৰক্ষা কৰি চলে। এই ঘনত্ব গোটা পদাৰ্থৰ দৰে প্ৰায় একে হ'লেও গেছতকৈ অনেক বেছি। কিছুমান জুলীয়া পদাৰ্থক সংকুচিত কৰিব পৰা যায়, আৰু কিছুমানক কৰিব পৰা নাযায়।

জুলীয়া পদাৰ্থৰ এটা প্ৰধান ধৰ্ম হৈছে পৃষ্ঠটান, ইয়াৰ বাবেই তৰল পদাৰ্থই কঠিন পদাৰ্থক তিয়াব পাৰে।

পানীৰ টোপাল গঠন এটা প্ৰাকৃতিক পৰিঘটনা, ই মুঠ পৃষ্ঠকালি হ্ৰাস কৰে, আৰু তাৰ ফলস্বৰূপে হোৱা পৃষ্ঠটানে টোপালটোক সাম্যাৱস্থা প্ৰদান কৰে

পাতনি[সম্পাদনা কৰক]

তৰল পদাৰ্থ এবিধ প্ৰবাহী (ফ্লুইড), কঠিন পদাৰ্থৰ বিপৰীতে তৰল পদাৰ্থৰ অণু এটাই লৰ-চৰ কৰিবৰ বাবে যঠেষ্ট মুক্তাৱস্থা পায়, তৰল পদাৰ্থৰ অণুসমূহ বান্ধিৰখা অস্থায়ী শক্তিবোৰে ইয়াৰ প্ৰবাহীত হোৱাৰ ক্ষমতা প্ৰদান কৰে, কঠিন পদাৰ্থৰ বেলিকা এই ঘটনা দেখিবলৈ পোৱা নাযায়।

তৰল পদাৰ্থই গেছৰ দৰে প্ৰবাহী পদাৰ্থৰ ধৰ্ম দেখুৱাই, ই বৈ যাব পাৰে, ইয়াক ধাৰণ কৰা পাত্ৰৰ আকাৰ ল’ব পাৰে আৰু বন্ধ পাত্ৰত ৰাখিলে ইয়াৰ ওপৰত প্ৰয়োগ হোৱা চাপ পাত্ৰৰ প্ৰতিখন বেৰত বিতৰন কৰিব পাৰে। গেছৰ দৰে অৱশ্যে এটা তৰল আন এটাৰ লগত মিহলি হৈ নাযাবও পাৰে, আৰু অতি বেচি চাপ নাপালে গেছৰ দৰে ই সংকোচনশীলো নহয়। এনেবোৰ ধৰ্মই তৰল পদাৰ্থক কিছুমান বিশেষ প্ৰয়োগ যেনে: হাইড্ৰলিকচ আদিৰ বাবে উপযোগী কলি তোলে।

অৱস্থাৰ পৰিৱৰ্তন

তথ্য সংগ্ৰহ[সম্পাদনা কৰক]

বাহ্যিক সংযোগ[সম্পাদনা কৰক]