দীপক কুমাৰ দাস
| দীপক কুমাৰ দাস | |
|---|---|
| জন্ম | শুৱালকুছি, অসম |
| নাগৰিকত্ব | ভাৰতীয় |
| জাতীয়তা | ভাৰতীয় |
| ক্ষেত্ৰ | মহাকাশ বিজ্ঞান |
| কৰ্মস্থান | মহাকাশ প্ৰয়োগ কেন্দ্ৰ (Space Application Centre, SAC) |
| শিক্ষানুষ্ঠান | আইআইটি |
| জনা যায় | ইছৰ'ৰ প্ৰকল্প |
দীপক কুমাৰ দাস (ইংৰাজী: Dipak Kumar Das) হৈছে এগৰাকী অসমীয়া বিজ্ঞানী৷ তেখেত ভাৰতীয় মহাকাশ গৱেষণা সংস্থা,ISRO ৰ অন্তৰ্গত মহাকাশ প্ৰয়োগ কেন্দ্ৰৰ বৰ্তমানৰ অধ্যক্ষ৷ মহাকাশযান আৰু আনুষংগিক প্ৰযুক্তিৰ ক্ষেত্ৰখনলৈ আগবঢ়োৱা অৱদানৰ বাবে তেখেতে ২০১০ চনত ISRO-ASI বঁটা লাভ কৰিছিল৷ ২০২০ চনত তেখেত "পৃথিৱী নিৰীক্ষণ কৃত্ৰিম উপগ্ৰহ সমিতি"ৰ সভাপতি হিচাপে নিৰ্বাচিত হয়৷[1] ইছ'ৰ' চন্দ্ৰ অভিযান চন্দ্ৰযান প্ৰকল্পতো দীপক কুমাৰ দাস জড়িত আছিল৷ [2]
প্ৰাৰম্ভিক জীৱন আৰু শিক্ষা
[সম্পাদনা কৰক]দীপক কুমাৰ দাসৰ জন্ম হৈছিল অসমৰ শুৱালকুছিত৷ তেখেতে কটন কলেজৰ পৰা ১৯৭৬-৭৮ৰ সময়ছোৱাত শিক্ষাগ্ৰহণ কৰিছিল আৰু বেনাৰস হিন্দু বিশ্ববিদ্যালয়ৰ পৰা তথ্য প্ৰযুক্তিবিদ্যা বিভাগত স্নাতক ডিগ্ৰী অৰ্জন কৰিছিল৷ [3]
কৰ্মজীৱন
[সম্পাদনা কৰক]ইছৰ'ৰ মহাকাশ প্ৰয়োগ কেন্দ্ৰতেই দীপক কুমাৰ দাসে ১৯৮৩ চনত কৰ্মজীৱনৰ পাতনি মেলে৷ তেওঁৰ বিচৰণক্ষেত্ৰ আছিল যোগাযোগ আৰু নেভিগেশ্যন ছেটেলাইটৰ প্ৰযুক্তি৷ আহমেদাবাদৰ বোপাল চৌহদত এটা অত্যাধুনিক ATI ব্যৱস্থা নিৰ্মাণ কৰাত তেওঁ গুৰুত্বপূৰ্ণ বৰঙণি আগবঢ়ায়৷ দীপক কুমাৰ দাস আহমেদাবাদস্থিত মহাকাশ প্ৰয়োগ কেন্দ্ৰ (SAC)ৰ এগৰাকী বিশিষ্ট বিজ্ঞানী আৰু কেন্দ্ৰটোৰ অধ্যক্ষ৷ এই কেন্দ্ৰটো মহাকাশযানৰ বিভিন্ন যন্ত্ৰ-যন্ত্ৰাংশৰ বিকাশ আৰু নিৰ্মাণৰ লগত জড়িত৷ ভাৰতীয় মহাকাশ গৱেষণা সংস্থাৰ প্ৰায় ত্ৰিশটাতকৈও অধিক অভিযানৰ বাবে এই কেন্দ্ৰটোৱে দীপক দাসৰ নেতৃত্বৰ কমিউনিকেশন আৰু নেভিগেশন পে'লোড নিৰ্মাণ কৰিছে৷ সহযোগী প্ৰগ্ৰেম পৰিচালক হিচাপে তেখেতে কেইবাটাও প্ৰকল্পত সহযোগিতা আগবঢ়াইছিল৷ সাতটা নেভিগেছন পে'লোডৰে সমৃদ্ধ নেভিক নক্ষত্ৰমণ্ডল (বা আগতে আইআৰএনএনএছ (IRNSS) বুলি জনাজাত হোৱা) নক্ষত্ৰমণ্ডলৰ নিৰ্মাণ আৰু সেইবোৰক কাৰ্যক্ষম কৰি তোলাৰ আঁৰতো তেখেতে মূল্যৱান বৰঙণি আগবঢ়াইছিল৷ GSAT-11 আৰু GSAT-19ৰ উচ্চ থ্ৰ'পুট কৃত্ৰিম উপগ্ৰহ নিৰ্মাণত তেখেতে ওতপ্ৰোতভাৱে জড়িত আছিল৷ তেখেতৰ নেতৃত্বত বহুকেইটা SATCOM আৰু নেভিগেশন প্ৰযুক্তিৰ বিকাশ সাধন হৈছে৷ ২০১৬ চনৰ মে' মাহৰ পৰা ২০১৮ চনৰ জুনলৈকে তেখেতে সহযোগী অধ্যক্ষ হিচাপে কাৰ্যনিৰ্বাহ কৰে৷ ২০১৮ চনৰ জুলাই মাহত তেখেতে কেন্দ্ৰটোৰ অধ্যক্ষৰ পদত অধিষ্ঠিত হয়৷ [1] চন্দ্ৰযান-২ অভিযানতো তেখেত জড়িত আছিল৷ [3][4]
স্বীকৃতি আৰু সন্মান
[সম্পাদনা কৰক]- ২০১০ চনত ইছৰ'-এছআই বঁটা, মহাকাশযান আৰু আনুষংগিক প্ৰযুক্তিলৈ আগবঢ়োৱাৰ অৱদানৰ বাবে৷
- ২০১০ চনত ইছৰ' মেধা বঁটা
- ২০১৫ চনত ইছৰ' পাৰদৰ্শিতা উৎকৃষ্টতা বঁটা
- আন্তৰ্জাতিক মহাকাশবিজ্ঞান একাডেমীৰ (IAA) সংশ্লিষ্ট সদস্য
- আন্তৰ্জাতিক নভোচাৰী সংঘৰ মহাকাশ যোগাযোগ আৰু নেভিগেছন সমিতিৰ (SCAN) সদস্য
- ২০২০ চনত পৃথিৱী নিৰীক্ষণ কৃত্ৰিম উপগ্ৰহ সমিতিৰ সভাপতি৷ [1]
তথ্যসূত্ৰ
[সম্পাদনা কৰক]- ↑ 1.0 1.1 1.2 "D. K. Das". SAC. Archived from the original on 21 January 2021. https://web.archive.org/web/20210121215835/https://www.sac.gov.in/Vyom/director.jsp। আহৰণ কৰা হৈছে: 25 August 2020.
- ↑ "DK Das: Another Assamese behind Chandrayaan". NE NOW. https://nenow.in/north-east-news/assam/dk-das-another-assamese-behind-chandrayaan.html#:~:text=He%20was%20the%20principal%20scientist,in%20Chandrayaan%2D2's%20successful%20launch.। আহৰণ কৰা হৈছে: 25 August 2020.
- ↑ 3.0 3.1 "Assam's DK Das part of Chandrayaan-2 Mission". Gplus. july 23, 2019. https://www.guwahatiplus.com/daily-news/assam-s-dk-das-part-of-chandrayaan-2-mission#:~:text=Assam's%20Dipak%20Kr%20Das%20who,University%20(BHU)%20in%20IT.। আহৰণ কৰা হৈছে: 25 August 2020.
- ↑ https://nenow.in/north-east-news/assam/dk-das-another-assamese-behind-chandrayaan.html